عايز أسقط موتور لانسر ... أرجو النصيحة

**hazemkhattab** · 02-01-2008 10:59 PM

السلام عليكم ... عربيتى لانسر مو 1998 كاملة أتوماتيك بفتحة سقف بس 1300 cc , مشكلتى إنى كان معايا قبلها ايبيزا 1994 و كانت جراية على الارض بشكل جميل و رائع و باسحب بيها جامد و طبعا ده كله اتغير لما ركبت اللانسر الاوتوماتيك ............ فكرت اسقط موتور 1600cc ستيب ترونيك مع العلم إنى عايزها اتوماتيك .... ياترى هتفرق معايا و لا لأ ... و لو فى آراء تانية هكون مشكور لو تنصحونى و جزاكم الله خيرا

**ramyfawzy** · 08-01-2008 04:25 AM

من وجهة نظري الشخصية احسن موتور لعربيتك هوه الـ 1500 سي سي - 2 كامة - 16 صباب وده نفس الموتور اللى كانت بتنزل بيه في الخليج وساعتها مش هتحتاج تعمل اي تعديلات في العربية من ناحية قواعد الموتور والذي منه
يعني يدوب تغيير ضفيرة الكهرباء وتركيب كنترول يونت (عشان الموتور ال 1500 انجيكشن مش كاربريتر)
ثمنه مش غالى وليه قطع غيار وموجود في الحرفيين
اما بالنسبة للمواتير الجديدة فبصراحة محدش ركبها في الشكل القديم زي بتاعتك تقريبا بسبب الاختلاف في الشكل وحجم الموتور
فلو عايز تخلى العربية بتاعتك تجري سقط لها ال 1500 وهتشوف نتيجة حلوة جدا
واحد صاحبى كان معاه لانسر 1300 موديل 1998 وسقط لها ال 1500 بس على فتيس مانيوال وكانت حكاية
واي خدمة يا مان

رامي (ابو احمد)