الموضوع: واحد من جوه التوكيل

المشاركة الأصلية كتبت بواسطة osos_lion

لو سمحت كنت عيز اعرف
هو ضمان الطنابير قد ايه
وكذلك ضمان البطاريه

سعاتك بصفه عامه لازم يكون في صيانه دوريه منتظمه علشان اي قطعه غيار تكون في الضمان بالنسبه لاكسنت الطنابير من ضمان العربيه 60000 الف 3 سنوات ايهما اقرب البطاريه سنتان او 40000 ايهما اقرب بس الصيانه اخبارها ايه معاك؟؟؟؟

المشاركة الأصلية كتبت بواسطة top_10group

يا باشمهندس هانى انا عندى ميعاد صيانة ال 15000 النترا وكنت عايز اعملها فى مركز معتمد قريب منى بس عندى مشكلتين فى العربية ظهرو:
اولا الزجاج الامامى جنب السائق لو فتحته اوتو للاخر المرة اللى بعديها اجى افتحه يعمل تكة والزجاج بنزل زى ما تكون حاجة كانت ماسكاه جامد من فوق. لكن لو فتحت الزجاج عادى مش للاخر بيشتغل عادى جدا.
ثانيا ظهر عندى صوت تكة فى الدركسيون وانا بلف يمين تكة صوتها خفيف وتظهر تانى مع تكملة اللفة وهكذا.
يا ترى المشكلتين دول ايه وهل ينفع يتعملو فى المركز ولا لازم اروح التوكيل. وشكرا ليك يا باشا على سعة صدرك

لا يا باشا لازم التوكيل علشان اي قطعه غيار ضمان لازم من التوكيل

المشاركة الأصلية كتبت بواسطة banboty

م. هاني

انا كنت عندكم في ابو رواش يوم 1 مايو وغيرت سيور ( كاتينة و بليتين و دينامو و تكييف ) عربية النترا 2006 اتوماتيك . و تم التغيير و دفعت 850 جنيه

المهم , كان عندي عيب في الفتيس( اللى انا اساسا جاي علشانه التوكيل )

انه كان لما تجيب الغيار على d او r يعمل صوت طقة و العربية تنط سنة لقدام
المهم كنت طلبت من المهندس انه يحطه على جهاز الاسكانر علشان نشوف العيب منين , وبعد ما قعدت لغاية الساعة 6 مساء , قالي ان الاسكانر بايظ اساسا و ما زال العيب قائم !!

ايه الحل حضرتك ؟؟؟

و كمان سؤال

هل انت المهندس هانى عزيز ( مهندس الاستقبال )

لا انا مش هاني رفعت عزيز ده اولا
ثانيا المشكله ان الجهاز عصل دي حاجه خارجه عن ارادتنا و انا بعتذر عنها
بس في حاجه عايز اقولهالك اذا كانت هذه المشكله لا تظهر بانتظام في السياره ممكن الجهاز مايقرهاش لان الجهاز عايز ال fault or error يظهر علشان يقراه و انا هقولك الحل ايه
1- نغير حساس النقلات a&b ولاهي راحت خلاص ok
2- لو مش كده تبقي لاقدر الله فك فتيس و ربنا يبعدنا عن كده

فى حاجة غريبة فى النيو اكسنت اتوماتيك عند السير بالعربية اشعر بالنقلات عند الضغط على دواسة البنزين زى ماتكون العربية بتنتش ولكن لايحدث العكس عند خفض السرعة فهل هذ ا طبيعى علما بان السيارة عاملة 4500 ك

المشاركة الأصلية كتبت بواسطة ramy_150

كان عندى استفسار بخصوص تكيف الجيتز شغال تمام ومفيش فيه مشكلة على اول ثلاث درجات لكن لما يجى على الدرجة الرابعه صوتوا اكنى ماكينة اشتغلت ياريت لو اعرف الاسباب بعد اذنك ا باشمهندس هانى وشكرا ليك

بص يا جميل ده هتلاقي وساخه في الفلتر بتاع التكييف او ورقه شجر في البلاور ماتقلقش لما تروح الصيانه قولهم و بسيطه خالص

المشاركة الأصلية كتبت بواسطة mohamedmmmmmmmmm

فى حاجة غريبة فى النيو اكسنت اتوماتيك عند السير بالعربية اشعر بالنقلات عند الضغط على دواسة البنزين زى ماتكون العربية بتنتش ولكن لايحدث العكس عند خفض السرعة فهل هذ ا طبيعى علما بان السيارة عاملة 4500 ك

هاتها التوكيل علي طوووووووووووووووووووووووو ل

السلام عليكم

عندى استفسارين لحضرتك بالنسبة لسيارة i30 موديل 2010 وكيل:

1- صوت الكلاكس ضعيف من الأساس ، فهل يمكن تغييره أو تقويته؟ وهل لابد من اجراء ذلك فى التوكيل؟ أم يمكن عمله خارج التوكيل؟

2- أنا من حلوان ، فهل في صيانة الألف كيلو لابد من الذهاب لأبو رواش ، ولا ممكن مكان اقرب تابع للتوكيل؟

شكراً لأهتمامك

المشاركة الأصلية كتبت بواسطة basha_2005

السلام عليكم

عندى استفسارين لحضرتك بالنسبة لسيارة i30 موديل 2010 وكيل:

1- صوت الكلاكس ضعيف من الأساس ، فهل يمكن تغييره أو تقويته؟ وهل لابد من اجراء ذلك فى التوكيل؟ أم يمكن عمله خارج التوكيل؟

2- أنا من حلوان ، فهل في صيانة الألف كيلو لابد من الذهاب لأبو رواش ، ولا ممكن مكان اقرب تابع للتوكيل؟

شكراً لأهتمامك

بص ده صوت كلاكس العربيه و التوكيل مش هيعدل عليه او علي اي جزء في السياره بمعني مش هيركب اضافات و لو ركبت بيكون علي مسئوليتك اما صيانه الالف ممكن تعملها في اي مركز معتمد بس خليه يختملك الضمان