[overline]
الساده الفاضل
اذا كان احد من قراء المنتدي عنده استشاره او مشكله و يريد الستشاره
فاهلا به بدون ذكر اسماع والله المعين
[/overline]
عرض للطباعة
[overline]
الساده الفاضل
اذا كان احد من قراء المنتدي عنده استشاره او مشكله و يريد الستشاره
فاهلا به بدون ذكر اسماع والله المعين
[/overline]
السلام عليكم اخى فى الله
انا عندى مشكلة غريبة شوية ، انا معى هيونداى اكسنت اوتو موديل 1998 ،1500 ccالعربية بسم الله ماشاء الله زى الفل ، وفيها مشكلة غريبة شوية وهى البنزين بتعمل فى العشرين لتر 150 كم ، لفيت بيها على كل دكاترة مصر d: وكله بيقول العربية زى الفل وحطتها على الاسكانر وبرضه مفيش فيها مشاكل ، حتتها على جهاز co فى البنزينة وطلع الحرق بتعها مثالى ، ومش عارف المشكلة فين وهل ياترى العربية كده مظبوطة ولا فيها حاجة واحنا مش عارفين نوصلها
طيب ممكن اعرف الموتور عامل كام كيلو ميتر
بعد اذنك كنت عايز اعرف ممكن أجيب فجات ودراع واركبهم في التوكيل "Elantra 2010" ولو ممكن التكلفة كمان ؟
ممكن تبوص علي موضوع عضه الفتيس بتاعت النيو اكسنت؟
لسة مستلم السيارة اليوم والمشكلة في الفرامل ان دواسة الفرامل لما ادوس عليها تروح للاخر والفرامل ضعيفة ممكن اعرف العيب فين
اهلا بالاخ enghany ويارب تفيد كل محتاج لنصيحة
ربنا يخليك على الرد ، الموتور عامل كتير انا طبعا معرفش بس حوالى 180 الف ، وعلى فكرة انا لسه عامل شوية شغل فيه مغير صبابات ومغير اولهات ومغير شوية حاجة كده يعنى نص عمرة ، والموتور كويس الحمد الله والسحب زى الفل ، ومغير فلتر هوا ، وبنزين ولسه مغيرتش فلتر زيت الفنيس هغيره الاسبوع ده ان شاء الله ، واتمنى من الله يكون عندك حل
تحياتى
با لنسبه للاخ الكريم cd kareeem شوف يا سيدي هما 3 حاجات ممكن يعملوا معاك كده
1- تاكد من و ضع السياره علي جهاز scan للتاكد من الحساسات
2- (هام) تاكد من ان الرشاشت لا يوجد بها تسييل injector nozzle
3-وهو غالبا العيب المحتار فيه الجمييع و هو التاكد من وضع سير الكاتينه فان كان السير مرخي او مشدود او الكاتينه ماخرررره او مقدمه هتعمل الاعراض اللي حضرتك بتقول عليها و بالتوفيق
يا اخي الكريم فتيس النيو اكسنت حاراته بعيده هي طبيعته كده و لتقليل ذللك ارجو اتباع الاتي
1- اذا كنت تضع دواسه تحت بدال الدبرياج شلها تماما
2- فك و تشحيم و ظبط عصا الفتيس
3-اذا كان بدال البرياج تقيل اذا اتت في حاجه لتغيير طقم الدبرياج و الله الموفق
بالنسبه الي الاخ m.elhammmy
ماينفعشى تركب قطع غيار جايبها من بره في التوكيل علشان لو عملت مشاكل في العربيه مايكونش التوكيل مسؤل عنها و الله الموفق
ال الاخ khaled _ali
ما تقلقش خالص اي يوم الصبح بدري هات العربيه التوكيل و هنحل لك المشكله دي علي طول بس اوعي توديها لحد بره و بالتوفيق
الاخ mr_sammeh شكرا لذوق شخصكم الكريم
من فضل حضرتك يا مهندس هاني انا معايا فيرنا 2008 1600 سي سي لما بمشي على الاول لحد 3 ار بي ام و اجي انقل على التاني الفتيس بيعض كأني مش دايس دبرياج وقلتلهم علي الموضوع ده فى ابو رواش كتييييييييييييييييييييييي ر ومش بيعملو حاجة وكل مرة يقولوا ربط خلوص دبرياج اعمل ايه دلوقتي على الرغم ان الموضوع ده مش بيحصل في اى نقلة تانية وشكرا جزيلا لحضرتك
سلام عليكم جميعا
انا في انتظار الرد علي موضوع الاستاذ mshmshm3 لأن انا معايا النترا 2008 وبتعمل نفس المشكلة
أرجو الافاده
طب حضرتك ممكن سؤال
انا معايا عربيه فيرنا موديل 2009 لسه مش مكمله 3000 كيلو بس بحس و انا بسخن العربيه ان فيه رجه كده
العربيه بتترج
ايه حل الرج حضرتك
يا ريت حضرتك تفيدني
شكرا
متشكر جدا يا جماعة على الرد بالنسبة للبشمهندس هانى : العربية حططها على الاسكانر والحساسات كلها تمام ، والبوجيهان بتطلع نضيفه ، يبقى اعتقد كده الرشاشات مفهاش حاجة العربية بدور من اول تكه ومفيش اى مشاكل فيها ، سير الكاتينة مش عارف ، هو اعرف ازى اذا كان مظبوط ولا لاء ؟ بس عموماً العربية مفهاش اى مشاكل الصوت حلو جدا السحب تمام ، هى المشكلة الوحدية فى البنزين بس ، ويا استاذ امير للاسف بصينا تحت العربية اكتر من مرة ومفيش بنزين خالص بينزل منها ولا بنشم ريحة بنزين فيها خالص ، وبصراحه انا بدءت اتعقد من الموضوع ده:36_1_31:
الأخ المهندس هاني
السلام عليكم ورحمة الله وبركاته
أنا معايا Viva 2008 بقالها سنة و9 شهور حالياً هي عاملة 25000 كم وعايز أعرف أغير طقم الكهرباء أمتى و سير الكتينة أمتى ولو في حاجة تانية محتاجة تغيير.
وسامحني محتاج أعرف المعلومات دي لأني روحت بالعربية التوكيل لحد صيانة الـ10000 وقررت إني ما أروحش غير للشديد الأوي أو لتغيير حاجة زي اللي أنا ذكرتهم لأن بصراحة الخدمة سيئة جداً ومحدش بيسلمك العربية وحاجات كتير مش ده مكانها.
شكراً مقدماً على الإجابة.
السلام عليكم ورحمة الله وبركاته
كنت عايزة اعرف سعر السيارة هيونداي i20 الأتوماتيك و أشتريها منين
الاخ الكريم mshmshm3 اطلب الكشف علي حاله طقم الدبرياج ثانيا انك تمشي علي الغيار الاول لحد 3 rpm ده كتير لان الغيار الاول ده لتحريك العجل فقط ثانيا لو انت حاطت دواسه تحت شيلها تماما و اخيرا دوس دبرياج للاخر عند النقل و الله الموفق
الي الاخ shoda2020 سيدي الفاضل اذكر هذه المعلومه لمهندس الاستقبال عند الذهاب للتوكيل و اطلب تربيط قواعد و المحرك و الفتيس جيدا و الله الموفق
شكراً لعرض حضرتك enghany وياريت الإستمرار معانا حتى ولو ثقلنا عليك حبتين
الاخ الكريم dr walid
انا اشارك با راي و الخبره العمليه فقط و هذه خدمه اقدمها لاني اري الكثير يفتي كتير جداااا و حاجات و ردود مسخره في الرد زي الاخ اللي بيقول انه ممكن اركب abs وبعدين جوه و لا بره التوكيل تعمل الاصلاح ده دي حاجه ترجعلك و بعدين انا ما عرفش اي حاجه عن ظروف عربيتك مثل كيلوميتر و لا يره الضمان انا فقط دليتك علي الحل و الله المعين
الاخ الكريم dr hamza
فلتر هواء - البنزين - البوجيهات دي كل 20000
زيت الفتيس كل 40000
السيور و الكاتينه كل 60000
و لكن اخي الكريم لستمر في الصيانه لان كده ممكن تطلع بره الضمان ولك الاختيار و الله الموفق
الاخ mohandes_1 العذر لشخصكم الكريم فانا لا اعرف الاسعار السيارات فقط الراي الفني تحت امرك والله المعين
dr mahmoud salah
many thanks for your excelancy
e.hany
الاخوه و الاخوات لي راي بسيط جدا ارجو ان تسمحوا لي ان ابديه
توكيل غبورر من افضل توكيلات مصر مصاقيه في الضمان
و لكن لا تنظر الي التوكيل عند تغير طقم الدبرياج يتم تحميل الاسطوانه او عند تغيير الطنابير ضمان و يتم تغيير التيل علي حساب العميل لان الفلاتر و التيل و الزيوت و طقم الدبرياج و السيور تدخل ضمن نطاق المستهلكات ده مش عندنا بس ده في اي توكيل و باعدين ده مكتوب في كتاب الضمان اللي هو عقد الصيانه اللي بيني و بين العميل و لكن اذا احتاجت السياره اي قطعه غيار و يتم عمل صيانه منتظمه يتم تغيرها فورا حتي لو كانت موتور و حتي لو العميل في صيانات واقعه منه نحاول مساعدته و ليس ذبحه و ان ورد حدوث بعد الاخطاء فنحن بشر و البشر يخطيء وذ للك لا يزيل المسؤليه من علينا و لكن خدمتنا جيده و لا تنظر الي الجانب الفاضي من الكوب و لكن لنظر الي النصف الاخر و الله المعين
مهندس هاني /
ينفع استخدم fuel system cleaner للفيرنا 2008 1600 سي سي واستخدمه ازاى وايه اضراره ومميزاته وشكرا لحضرتكم.......
يا جماعه انا معايا نيو اكسنت 2008 وقابلت زمايلنا الي هنا في المنتدي الي معاهم النيو برضو ومنهم بسام
المهم انا عربيتي المشوار بتاع الدبرياش بتاعها طوييل جدا والعربيه بتبتدي تطلع في اخر المشوار كده
بسام بقا موطي الدبرياش خالص والعربيه بتطلع مجرد انك تبتدي تسيب رجلك
المهم انا جربت انقل وانا دايس تلتين الدبرياش كده والعربيه بتنقل عادي من غير ما ترزع ولا حاجه
رحت نازل وباصص فوق البدالات ولقيت المصمار فوق دواست الدبرياش فهل هو ده المسمار الب بيتقصر او بيتطول منه المشوار ولا حاجه تانيه
وبعدين انهي الي اصح للعربيه ويطول عمر الدبرياش اكتر ان المشوار يكون طوييل ولا قصير
بسام بيقلي انو اصح لما يبقا قصير
انا قلت اسال الناس الي هنا في المنتدي واهو منكم نستفيد برضو
السلام عليكم
انا معايا ماتريكس اوتوماتيك 2010
عاملة 150 كم
صوت الموتور عالى نسبيا - هل هذا طبيعى؟
بحس بالغيار الاول (بيحصل نتشة خفيفة فى العربية) هل هذا طبيعى؟
شكرا
الي الاخ الكريم mshmshm3 ينفع طبعا تستخدم منظف دوره الوقود بس و هو اسمه يوضع وظيفته ولكن استخدامه يكون مره واحده في الشهر و عند التفويل تنك البنزين و علي فكره هيقلل معاك صوت كركره الموتور لما تشغل التكييف و الله المعين
الاخ المحترم osos -lion
شوف يا سيدي اجب ان اوضح الاتي
1- اذا كان هناك تقل في بدال الدبرياج
2-اذا كان هناك رعشه عند الطلعه
3-اذا كان هناك صوت صفاره يزول عند الضغط علي الدبرياج
4-اذا كان فصل الدبرياج عالي جدا و متزامن معه ان العربيه مش قادره تمشي و مش قادره تطلع المطالع
كل ما ا قلته دي هي عوارض ان العربيه بيها طقم دبرياج
اما بالنسبه لموضوع المسمار بتاع المستر اللي حضرتك بتقول عليه هناك سيارات تقبل اللاجلاش مثل الفرنا
هناك سيارات لا تقبل اللاجلاش مثل النيو النترا و نيو اكسنت
و المساله الفصل الدبرياج يكون في اخر الربع او التلت الاول من حركه البدال و لكو جزيل الشكر
الخ الكريم fyuro
لما تروح صيانه الالف حط زيت 10000
و هو هيهدي صوت الموتور و اذكر موضوع النتشه لمهندس الاستقبال
و ماتقلقش العربيه زي الفل و الله المعين
شرا لرد حضرتك بس انا لما بصيت فوق البدالات لقيت في المسمار فوق دواست الدبرياش
وكمان بسام زميلنا هنا معاه النيو برضو وموطي الدبرياش ومشواره قصي وانا سقتها ولقيت ان كده اريح من المشوار الطويل
شكرا للبشمهندس هانى
ليا استفسار
انهي الي اصح للعربيه ويطول عمر الدبرياش اكتر ان المشوار يكون طوييل ولا قصير
او بمعنى تانى
انة يكون عالى ولا واطى
و شكرا مرة اخرى:hlopaet_prv:
الاخ osos _lion
طيب انا يهمني اعرف موديل كام و عامله كام كيلوميتر لعربيه حضرتك و عربيه صحبك لو تسمح
dr walid
ارجو قراءه رسالتي الي osos _lion
فزي ما قلت ان فصل الدبرياج الصح يكون في بدايه الربع الاول من مشوار البدال ولكن اذا كان الفصل واطي العربيه هتجيب اسطوانه اسرع من المعدل الطبيعي اما لو الفصل عالي يطول عمر الاسطوانه شويه لكن هيقل سحب العربيه ........ [marq="3;right;3;scroll"]خليك في الطبيعي[/marq]