الموضوع: شنورى هيتجوز .. إن شاء الله (الجزء الثانى)

المشاركة الأصلية كتبت بواسطة shnory

علي فكره
واضح ان دكتور شريف كان يعرف المؤرخ اللي ارخ حياه شنوري الاول في بلاد الهنود الحمر
حاجه كده زي لورانس العرب
كانو بيجيبوا البلطه
ويدهنوا وشوشهم بطلاء الحرب
ويروحوا يحرقوا معسكرات ذوي الوجوه الشاحبه ويسلخوا فروه راسهم
والبلطه لسه عندي تتوارثها الاجيال وعليها دماء اجدادك يا كايروا
وحاجي اسلخهالك علشان اخد روحك
زي جدي الاول ما كان بيساعد الاباش زمان
وفيه قبائل في افريقيا كانو بياخدوا راس الضحيه بتاعتهم ويعملولها شويه معالجات وتبقي بنفس الملامح بس قد البرتقانه
ودي مكن اعملها واحط راسك علي المكتب عندي واعملها تقاله ورق او مقلمه
وممكن برضه زي ما سحره الفودو بيعملوا
اعملك عروسه (اسمها الفتيش) واقعد اخرم فيك
او اركبها علي كاتوش العربيه وكل شويه تحس بروحك بتتدهس وانت بتلف مع الكاوتش
هعهعهعهعهع
بحر الاذي واسع يا كايرو
بس برضه مش حرحمك واخليك تغاذر دنيانا للاخره علشان يمكن تدخل الجنه وترتاح
لا
خليك تتعذب كده في الشغل والبيت والعيال
==========================
بالنسبه لموضوع عينك
فسيبك من دكتور شريف دا راجل اكاديمي دارس وحياخد وقت في علاجك
انا حعالجك بعلم الركه
واساسه العلاج فيه زيت الزتون والكمون
انا حثبت راسك وتاخديد يدين في عينك حتورم شويه (دا لو فضلت مكانها اصلا) وبعد كده حتلاقي الحبايه راحت خالص ومش حتحس بحاجه
او اخدك عندي في الصندره والقطهالك بمكواه اللحام
اكنك زرار باور وبنركبه وخلاص
سامحني يا دكتور شريف بس انا قولت اساعد معاك

حبيبى يا محمد ...
أخيرا لقيت حد عنده معلومات واسعة و بيحب القراءة زى حالاتى زمان

فكرتى بالوجوه الشاحبة Pale Faces و بلطة الحرب ، بس بلاش غليون السلام دلوقت ، ده انا و انت ندخنه لوحدنا بعدين ، و ممكن نسمح للى يتراجع عن افكاره السوداء بالتدخين معنا.

لى بس تعديل بعد اذنك يا جميل ، صائدى الرؤوس اللى هما بيصغروها و يعملوها فى حجم البرتقالة دل مش فى افريقيا ، دول فى امريكا الجنوبية فى حوض نهر الأمازون و بالتديد فى بيرو
الأول الناس ما كانوش عارفين بيعملوا كده ازاى ، و لكن الطريقة اتعرفت ، أولا تقطع الرأس (أهم خطوة فى العملية كلها و من غيرها ما تنفعش) ، ثانيا ....

مش عارف هل ينفع اكتب باقى الطريقة و لا الناس ضعاف القلب ممكن يتضايقوا منها و يطلبوا حذفها من الأدارة ، عموما لو عايزين نكملها ممكن بس يبقى حسب طلب الجميع

أما الفتيش يا شنورى فالدبابيس على يا جميل و خلينا نتسلى بالشكشكة فى الفتيش و ناس تقعد تتنطط من الألم ... هى هى هى (ضحكة شريرة) ...

بالنسبة لعلاجك فهو قوى حبتين ، يمكن النقابة ماتوافقش عليه لكنه اكيد فعال مادام فيه مكواة اللحام ، بس نأجله شوية دلوقت (ايه يا جدع ... انت هاتطفش الزباين و لا ايه ... خلينا نجر رجل الزبون الأول و بعدين نعمل فيه اللى احنا عايزينه بعد كده) ... هى هى هى (نفس الضحكة الشريرة بتاعة فوق)..
و تحياتى للجميع