الموضوع: عيد ميلاد نايل موتورز الثالث 23 ابريل بالاسكندريه الدعوه عاااااااااامه

المشاركة الأصلية كتبت بواسطة kh_talaat

آدي واحد معاك اهو يا شنوري هيتعلم معاك .... ربنا يستر على بقية القاهرواية

يا خالد باشا ماتقلقش... القاهرويه سمك في الميه.... سباحين قدااااامى...

مش عم شنوري الاسكندراني اللي مابيعرفش يعووووووم.... أنا مش عارف ازاي!!!

هههههههههههههههههه

المشاركة الأصلية كتبت بواسطة abou_ruqi

والله يا جماعة المقابلات بتاعتنا دي مش حتتنسي أبدا أيام حلوة وأحلى ما فيها الناس اللي زي الفل

وبالنسبالي أحلى حاجة إني أكون مع خالد طلعت و أشرف فتحي وأحمد عبد العزيز وجمال بيه و مايكل (بالرغم من إنه كل مرة يزوغ من صلاة الجمعة مش عارف ليه ؟؟ )
وطبعا أخر قنبلتين أتعرفت عليهم المهندس غازي و الدكتور بحري

والناس الحلوة كلها مع عدا أبو صلاح طبعا


المهم يا جماعة متنسوش الحاضر الغائب محمد الطويل

إن شاء الله نعمل يوم أجمد من اللي فات

خالد باشا أبو رقيه حبييييب قلبي... والله واحشني جداا جدااا يا باشا...

أنا اللي كان ليا الشرف اني اتعرف عليك يا خالد بك...
ربنا اللي يعلم بعزك ازاي من قبل ما اشوفك والله
و ربنا يديم المعروف و الود بينا و بين كل الأعضاء....

تحياتي يا باشا و أشوفك على خير ان شاء الله...

المشاركة الأصلية كتبت بواسطة karim_monir

لاء طبعا مش موافقين
انت تتصور براحتك بشورتاتك وتشيرتاتك وسلاطاتاك واسماكك وبابا غنوجك او طحينة عشان دكتور بحري ما يزعلش
لكن نتصور بشوتات تاني لا مومكن ادبان على راي عبد الفتاح القصرى
كفاية يا عم يوم ماتصورت مع حسام حسن في مارينا بهدلوني
على ايه
الطيب احسن خلينا ببناطيلنا وتشيرتاتنا وكابتنا كمان عشان الشعر بيطير :-)
احسن تلاقي واحد داخل يوقلك الراجالة دي مش لابسة بنطلوناتها ليه يا وديع :-)

------------------
شنوري
شم النسيم يوم 5 ابريل
ومعظم الشركات هاتدي اجازة من 2 الى 5 ابريل 4 ايام
يعني جمعة وسبت وحد واتنين هاتلاقي اسكندرية عندكم عبار عن شهر 7
خاصة ان رمضان السنة دي شهر 8 فالموسوم مضروب والناس بتتنشق على يوم بحر
والشالية ابو 500 مش هاتعرف تاخدة ب 3 الالاف
ومش هايرضى يديلك يوم واحد هو عايز يطلعة 3 او 4 ايام على بعض احسنله

عشان كدة رايي تخلوها 16 او 23
عشان الناس تكون خلصت اعياد ورجعت اشغالها وعدى اسبوعين تلاتة الناس تشتاق للسفر تاني
مش لسه راجعين من سفر
دي فكرتي المتواضعة

التورتة عليك يا معلم كافية اللي حصلنا المرة اليل فاتت وفضلت قاعد حارس على التورتة خايف احسن كوداك وخالد عادل يستفردوا بيها على الطريق
اتفق مع حلواني محترم عندكم وشوف العدد واعملها حوالى 60 في 60 او 50 في 50 حسب العدد
وتكون مليانة حشو ومحترمة وعليها صورة عيد ميلاد المنتدى التالت اللي هابعتهالك
اللي يمسيك بالخير يا ابو ليليا كنت بتظبط التورتة من لابساج حاجة معتبرة
ربنا يرجعك بالسلامة
شنوري
لو التورتة محشية جمبري معنديش مانه ونزود علىة كل عضو 2 جنية

فين المحار يا كريم...؟؟؟؟؟؟ هههههههههههههههه

ازيك يا كريم باشا... يا رب تكون بخير...

ان شاء الله هجيبلك معايا شورت علشان نضرب الطقم المتين اللي قال عليه خالد باشا طلعت

هعمل حسااااابك.... و من الآخر لا مفر من صورة الشورت, ده عيد ميلاد المنتدى مش أي مناسبه يعني...

بجد سعيد جداا اني اتعرفت على انسان بأخلاقك و احترامك و ذوقك يا باشا...

ان شاء الله اشوفك على خير في عيد ميلاد المنتدى... تقبل تحياتي