حضرتك ال bmw مش هتغلبوا فى قطع الغيار لأنها موجوده فى الحرفيين و بكثرة و هتكون أرخص من قطع غيار الألنترا 2006 وكلام عن ثقه اغلى قطعة غيار ممكن تكلفه 1500 جنية, سير الكاتينة ب 120 جنية, سير الدينامو ب 30 جنية, فوانيس امامية ب 300 جنية, فوانيس خلفية ب 250 جنية ... إلخ. ثانيا هو إذا جاب e36 يبقى مع الأحترام للألنترا أحسن من الألنترا 2010 مش 2006. ال E36 او ال E46 لا تقارن الى جانبهم اية شىء تانى حتى لو تويوتا كورولا و أسال مجرب.
ال M3 مش هتفرق بالسعر ده خالص, لأن حضرتك اساسا مش هتلاقيها. أنا امامى M3 موديل 2004 3400 سى سى, 342 حصان. صاحبها طالب 320000 جنية تقريبا. الموتور بتاع ال M3 بيتكلف من 30000 جنية الى 40000 جنية. إلا إذا كانت مجرد أن السيارة عادية و لكنها معدلة الى ال M3 وده سعرها بيفرق حسب التعديل الموجود بها.تعديل من الدخل فقط,تعديل من الخارج فقط, او من الداخل و الخارج معا.
وده حضرتك بال 55000 جنية متفكرش فيها لأنها هتبدأ من 62000 جنية و الله و اعلم بحالتها هتكون ايه!. الرقم ده أنا سامعه من شخص فى الحرفيين, ميكانيكى. يعنى حضرتك مش هتلاقى السعر ده فى اى مكان تانى بره. لكن هتسمع 65000 ممكن و ده اللى انا لاقيتهم فقط كانوا سيارتين 520 1990 ب 65000 جنية.
حضرتك امامك اختياريين:
1- حضرتك تشترى M40 1990 نظيفة هتكون فى حدود من 55000 ألف الى 58000 ألف جنية.
2- إن حضرتك لو معك إمكانية زيادة المبلغ الى 65000. بكده حضرتك ممكن تشترى E36 موديل 1992, 1993, و الى حد ضئيل 1994.
المفضلات