معايا 30000 الف - اجيب فليشيا ولا اونو - رايك هايفرق معايا.

**samhmakram** · 05-03-2011 04:10 PM

الاخوه اعضاء المنتدى:

معايا 30000 الف جنيه - رجاء محتاج نصيحتكم - اجيب فليشيا ولا اونو ؟؟؟

مستنى ردودكم - شكرا مقدما.

**love7amada** · 05-03-2011 04:24 PM

هاتي ماروتي كسر زيرو هتبقي راكبه زيرو و مش هتحتاجي غير الصيانه الدوريه و لو عندك اسئله عنها كله ف قسم السوزوكي

**samhmakram** · 05-03-2011 04:40 PM

اشكرك - على الرد - بس انا مابحبش الماروتى - لانها عربيه صغيره جدا

بالمناسبه انا دكر

**i_Am_Legend** · 05-03-2011 05:07 PM

المشاركة الأصلية كتبت بواسطة samhmakram

اشكرك - على الرد - بس انا مابحبش الماروتى - لانها عربيه صغيره جدا

بالمناسبه انا دكر

بص يا باشا هى مش هاتفرق كتير_الاونو تتفوق فى رخص قطع الغيار وتوفير الوقود فقط_الفيليشيا تتفوق فى الشكل نوعا ما_وقوة الموتور فقط ولو فكرت فى فيليشيا دور على وش أوكتافيا_لو أونو وحضرتك مش بتسافر كتير ولا بتطلع دائرى كتير_ومشاويرك فى البلد_هات اونو 1000 سى سى_لو بتسافر وبتجرى وبتطلع دائرى كتير يبقى أونو بموتور 1400 سى سى_يا إما بقى لو غاوى هاتشباك قوى يبقى بونتو 94 افضل إختيار_اوتمبرا لو بتحب السيدان

**mxz911** · 06-03-2011 02:02 AM

يا إما بقى لو غاوى هاتشباك قوى يبقى بونتو 94 افضل إختيار_اوتمبرا لو بتحب السيدان

والابيزا 94 اخبارها ايه ؟

**ashouhdy** · 06-03-2011 02:05 AM

كيا برايد هاتش باك

**ahmedbatoos** · 06-03-2011 10:20 PM

الفليشيا لو حاله نظيفه افضل من ناحيه
1- الماتور بفرق شاسع
2-التحمل بفرق شاسع الشاسع
3-الثابات وامان من صاج العربيه بفرق شااااااااااااااااااااااسع

الاونو تتفوق في سعر قطع الغيار واظن الاختلاف مش هيكون كبير وتوفير البنزين نسبيا

عن مجرب الاتنين هات فيليشيا شكل وقوه و تحمل وكل شئ تقريبا افضل بس نصيحه اظبط دايره التبريد وهو عن طريق لا تستخدم سوي الميه الخاضرا هات ترموستات واطيه سنه صغيره وبس مش هتلاقي اي مشاكل بأذن الله

**mxz911** · 07-03-2011 01:08 AM

ممكن حد يدخل الابيزا 94 والفيات تمبرا 94 .. الاتنين فول اوبشن.. ممكن حد يدخلهم ف المقارنه

لانى جديا بفكر فى تمبرا .. انا معاى دلوقتى نوبيرا 2004 معظم الوقت .. هيه بتاعت بابا .. و مرات اهلى بيحتاجوها ف بفكر جديا اجيب سياره اخرى .. علما بأنى يهمنى جدا ثبات العربيه وتكون معتدله من باقى الحاجات زى قطع الغيار والصيانه والشكل وكده