MP3 moulator ????

**mostafabakry** · 03-01-2008 08:18 PM

السلام عليكم ورحمة الله و بركاتة

يا جماعة يا ريت لو حد من حضراتكم ممكن يشرحي طريقة عمل هذا الجهاز لأني شفته في محل اكسسوار في بنزينة و كان سعره 130 جنية و بيشتغل علي ولاعة العربية بس مش عارف ازاي بيشتغل هل هو بيحتاج لفلاش ميموري ولا هو فيه ميموري ولا ايه بالظبط و ازاي ممكن اوصلة بسماعات العربية علي فكرة كان معاه ريموت كنترول بيشغله
معلش اخوكم بليد جدا في موضوع الساوند سيستم و محتاج اعرف ان كان ينفع عندي ولا لا لأني محتاجة ضروري احيانا بنزل خطب و اناشيد دينية من النت و مش عارف ازاي ممكن اسمعها في العربية بدون ما اسجلها علي شرايط كاسيت و اشغلها علي كاسيت العربية

يا ريت حد يتكرم عليا و يفهمني

**fayedhatem** · 03-01-2008 09:28 PM

ركز معايا يامصطفى
انا لسه شايفه النهارده في هايبر وان وسالت عليه
كان عندهم نوع اسمه Gigamax ب90 جنيه
بيشتغل على ولاعة العربيه وبيركبله فلاش ميموري وبيرسل عن طريق الFMلراديو العربيه عن طريق مجموعة ترددات تظبط وتختار التردد اللي ميكنش مشابه مع تردد محطه ازاعيه
ممكن الموقع ده يسعدك
http://www.made-in-china.com/showroo...l-Car-MP3.html

**mostafabakry** · 03-01-2008 09:46 PM

اولا شكرا لك يا فايد باشا علي ردك

يعني الجهاز دا بيحول الداتا علي الميموري لموجات راديو ترددها علي ال اف ام و اشغا انا الراديو و اظبط ترددة علي ترد الجهاز دا و بالتالي بيشتغل عندي بدون ما اغير في توصيلات السماعات
صح كدا ولا انا غلط

**fayedhatem** · 03-01-2008 09:58 PM

تمام كدا يا باشا

**أبو عبدالله** · 03-01-2008 10:25 PM

شوف هنا موضوع لها من قبل

http://www.nilemotors.net/Nile/showthread.php?t=6691

**ahmedezzat78** · 04-01-2008 04:54 PM

خد بالك هوه بيشغل ملفات mp3 بس مش اى نوع تانى

و ممكن ياخد input من اى جهاز تانو عن طريق كابل زى i pod or mp3 or mp4 or cd player or mobile

**hatem_badawe** · 07-01-2008 03:08 PM

انا امبارح دورت علي mp3 easy pc ملاقيتهاش ولكن في نوع تاني اسمة جيجا ماكس ب 90 جنية حد عارف مواصفاتة اية وبيقف امام الاغنية الاخيرة ولا لأ وهل في امكانية توصيلة بشريط لو الراديو بايظ

يا ريت الافادة

**ahmedezzat78** · 07-01-2008 09:26 PM

بيشغل اخر اغنيه كنت مشغلها قبل ما تبطل العربيه
معاه ريموت كونترل
لا يمكن توصيله بالكسيت (راديو فقط)
ممكن يشغل اغنى على mp3 player عادى او flash memory
بيشغل ملفات mp3 فقط و مش بيشغل الباقى زى wma,wave,ram,amr........etc

**fahd_628** · 07-01-2008 11:39 PM

طيب يا جماعة هل صوتة بيبقى حلو ولا لأ اصل انا جبت ادابتور الى على شكل شريط كاسيت و بصراحة صوتة مش حلو مع انى جايبة ب 50 جنية قلت اجيب حاجة نضيفة تدينى صوت نضيف بس للأسف الصوت مش حلو و مش نقى فهل الجهاز دة صوتة نقى ولا لأ ؟؟؟؟؟؟؟؟؟؟؟؟

**mady88** · 09-01-2008 05:11 PM

بص انا اشترته العيد اللى فات
كان ارخص mp3 بريموت ب125
و تشتريله فلاش ميمورى 1gb ب 70 جنيه
2 gb ب 90 جنيه و صوته اوطى حاجه بسيطه عن الكاسيت بس مش هتحس بالفرق