اقتباس المشاركة الأصلية كتبت بواسطة dr ahmed abdelghany مشاهدة المشاركة
كتير جدا فاكر منهم دلوقت على سبيل المثال لا الحصرالأخوة:
توت عنخ آمون ، هيومان 12 ، د كايرو 2005 ، بحرى ، العقيد خالد ، م أحمد 1981 و كتييييييييير تانييين
والله يا دكتور القلوب عند بعضها وحينما قرأت الموضوع تبادر اسم حضرتك لذهني لأول وهلة لاسيما ونحن لم نتقابل قبل ذلك في أي مقابلة، أنا حقيقي كنت مقفول شوية من الاجتماعي بعد موضوع السياسة وكنت واخد إجازة مع نفسي شوية برغم التماسي كامل العذر لإدارة المنتدى ربنا يحفظهم من كل سوء
بس لما لقيت مشاركة حضرتك وجدت أنه من قلة الذوق أن أقابل كرم أخلاقك بعدم الرد...بارك الله فيك

أنا عن نفسي في أعضاء كتير قوي أتمنى أن أقابلهم وأقعد معاهم وقت طويل منهم بالإضافة إلى الأسماء اللي حضرتك كتبتها
أحمد كمال
دكتور زيزو
إسلام جلال
وكتير جدا مش عاوز أنسى حد
وطبعا الراجل الرايق اللي عامل الموضوع ده (أبو الوليد) اتقابلنا مرة واحدة في مقابلة رمضان اللي فات وصلينا التراويح مع بعض بس مكنش في وقت قد كده نتكلم مع بعض بس كل ما أقرأ مشاركاته المشاغبة ألاقي نفسي باقول حشوفه إمتى الجدع ده؟