عايز اغير الفتيس من عادي لاتوماتيك

**مواطن مصرى** · 15-03-2010 10:59 PM

المشاركة الأصلية كتبت بواسطة kaza

الفتيس الاوتوماتيك في الريجاتا 3غيار فقط ونصيحة الفيات مش حلو في الاوتوماتيك علي الرغم من ان العلبة بتاعة الريجاتا هي نفسها للجولف2والروفر انتاج شركة زد اف بالمانيا..وطبعا هتلاقي استهلاك البنزين زاد والسرعة القصوي قلت ..المفيد ابعد عن الاوتوماتيك في الفيات

اول مره اعرف ان فيه اوتوماتيك 3 غيار فى حيانى بصراحه و اشك فى هذه المعلومه

**mahmoodallam** · 17-03-2010 01:18 AM

المشاركة الأصلية كتبت بواسطة مواطن مصرى

لو حضرتك عايز تقلب الفتيس اوتوماتيك يبقى استحمل التالى :

هتغير الموتور بموتور استيراد 1600 بتاع الريجاتا 100s ستيشن بالفتيس الاوتوماتيك و الضفيره بتاعته و ده مش هتلاقيه الا فى بورسعيد و بسعر لن يقل عن 3-4 الاف جنيه لانى سالت فى الحرفيين عن مواتير الريجاتا كذا مره و لقيت الموتور الـ 1300 بيتباع بـ 2500 جنيه

هتعدل فى قواعد الموتور و الفتيس اللى عندك + هتلغى الدبرياج + هتلعب فى الضفيره

و اخيراً احتمال كبير مش هتلاقى صنايعى محترم يعمل الحكايه دى كويس الا نادر قوى و ان اتعملت صح بعد شوية الله اعلم حاله الفتيس الاوتوماتيك و الموتور الاستيراد دول هيعيشوا كام سنه كويسين

لو الفتيس اللى عندك فيه مشكله اكيد له حل اما عمره فتيس او تغييره بفتيس مانوال استيراد هيركب بكل سهوله (فك ده و ركب ده) اما لو حضرتك عايز اوتوماتيك فممكن جداً تبيع العربيه المانوال و تشترى عربيه اوتوماتيك يابانى موديل الثمانينات (تويوتا كورولا او كرسيدا او متسوبيشى لانسر او مازدا 929 ) و هتلاقى السعر برضو اقل من الثلاثين الف جنيه

شكرا أ/ مواطن مصري على شرحك الوافي والجميل
مرة تانية شكرا جزيلا

**kaza** · 01-04-2010 03:26 AM

المشاركة الأصلية كتبت بواسطة مواطن مصرى

اول مره اعرف ان فيه اوتوماتيك 3 غيار فى حيانى بصراحه و اشك فى هذه المعلومه

بتشك لية في المعلومة دي مش جديدة واسال اي حد معاه عربية اوتومتيك موديل قبل 82 وبالاخص الفيات لان فيات في الاساس بتعمل عربيات اقتصادية غير ان طبيعة لارض في ايطاليا جبلية وبتحتاج المانيول اكتر ولو عايز تتاكد من صحة المعلومة كتاب الريجاتا عندي وتحت امرك

**مواطن مصرى** · 01-04-2010 08:19 PM

المشاركة الأصلية كتبت بواسطة kaza

بتشك لية في المعلومة دي مش جديدة واسال اي حد معاه عربية اوتومتيك موديل قبل 82 وبالاخص الفيات لان فيات في الاساس بتعمل عربيات اقتصادية غير ان طبيعة لارض في ايطاليا جبلية وبتحتاج المانيول اكتر ولو عايز تتاكد من صحة المعلومة كتاب الريجاتا عندي وتحت امرك

يا باشا اولا انا مش قصدى اى حاجه وحشه لا سمح الله لكن انا الاوتوماتيك الفيات القديم اللى شفته فى حياتى كان الريجاتا 100s ستيشن موديل 1988 و التمبرا و الاثنين اوتوماتيك عادى 4 غيار اما بالنسبه لموديلات ما قبل 1982 فى الفيات فبصراحه عمرى ما شفتها اوتوماتيك لكن بصفه عامه شفت كذا حاجه اوتوماتيك 4 غيار موديلات اوائل الثمانينات بس يابانى (مازدا 929 و تويوتا كرسيدا) فمش متخيل وجود 3 غيار بس فى الاوتوماتيك