حادثة أما هايبروان

**douha_wise** · 04-01-2008 07:18 AM

السلام عليكم
اخوانى الأحباء امس حوالى الساعة الحادية عشر قبل الظهر و انا نازل وسط البلد وجدت الطريق واقف أمام هايبروان بالظبط و قلت يمكن تكون حادثة و بالفعل وجدتها سيارة لانسر شكلها لسة جديدة لانج و بجوارها ميكروباص مخبوط برضة و شرطة و ناس المهم ركنت و قلت اصور الحادثة و بعدت ما ركنت رحت لاقيت الميكروباص مش موجود رحت مصورلكم اللانسر
دول اول صورتين من الأمام و العربية كأنها دخلت فى عامود

و دى صورة من الجنب توضح إن القوايم و التابلوة الحمد للة محصلهمش مشاكل و السيارة من الداخل سليمة و ايضا نلاحظ إن الإيرباج مفتوح و السيارة شكلها حتى بأكياس الفابريكة
و دى صورة من الخلف و مش عارف هو الميكروباص ممكن يكون خبطة من الخلف فدخلة فى عامود و الا اية لأن مقدمة السيارة زى ما تكون دخلت فى عامود و على فكرة دى ملاكى الفيوم
و اخيرا أسأل الله العظيم أن يحفظنا جميعا و اهالينا من كل سوء و مكروة و من شر الطريق و حوادثة

تم تعديل حجم الصور واعادة رفعها من قبل الادارة
كما ترجوا الادارة العضو وباقي الاعضاء تحرى الدقة في كتابة لفظ الجلالة

**tutankhamoun** · 04-01-2008 07:29 AM

قدر الله و ما شاء فعل
و لكن

الناس في مصر بتجري و خلاص و بيجروا لاصقين في بعض
و كمان معظم السواقين ما بيكونوش مركزين على الاطلاق و تلاقيه ماشي يحدف يمين و شمال و عمال يرغي في التليفون أو مع واحد قاعد جانبه
و متنسوش إن لو الواحد ماشي على مهله بعيد عن العربيات و مش لاصق فيها عمره ما هايعمل حادثة
و في التآني السلامة و العجلة فيها الندامة
اللهم أحفظنا من شر الطريق
اللهم أحفظنا من شر الميكروباصات و سواقين الميكروباصات

**douha_wise** · 04-01-2008 07:59 AM

اسف يا جماعة الصور الأمامية اتكررت لكن الصورة الثانية هية دى
http://www.piccs.net/files/DSC019991.JPG
اما موضوع ان الواحد يتنبة و يأخذ عظة فمش عارف لية الكثير الآن لا يعلموا أى شئ عن العظة و ربما حتى لا يعرفوا كلمة اسمه عظة و خصوصا سواقين الميكروباص اللى ممكن يشوفوا امامهم حوادث و جثث مرمية على الأرض بسبب حوادث الطريق و بعد ما يبص و يتامل تلاقية طار بالعربية يطوح يمين وشمال و لا كأن فية شئ حدث