اسف ااقصد 185 / 65 14 R
عرض للطباعة
اسف ااقصد 185 / 65 14 R
كده يا باشا القطر الخارجى للكاوتش هيزيد اور و هتحك فى الكارتيره لو انت محمل
و عداد السرعة و المسافة فى الحاله دى هيديك سرعة و مسافة اقل من الواقع لان العداد باخد اشارته من الفتيس
يعنى انت هتبقى ماشى 90 مثلا و العداد يقرا 80
خليك فى المقاس اللى قولتلك عليه هوه ده المثالى للانوس
بس يا ريت تبقى تورينا شكلو و تقولنا جبته بكام و ابعد عن الصينى خليك فى التايوانى والماليزى
انا دورت فى اكتر من محل و كلهم عندهم الصينى و واحد منهم و هو اسم محلة الرومانى قالى ان كل الى فى السوق صينى حتى لو مكتوب انه المانى فهو صينى اصلاً بصراحة الجزئية دى قلقانى جداً
يمكن تلاقى فى وكالة البلح جنوط دايو هتبقى احسن بكتير
بس قول للراجل انك هتجربهم على جهاز ترصيص و لو فيهم حاجه ترجعهم
جربت بتوع الحي السابع في مدينة نصر؟؟؟ في اتنين هناك عندهم اندونيسي (اشرفكو وإللي بعده) ..واعرف كام واحد مجربينهم..أو روح لأرابكو..هو غالي شوية بس مضمون حتى لو صيني..
طقم الجنوط الـ 14 تمنه من غير فصال حوالي 1300 جنيه في كل مصر تقريبا..واسأل اذا كان ممكن ياخد الجنوط الأصليه على كام؟؟؟ وابقى قول لنا
على فكرة إللي فيكو راح دول بره مصر برضه هيلاقي كل حاجة صيني بس كواليتي تانيه خالص