-
جنوط سبور لانوس
الأصدقاء الأعزاء السلام عليكم انا عضو جديد لانج و عندى اسئلة كتير لكن حبدء بموضوع الجنوط انا عندى العربية مش ثابتة شوية و المفروض ان الزوايا مظبوطة و العفشة سليمة و دا على اساس كلام اكثر من عفشجى و بتاع زوايا ففكرت اركب جنوط سبور مقاس 14 عشان قالوا ال15 حتخليها تدبدب فعاوز اعرف دا صحيح و لا لأ يعنى عاوز نصيحة لأفضل مقاس جنط و مقاس العجلة الى تركب معاه اعرض حاجة ممكنة عشان العربية تثبت شوية و بعد الجنط الأسبور نفسة بيقولوا ان فيه منه 5 بوصة و 6 بوصة و 7 بوصة ايه الأحسن للعربية عندى و شكرا يا شباب معلش طولت عليكم و ارجو الرد و الأفادة و يا سلام لو عنوان محل مضمون للحاجات دى .
-
ما فيش شك إن الجنوط الاسبور اثبت للعربية حتى لو نفس المقاس..لكن الموضوع ده يخضع لحسابات مش أي كلام.. بص على اللينك ده
http://www.tyresave.co.uk/tyresize.html
(اللينك ده انا جبته من موضوع من موضوعات سبعاوي في المنتدى)
يبقى المفروض إن يكون Difference in Diameter: perc رقم صفر علشان يبقى بالظبط زي كتالوج العربية وكلما بعد عن الصفر (بالموجب أو بالسالب) كلما بعدت عن ظبطة العربية
خش انت بقى احسبها.
بس من وجهة نظري إنك تشوف الأول سبب عدم ثبات العربية..لأن المفروض ان تكون العربية ثابتة الأول وبعدين تجنط..شوف البارات..الكاوتش..وغيرهم إن شاء الله حتى الاسكاترا
-
اخى العزيز شكراً على ردك و طريقة حساب لذيدة جداً بس انا مش فاهم قوى
-
ليه بس..طب بص
الأرقام إللي فوق تمثل أرقام مقاس الكاوتش الراكب عندك دلوقت..مثلا عندي أنا مقاس الكاوتش 185/65/14
(أنظر كيف تعرف مقاس إطار سيارتك على
http://www.egytyres.com/faq.asp)
الأرقام إللي تحت تمثل المقاس الجديد (الأعرض غالبا) للكاوتش إللي انت ناوي تركبه
مثلا أنا أفضل أعرض مقاس لي ها يكون 195/55/15 لأن Difference in Diameter (آخر مربعين في الجدول) بيساوي صفر.. وده معناه إن مافيش فرق بين المقاسين..والفرق لا يجب أن يزيد على موجب أو سالب 2.5 %.. يعني لو زاد معاك لازم ترجع تقلل الأرقام إللي تحت
شوف كده وقولي لو عايز انا ممكن اعملك دليل مصور بالعربي لكيفية استخدام الصفحة دي
-
يعنى يا باشا لو استخدمت الموقع للحساب بالنسبة للانوس
المقاس الاصلى 175/70 R13
المقاس البديل هو
- 205/55 R14
- 185/60 R14
- 195/50 R15
- 185/55 R15
وانا افضل الحل التانى لان عرضه اكتر بسم واحد عن الكاوتش الاصللى و لو زودت عن كده ممكن يحك فى الرفرف
الحل التاث و الرابع هيخلى ارتفاع الكاوتش قليل و ممكن الجنط يتعوج او يتكسر فى مطب جامد او بلاعة
-
شكرا يا جماعة على ردكم و اهتمامكم بس ممكن اعرف اجيب جنط عرضة كام بوصة لأنى مش فاهم دى كمان بيقولوا فيه 6 بوصة و 7 بوصة و هل حيفرق و يكون افضل و لا حيحك فى الرفارف
-
الأفضل في حالتك زي ما قال لك الاستاذ أحمد عزت.وعموما .المعلومات عن أقصى عرض يصلح لعربيتك المفروض تكون في الكتالوج..لو مش موجو،د المفروض تكون موجودة على أحد قوائم ابواب العربية..لو مش هنا ولا هنا ممكن تجيبها من برنامج أتو داتا. أشوفهالك بكره في الأتو داتا وابقى ابعتهالك..
للأسف اشهر من يرد في المنتدى اللانوس ومواصفاتها في شغل شاغل الآن وربنا يفك عنه همه..
-
امين يارب العالمين
على فكره يا ريت تشاركو فى موضوع المقابله الجايه للاهميه ، برجاء مراجعة المنتدى العام
الجنط 7 بوصة هرض
-
انا اسف 7 بوصه عريض قوى
لو عايز تخليك زى الفبريكه هات جنط 14 بوصه عرض 5.5 بوصه لان هوه ده اللى بينزل فى الكورى وركب عليه كاوتش 185\60 R 14 هوه ده المقاس المثالى للانوس
-
شكرا يا جماعة على الردود و الأهتمام ممكن سؤال لأحمد عزت هل ممكن اركب 185 / 60 14r
Content Relevant URLs by
vBSEO 3.6.0 PL2