ارجو من الاخوه الكرام مقارنه شامله بين السياراتين
كيا سيراتو هاي لاين
رينو فلوانس هاي لاين
وشكرا
عرض للطباعة
ارجو من الاخوه الكرام مقارنه شامله بين السياراتين
كيا سيراتو هاي لاين
رينو فلوانس هاي لاين
وشكرا
من ناحية السعر الكيا تكسب
من ناحية الفخامة الفلوانس تكسب
رينو فلوانس هاي لاين
ما فيش وجة للمقارنة اصلا فلوينس طبعا
رينو فلونس طبعا واغلبية الاعضاء حيرشحوهالك اهم حاجة انت احتيجاتك اية لازم تركب الاتنين وتشوف وزى اما انت بتقول فلونس توكل على الله وجيبها
فلوانس
بس اسال على قطع غيارها الاول عشان تبقى فى السليم
انا قولت كدة لاسباب كثيرة قوى اهمها ان الاوروبى ميجبش انة يتقارن بالكورى لسة شوية عليهم علشان يقدروا ينافسوا الاوروبى و ممكن يكون اخرها علشان ان انا ناوى اجيبها
لكن ممكن اقولك بعض من الاسباب لو تغاضينا عن السبب السابق وانا قولك بس الحاجات اللى فى الفلوينس مش موجودة فى السيراتو
اولا الامان فى الفلوينس
1- 6 وسائد هوائية
2- اسفل العربية مصفح من الامام حتى منطقة الفتيس و من الخلف حتى قبل مكان الفتيس
3- الاضائة زينون اتوماتيكية التوجية بمعنى ان الكشافات تتحرك تلقائيا على حسب اتجاة العربية يمين او يسار اعلى او اسفل
4- الصاج محمل انا حسيت بكدة و انا شايل الكبوت بتاع العربية حسيت ان صاجها مخدوم
5- مساند الرأس الجيل الرابع من مساند الرأس يمكن ضبطة فى اربعة اتجاهات لحماية الركاب
ثانيا الرفاهية
1- التكييف بيقسم الصالون لمنطقتين الخلفية و الامامية كل منطقة ممكن تكون ليها درجة حرارة مختلفة عن الاخرى
2- مثبت سرعة متطور بالاضافة الى محدد للسرعة لما تظبطة على سرعة معينة مهما تدوس على دواسة البنزين العربية لن تتجاوز السرعة المحددة
3- ستائر خلفية للزجاج الخلفى و الابواب
4- الشنطة مساحتها 530 لتر و تعتبر اكبر مساحة فى فئتها
5- الصالون رحب جدا و يسع لخمس افراد بالغين
6- نعومة العفشة ممتازة بالاضافة الى ان ابعاد العربية الكبيرة بتخلى الركاب ميحسوش بأى مطبات
7- الباور كهرباء و ناعم بصورة غير طبيعية و هذة النعومة متغيرة على حسب سرعة العربية
8- بلوتوث للتحدث فى الموبايل من خلال مايك العربية
9- 6 سماعات للكاسيت بتعطى صوت مميز
دة تقريبا اللى انا فاكرة دلوقتى لو افتكرت حاجة تانية حبقى اقولك عليها
ديه مقارنه برضه؟!
مافيش مقارنه غير ان الاتنين عربيتين بأربع عجلات
السيراتو مش هتكسب قصاد اى حاجه فى الرينو حتى لو بتقارن بالميجان 2 اللى ممكن تقول فيه شكل و نور التابلوه بس كده
رينو فلوينس مع سبق الإصرار و الترصد....!!!!
انا هقولك علي الخلاصه في الموضوع ده
الفلوانس تكسب شكلا و موضوعا
بس بشرط واحد
انك مش هتبيع الا بعد خمس ست سنين
فعلا فلوانس تكسب فى كل حاجه وافضل فى كل حاجه
ماعدا اعاده البيع وقطع الغيار اسعارها
الباقى كله فى مصله الرينو
بس انا متوقع ان رينو كمان ممكن تكسب في اعادة البيع لان الشركه دخله بتقلها في مصر و المفروض في كمان 3 موديلات هتنزل السوق فالمتوقع في السنه الجايه رينو تبقي الحصان الرابح في السوق المصري
يعني في فئة اللانوس و اللوجان و الفيرنا الناس بقت بتميل لللوجان و كمان في فئة الفلونس بصراحه نازله ضاربه جامد في مصر و كذا فئة من 113000 لحد 158000 يعني مناسبة كل الاذواق
ارشح الفلونس بس دة مبنكرشي ان السيراتو هي انجح عريه في مصر لحد دلوقتي في المبيعات
أنا رأيه فلونس
فلونس طبعا مفيش مقارنة بس انسى اعادة بيع واسعار قطع غيار هتكون عالية ممكن تسأل عليها الأول عشان تبقى عامل حسابك غير كدة الفلونس طبعا
يعنى محدش جاب سيرة الاسعار بالنسبة للفلونس و السيراتو للمعرفة لاني لوالفلونس سعرها في المقدرة ممكن افكر فيها
انا سمعت ان الفلونس الي في السوق دلوقتي تجميع تركي وال فرنسي هينزل قريب معرفش امتي بس هيكون اغلي من الموجوده
the cruze is better than yhe cerato and the fluence
معلش يا جماعه انا سقت الكروز الناهردة والسيراتو تكسب فى النعومه والسلاسه والثقه
بس لوهندخل الفلونس الاوروبي يكسب
خارجيا, انا بتعجبنى التصاميم الحادة بتاعت السيراتو عن الفلونس
هيا الناس بتقول فلونس على اى اساس...حد جربها سفر وحرق وبهدله فى الشوارع المصريه وتحميل....انا شايف ان السيراتو اضمن والفلونس لسا متجربتش وربنا يسطر...وانا راى تفكر فى الكروز
أنا شايف أن المقارنة فى غاية الظلم لرينو:
أنت نفسك عددت نقط التفوق للفلوانس اللى مش موجودة فى أعلى طرازات السيراتو. أذن فى وجود كماليات متقاربة الأوروبى طبعا يتفوق على الكورى بأكتساح. بس بشرط لا تكون تفكر فى أعادة البيع القريب.
رينو فلوانس طبعا
فين يا جماعه باقي الاعضاء
كل واحد حر فى زوقة وده رأى فردى وعمر الناس ما هاتجتمع على شىء خالص فركزوا فى المقارنة والراجل اللى طالب النصيحة واللى يقول رأيه يبقى عن تجربة مش أى كلام وخلاص وانا عن تجربة لماركة رينو وأغلب الماركات الأوروبية هاشترى الفلوانس وانا مغمض حتى لو قارنتها ببعض الأنواع الأوروبية بإعتبار إنها Good Value for Money
ضيف على بند الرفاهية علشان نسيت اقولها ان درج التابلوة مقسم الى جزئين واحد لوضع الاوراق و خلافة زى اى عربية و التانى فية مبرد لتبريد زجاجات المياة و الكانز و خلافة و هو يعمل تلقائيا مع التكييف
اما بالنسبة لاسعار الصيانة و قطع الغيار حضرتك ممكن تعرفها للسيراتو من قسم الكيا و تقارنها بالفلوينس فى قسم الرينو (راجع الرابط دة)
http://www.nilemotors.net/Nile/132624-a.html
لو افتكرت حاجة تانية حبقى اقولك عليها
طيب وايه رايك يا اخ مايكل في الفلوانس
يارجاله الله ينور انا فنفس الحيرة بس ميال اكتر للصاروخ (الفلونس) بس اليمخليني متردد سعر اعاده البيع بس
ولو جبت هجيب الب125000 عايز رئيوكو في موضوع سعر ما بعد البيع يعني مثلا الميجان 2007 ب 65000 حد كان يصدق!!!!!
ايه تعليقق
انا قبل ما افكر في الفلوانس كان معروض عليه ميجان موديل 2007 وكان مطلوب فيها 85 الف بس حالتها 100% وصاحبها محافظ عليها لكن اول ما شفت الفلوانس غيرت الدفه للفوانس ان شاء الله