انا متشكر متشكر متشكر
قدها يا ابو آسر
انا عارف اني يوم ما هحتاج اي حد ف الحق مش هلاقي احسن من احسن ناس اطلب منها
و انا معاك يا ابو مارو
ابو مارو باشا
طبعا انا متابع الموضوع بس ده اول رد ليا
اولا الاخ لوليتا الناس قامت معاه بالواجب و زياده حبتين فا كفايه عليك كده يا معلم :majd(2):
ثانيا
حقك يا معلم ..... فاهم انا بقول ايه بكررها تاني ... مليون حقك كمان
احنا مش شاريين عربيه صيني !
و اليي مش عاجبه الموضوع و شايف انو باشا او بيه و ممكن ياخد عربيته كده يبقي احسن له مايدخلش هنا
لا انا و لا انت و لا الناس الرجاله اللي ردت هنا لاقيين الفلوس في الارض عشان نجيب عربيه المفروض انها زيرو و ناخد ال ...... و نسكت
كل اللي ردو هنا طفحين الدم عشان يجيبو عربيه تشيل عنهم و عن اسرتهم زحمه المواصلات
اللي جايب العربيه يهرج بيها او مش حاسس بتمنها اكمنو مش دافع حاجه من جيبو يبعد عن هنا
احنا مش دافعين ملاليم !
و لا استرخصنا و جبنا صيني (طبعا تعظيم سلام للصيني قدام هيونداي المحترمه و بتجيب ديسك و اسطوانه)
احنا جايبين هيونداي (المفروض انها كوري يمكن كوريا نقلوها الصين طيب؟:ma: و الله يا ريت علي الاقل كنا ركبنا حاجه نضيفه)
بالمناسبه انا معايا اكسن برده و رايح صيانه الالف بكره و وش الفرن اللي في مقدمه الموتور مصدي من ساعه ما استلمت العربيه :satelite: ده غير طبعا حاجات تانيه , ربنا يستر بقي , يا جماعه لو مارجعتش في خلال 24 ساعه بلغو البوليس :3mla: و لو حد يعرف حد حبيبه من هناك هننصب الصوان في ابو رواش ان شاء الله :shine[1]: و لا عزاء لمالكي الصيني سوري قصدي الاكسنت
انا معاك يا معلم لحد النهايه
و اصلا كفايه عليهم الموضوع ده في نايل موتورز ده كده في الصميم و هما عارفين كويس اوي اكتر مني و منك ده هيرجع المبيعات اد ايه , مش كده و لا ايه ؟؟؟؟
و اديله في التشريد يا معلم و اللي بيخاف يروح
و يجعله عامر
15491 :049: :S_thum1[1]:
الحق الحق الحق ده التوكيل ابتدي يظهر بشده في المنتدي هههههههههههه
الله يرحم لما كنت بتصل بأستاذ عاطف و ما يردش عليا ههههههههههه
أستاذabo miro
أولا أنا بسبب موضوعك سهران لحد دلوقتى وقرأته من البدايه حتى النهايه
ثانيا أنا متعاطف معاك جدا وكان الله فى عونك وبرغم كل ما صادفك فلديك روح تحدى وعزيمه قويه على أن تحصل على حقك ودة منتهى الايجابيه وان شاء الله ستوفق فى الحصول على كافه حقوقك
واعقد ان تعاطف كافه الزملاء هنا معك قد خفف نوعا ما من الامك ومعانتك ولكن الثقه دائما فى الله اكبر من أى شىء وطالما انك عزمت على ان تستمر لنهايه المشوار فاستمر حتى تحصل على حقوقك وتذكر دائما انه ما ضاع حق ورائة مطالب .
تقبل تحياتى
الاخ الغالى جدا جدا ابو مارو
ربنا يكرمك ويكرم اهلك علشان علموك الرجولة بجد
راجل ابن راجل مصرى اصيل جدع من بتوع زمان
صدقنى حتى لو لاقدر الله معملوش حاجة والله انت الكسبان
كفاية انى قرأت ال41 صفحة كلهم دلوقتى من الساعة 1 :الساعة 3
بس خلى بالك من عملك حاول تقسم وقتك معلهش
انا عارف ان بالك مشغول بس حاول علشان شغلك
وكمل وربنا معاك
ما ضاع حق وراءه مطالب
المشكلة فى مصر ان صاحب المال مش فارق معاه الزبون
فى غيره كتير
ومفيش فرق بين توكيل سيارات وعربية كبدة بايظه فى ميدن رمسيس
كله واحد مش مهم
يروح زبون يجى عشرة
لكن صدقنى انت خدت حقك تالت ومتلت بالكام راجل الى رجعوا فى حجزهم
ومعاك فى اى حاجه مدام حق
وسيبك من الدخلاء والمأجورين والفاضيين
والغبورين
ربنا معاك
ربنا يقويك في حربك مع التوكيل الظالم والمفتري صاحب منطق سياسة الأمر الواقع وسياسة اليد العليا وان شاء الله تكسب القضية عليه وأنا متضامن معاك من كل قلبي ...........
والله انت لو في دولة محترمة كنت أخدت تعويض يفوق ثمن السيارة مئآت المرات زائد اعتذار رسمي بس نقول أيه ...... حسبنا الله ونعم الوكيل .
أنا بقالي ساعتين بقرأ الموضوع وبجد قلبي وجعني أنا مفروض اني حاجزة نيو أكسنت سبورت وفي انتظار استلامها
أنا بقالي سنة بقرر أجيب إية وبعد ما إقتنعت جدا بالنيو أكسنت كانت الصدمة الليلة:B4_592:
أنا مش عارفة أعمل إية؟ أغير للأتومتيك زززبس في ناس نصحوني بلإبتعاد تماما عن الأتوماتيك علشان فيها مشاكل بردو :U_thin1[1]:
ربنا معاك ومعايا:120146b
ربنا معا كل الناس اللي بتشتري عربيات في مصر ومش بتلاقي خدمة مابعد البيع زي ما تيوتا عاملت برة مشغلة مراكز الصيانة 24 ساعة عشان تعالج العيب اللي في عربياتها
ربنا معاك ومع كل الناس اللي اشتروا واللي لسة هيشتروا عربيات من مصر ام الدنيا وربنا يهدي التوكيلات عليان
عزيزي ابو مارو
احب اشجعك واقولك ربنا معاك ويرجعلك حقك
بس احب اقولك مش باحبطك ولا ايه حاجه الناس دول مش ساهلين خالص وعندهم بدل الحجه الف يارب ينصرك عليهم ولازم تكمل المشوار لنهايته
معلش حاطول عليك
كان ليا واحد زميلي هنا في الامارت معاه هيونداي سوناتا موديل 2003 وكان عنده مشكله في سحب الماكينه بعد استعمال العربيه حوالي 5000 كيلو
المهم راح التوكيل(جمعه الماجد) وطبعا الاستهبال بدا من (نفس الكلمات اللي بتلاقيها عندنا في التوكيل عيب استخدام .....الخ) المهم الموضوع ده كلف صاحبي فوق 8000 درهم عشان حبه سنسور وكلام فارغ والعربيع زي ماهيا
المهم صاحبي جاب الايميل بتاع خدمه العملاء في كوريا وراح باعت رساله ليهم موثقه بالفواتير وحبه كلام من اللي قلبك يحبه وبعدها بفتره جاله تليفون من الفرع الرئيسي في دبي وبعتوه ورشه خاصه (زي توكيل خاص vip) مخصوص للهيونداي وتم اصلاح العربيه بدون اي تكلفه. وان شاء الله في ظرف يومين حابعتلك الايميل بتاع مركز خدمه العملاء الي هوا راسله .
المهم انا نازل مصر ان شاء الله الاسبوع الجاي وحاحاول اكلمك
اخوك
مصطفى
الاخ الفاضل ابو مارو
يكفيك قولك كل صباح ومساء
حسبى الله ونعم الوكيل
وتأكد ان ربنا على الظالم والمفترى
وان حقك حتاخده عاجلا او اجلا وان ربنا دايما بينصر المظلوم
وان شاء الله نهنى ونبارك بنصرة المظلوم على الظالم وربنا يكرمك ان شاء الله
....................................*
محمود عينو
فى الوقت الحالى ما ينفعش فى القاهرة و الاسكندرية والمدن و المحافظات الكبيرة غير الاوتوماتيك لراحة السائق والسيارة
................................*
محمود عينو
ابو مارو باشا
واحشني يا معلم
انا متابع الموضوع بحزافيرة بس طبعا مش برد على كل حاجة عشان الحوارات ما تخرجش عن جوهر الموضوع
معاك قلبا وقالبا
ربنا معاك وده العادي من هيونداي
طب ازاي عربيه ع الزيرو و فيها حاجه مصديه ؟؟؟
و ازاي عربيه ع الزيرو و فيها دبرياج؟؟؟
السؤال هو ممكن هيونداي كوريا تصدر عربيات بالشكل ده لوكيلها ف اي دوله اوروبيه و لا ده عرض خاص لمصر و توكيل مصر
منور يا بيشوي - عارفك انت قاعد تعد - بس كده ممكن تقعد كتير - بقولك فيه ناس بقالها سنتين
و انا لو قعدت سنتين شوف هنوصل كام ؟؟؟ - أي ذكاء و اي طرق مبيعات توصل ناس انهم يظلموا حد و يقبلوا كده على نفسهم و اصلا و لا هاممهم اي رأي كل ده و لا فارق معاهم
شوف انا قابلت ف التوكيل ناس منظمه جدا جدا كل واحد بيقول كلمه و التاني بيكمل عليها بنظام و لا خلية النحل - و لما تخرج من هناك - قدامك حل من اتنين 1- تقول الناس دي انا مش هقدر اخد حقي منهم وتقبل تاخد ....... وتمشي .
2- تفكر لحظه واحده و تعرف ان ليك حق و ر بنا هو اللي بيرجع الحق لاصحابه و محدش اقوى من ربنا مهما كان هو مين
انا لما عملت الموضوع هنا كان هدفي اسرد ما حدث بدون حتى ما اقول رأيي عشان اعرف اراكم و اشوف يمكن انا غلط
انا لا كنت عايز اضر حد و لا اخليهم يرجعوا حجز حد - انا كل يوم بدعي ربنا ليل ونهار اني مكونش بظلم حد و لو حتى ظلم ضئيل - لكن هما اللي اصلا و لا هاممهم
تصدق وتؤمن بالله الموضوع لو دخل فقضيه - فعايز اقولك انها قضيه مضمونه وسهله و ده من كلام اللي مختصين بالقانون مش انا - وبالنسبه لحكاية التعويض - للاسف مهما طال الوقت و الضرر اللي بيحصلي - اي تعويض هاخده مش هيدخل بيتي منه مليم احمر
تويوتا يا ساده بتعالج عيب ظهر بدون ارادتهم -بدون قصد- عيب جماعي - لكن تفتكر تويوتا تدخل عربيه بايظه و تجبر الزبون انه ياخدها يا بيه انا جبت ورق رسمي لحالات مماثله فدول تانيه و بوثقه من سفاراتهم بلاش فضايح - ويجعله عامر
ناس مش ساهلين دي انا شوفتها بنفسي هما ناس منظمين ومرتبين و عارفين هدفهم بس ربنا احسن م الكل
أ.محمود - انا نفسي بس الموضوع ده ينتهي على خير بأذن الله عشان اشوف و اقابل الناس اللي زي حضرتك وكل اسرة المنتدى ده و اشكرهم
العادي من هيونداي مصر - مش هيونداي
تأكيدا على كلام الكل هنا - الاوتو هو الافضل فعلا بكل الاحوال
زودي الكام الف دول وتعالي على نفسك و الا بعد كده هتقولي يارتني سمعت الكلام
و كمان بلغيهم و انت بتغيري الحجز انك تبع المنتدى هنا عشان يوصوهم فكوريا يبعتوا عربيه مخصوص على جمب :U_thin1[1]:
بس حقيقى الاوتو بتاعتها مشاكلها قليله اوي ده على كلام اللي جوه التوكيل عندهم و كمان شوفي الزملا هنا بيقولوا الاوتو كويسه جدا محدش اشتكى
يا دكتور ظلم إيه اللي غبور هيتظلمه؟؟ هو لو واحد بيغش في سلعة معينة وبعد كده الناس زهقت منه وبطلت تتعامل معآه يبقى كده الناس هي اللي ظلمته ولا هو اللي ظلم نفسه؟؟؟
أي مصنع في الدنيا بيبقى فيه نسبة خطأ معينة, السلعة المعيوبه مابتتبعش , ولا إيه, خصوصا ديه عربيات و ارواح ناس حاجة مش هينة...
ولو هما عمالين يعملوا إعلانات احنا أكبر إعلانات لإن احنا المستهلكين الحاليين, يعني اللي بيجي يشتري حاجة في مصر بيسأل اللي جاب الحاجة ديه من قبله...ولا إيه؟؟
ابو مارو باشا
قولنا ايه اخر التطورات بجد انا متعاطف معاك جدا
ومتابع الموضوع بشغف حقيقى
كان الله في العون يا ابومارو انا بقالي 3 ساعات بقرا في الموضوع كلو و بجد انا بدعيلك ربنا يكرمك و يرجعلك حقك عن قريب انا معايا فيرنا و كان عندي مشكله في الفتيس انو ساعات بيعلق يعني مابيعشقش اول ماجبتها انا كنت فاكر العربيه كدا عادي لاني اول مره اسوق و لما روحت ابورواش معملوليش حاجه في صيانة ال1000 مع انو عيب تصنيع مهندس الاستقبال قالي احنا صلحناها و استنا لحد 5000 و هتتعدل معنى كلاموا انهم معملوش حاجه الكلام دا مدخلش دماغي و رجهت تاني يوم عملت حاجه اسمها back job و كانو كلهم مدايقين في الاستقبال اني عملتها لانها بتتحسب عليهم انهم مش شايفين شوغلهم و العربيه اتصلحت الحمدلله و بعدت عن ابورواش خاااالص و بعمل الصيانه في اي مركز معتمد على الاقل بكون قدام العربيه و شايف البيتعمل فيها و انشاء الله موضوعك محلول انشاء الله عشان انتا على حق
بس ليه كدا يعني ليه غبور بيسمح بنسبه من الخطأ في العربيات الجديده و الاهمال في الصيانه و واللا مبالاه في ملاحظات العميل و متابعت العربيه وحلها يعني انا مش فاهم الناس دي نايمه ولا مستأصده تعمل فينا كده
يا باشا احسن حل اننا نبعت شكوي لهيونداي كوريا و لو عايز نص حلو انا ممكن اكتبه
دي رقم 1
لو مفيش اكشن بعدها ندخل علي رقم 2
و رقم 2 سيبها علي بقي
اهم حاجه بس انا كل اللي عايزه عايزين ارقام شاسيات و مواتير اي حد عنده شكوي من عربيته الجديده
و سيب الباقي عليا
لا غبور و لا حمايه المستهلك هيعملو حاجه من الاخر عشان نبقي صرحاء مع بعض
يأما هيونداي كوريا يطلعو محترمين و يعملو اكشن يأما نعلمهم احنا الاحترام و بردو هيعملوا اكشن محترم عشان يعرفو يبيعو عربياتهم بعد كده
المهم بس نجمع بعضنا كلنا بأرقام الشاسيهات و المواتير
و ان شاء الله لو مفيش اكشن من كوريا يبقو هما اللي جنو علي نفسهم
hi slim
نفسي حد يجاوبلي ع السؤال ده فعلا ايه اللي دخل عربيه معيوبه لحد عندي - ولو جايه بدون قصد طب ايه اللي يخليهم يستميتوا ف انهم يلبسوهالي - ليه انكار و لف و دوران و لازم اركبها - مش راكبها لو اخر عربيه ف العالم و لو هخسر كل تمنها - مش لو هبيعها - مش راكبها و مش هسيب حقي
اخر التطورات مش قادر اكتبها رغبة مني في ترك فرصه للتوكيل للاستجابه بدون احراج و لحفظ ماء الوجه له - اهو لعل وعسى
كان الله في عونك و في عوني وفي عون كل واحد بيتعامل مع ناس قابله ...
اية اخر الاخبار يا باشا
ازيك يا دكتور عامل ايه
انا معنديش اخبار جديده من هنا ليوم الاحد او بمعنى ادق مش قادر اقول - بعد الخطوة الجايه ما تتم هقول عليها ان شاء الله
خير ما عملتي و ان شاء الله مش هتندمي و بعدين متقلقيش و مبروك مقدما ربنا يديكي خيرها و يكفيكي شرها
و اطمني التوكيل اليومين دول مهدي خالص - ده اللي عنده مشكله حلهاله على جمب
ربنا معاك يا ابو مارو
ان شاء الله ربنا هينصفك وتاخد حقق وربنا معاك واحنا معاك لحد الاخر
الى يوم الاحد على احر من الجمر
بسم الله الرحمن الرحيم
واصبر وما صبرك الا بالله
عليه توكلت وهو رب العرش العظيم
صدق الله العظيم