الموضوع: حكايتي مع النيو اكسنت وغبور-ما حدث وماأتخذته من اجراءآت وما سوف اتخذه

المشاركة الأصلية كتبت بواسطة ranyrany

كانت الكارثة هى ان الزيت يتناقص مرة اخرى
ذهبت سريعا الى التوكيل فطلبنى م / شاهر واخدنى الى مكتبه وقالى اهدى لو فيها ايه حتى ممكن نغير الموتور تانى
انا طبعا جن جنونى
المهم تم سحب السيارة للتجربة لمدة 1000 كم وسيتم الرد عليا فى يوم 29/03/2010

انت اللى طمعتهم فيك مع احترامى واسمعها كلمة منى هما قالو غيرنا الموتور وهذا مليار مليار % لم يحدث لان مش معقول يطلع نفس العيب فى الموتور الجديد
حرام عليك يا اخى ده انت لو لاقى الفلوس فى الارض مش هتوافق على اللى حصل معاك ده ابدا مش ممكن
عليك و على جهاز حماية المستهلك يمكن تلحق تاخد حقك ولو لا قدر الله حقك ضاع و معرفتش تاخده فلا تلومن الا نفسك
ومعهلش سامحنى لانى فى قمة الغضب من اللى حصل معاك من الحرامية بتوع التوكيل و من سوء تصرفك وطيبة قلبك معاهم اللى ممكن تضيع لك حقك
........................
محمود عينو

المشاركة الأصلية كتبت بواسطة eino666

الى الاخ العزيز ابو مارو

قضت المحكمة الاقتصادية بتغريم كل من حسن حسام أبو الفتوح رئيس مجلس إدارة شركة دايو موتورز إيجيبت ونبيل يواقيم عبد المسيح مدير عام الجودة والإنتاج بالشركة بغرامة مائة ألف جنيه لكل منهما، وذلك كأقصى غرامة نص عليها قانون حماية المستهلك رقم 67 لسنة 2006.

وجاء الحكم بناء على شكوى تلقاها جهاز حماية المستهلك من أحد المستهلكين يتضرر فيها من شرائه سيارة إسبرانزا من شركة دايو موتورز إيجيبت اكتشف عقب استخدامها وجود عيوب فى التكييف وأماكن الدواسات وتخبيط فى العفشة ورغم قيامه بالصيانة للسيارة بمركز خدمة الشركة أكثر من مرة إلا أن العيوب لا تزال موجودة.

وذكر جهاز حماية المستهلك، فى بيان له اليوم، أنه قام بالتأكد من صحة الشكوى من خلال إحالة السيارة لمركز الاستشارات الهندسية بكلية الهندسة بجامعة عين شمس والتى أكدت أن السيارة تحتاج إلى تغيير لأن العيوب الموجودة بها غير مقبولة وأن السيارة غير سليمة وتقع مسئولية العيوب على الشركة المصنعة.

وأكد الجهاز أن لجنة السيارات التابعة له والتى تضم عدداً من الخبراء قامت بجهود ومحاولات لحل الشكوى ودياً مع الشركة إلا أنها رفضت الاستجابة .وشدد عمرو فهيم المدير التنفيذى لجهاز حماية المستهلك على أنه تم اتخاذ الإجراءات القانونية تجاه الشركة بعد رفضها الاستجابة لقرار الجهاز فى استبدال السيارة المعيبة وهو ما يضر بمصالح المستهلك وحقوقه التى نص عليها القانون رقم 67

لسنة 2006، حيث تم إحالتها لنيابة الشئون المالية والتجارية والتى قامت بدورها بإحالتها للمحكمة الاقتصادية والتى قضت بتوقيع أقصى عقوبة نص عليها قانون حماية المستهلك ضد رئيس الشركة ومدير عام الجودة والإنتاج بالشركة.
منقول من اليوم السابع
بتاريخ 30/5/2009
........................*
محمود عينو

اكبر نصاب توكيل غبور انا مجربة فى اكسيل 1997 وبعديها اكسينت 2000 و بعديها فيرنا 8002و دايما بيضمن العربية فى الفترة اللى العربية مابيحصلش فيها حاجة عشان كدة مع الفيرنا عمرى ماروحت الصيانة بعد الاف كم والعربىة مية مية 45000 كم اوعى حد يروح الصيانة

المشاركة الأصلية كتبت بواسطة smax

معاك حق تماما في الي انت بتعملة, بس في حاجة عايز اقولها ان اساسا خدمة ما بعد البيع و احترام المستهلك عامتا في مصر غير موجودة او سيئة جدا و انا شايف ان غبور احسن الوحشين , يعني ممكن لاو المشكلة دية مع وكيل تاني كان يقرفك اكتر و يقولك مثلا اكيد حضرتك كنت بتأمرك بالعربية كتير او مش عارف تسوق و بتدوس علي الدبرياج و انت ماشي و انت الي بوظت الاسطوانة!
الي انت بتعملة دة هو الصح تماما بس بصراحة وجع دماغ , ربنا معاك و ان شاء الله تاخذ حقك
و اعتقد ان الناس الي مش عاجبها الي انت عاملة دة علشان احنا اتعودني علي ادني مستويات الخدمة فمبقيناش عارفين حقوقنا.

احترام المستهلك منعدم في مصر بس في طريقه الى الوجود لو المستهلك محترم -التوكيل مجبر يحترمه
لو التوكيلات احترمت المستهلك مكانتش استوردت له عربيات بايظه عشان تستهيفه و تكسب على قفاه

المشاركة الأصلية كتبت بواسطة amirelgohary

اقتباس




انا معاك جدا يابو مارو
بس ممكن تسأل موقف الجهاز من استخدامك للسيارة لان استخدامك لها من حقك تماما (ده انت اللى دافعلهم ثمنها) خاصة ان كان مفيش سيارة اخرى مع احتمال تأخر الفصل فى الشكوى.
كمان اذا ظهر استمرار وجود العطل هيكون تدعيم لموقفك. بس تانى اهم حاجة يكون استخدام السيارة ملوش تأثير على موقف الشكوى

انا مسألتش التوكيل السؤال ده لان العربيه فعلا انا اتأكدت انها مش كويسه و كمان وانا خارج من هناك - م/طلعت كبير المهندسين قالي خلي بالك المرة الجايه هيكون عيب يوزر - فضحكت وقولتله ان شاء الله مش هيكون فيه مره جايه اصلا - هو جربهالي و انا و هو متأكدين انها مش سليمه تماما ولما مشيت بيها لحد البيت كانت حالتها اتغيرت يبقى عايزني استخدمها عشان يقولولي انا اللي ببوظها
انا اصلا مش هتكلم على حالة العربيه دلوقتي انا بتكلم فنقطه واحده بس السلعه اللي يظهر فيها عيب قبل 14 يوم ترجع - ده حقي اللي القانون بيدهولي - غير كده يبقى هنتكلم على العربيه وسليمه و لا بايظه وجربها - و بعدين نفكها تاني - و خد جرب كده - ياعم انا شاري زيرو مش شاري عربيه موديل 80

المشاركة الأصلية كتبت بواسطة kamatsho85

انـــا حضرت متأخر شويـــة بس ربنا وفقنــى وقدرت اقــرا الموضوع بالكامـــل .. وشوفت النـاس البتدافع عن توكيــل هيونداى فى مصــر وليس غبــور بشخصـــه لان المكــان ده مصدر رزقهــم . بس انــا قلبــا وقالبا مع صاحـــب المشكلـــة لانــى حياتــى كلها فى المصانع وانا اتدربت فى مصنع من مصانع غبــور مش للسيارات الملاكى بس اعتقد انه ما يفرقــش كتير عن الملاكــى
1- اى مصنــع يطلع منه منتج معيــوب فهو دليل على حاجه من اتنين لا ثالث لهم الهمــا اولا الأهمال من قبــل العامليــن او الغش المقصــود للحول على اعلى ربحيــة .
2- المنتج بيمر على عدد كبير من مراقبين الجودة والمهندسيين والامضاءات والتقارير الخ الخ
3- وظيفة الضمان ليس تصليح عيوب التصنيع ولكن الضمان للتوكيد الجودة عند العميــل .. فى الغالب بيكون حاله نفسيـة لكن لو استخدم فى الوقت ده يبقى فى حاجه غلط
4- طالما الاخ المهندس مدير الصيانة قالك ان فى اكتر من 7 عربيات فيهم مشكلة كنت تسأله وده عدد كبير ولا قليل طبعا هيقولك قليل قوله يبقى تشحنوهم فى كونتارات وترجعوهم كوريا
لو قالك كتير قوله وانت كان تصرف حضرتك ايه بلغت ادارتك ؟؟
5- الصناعة المصرية مثلها مثل اى صناعة عالمية فى منها الوحش وفى منها الحلو .
يعنى مثلا مصانع السويدى للكابلات من افضل المصانع على مستوى العالم بجد ومنتجه بيدخل فى افخر انواع السيارات العالمية ليه ؟؟ لانه ما بيتهاونش فى الجودة ممكن يغلى السعر لكن ما ينزلش الجودة ابدا.
6- انا كان عندى فرصة قبل كدا وقدرت ازور مصانع موجود فى دول الشرق الاقصــى .. وكنت متخيل انى هروح القى ناس فاهمة زى الالمان او الانجليز وبتحاول توصل لمستوى ده الاكتشفته ان كل الموجود فى الناس دى بس التزام فى الشغل لكن الاتقان عادى ويمكن اقل من عادى كمان فرجاء ندعم المنتج المصرى بتاعنا حتى لو جودته مش كويسه بس فى يوم من الايام ان شاء الله نوصل لمرحلة اليابان
وشكرا

تأكيدا لكلام حضرتك - التوكيل مهمته ضمان حقي - يعني السياره المعيبه خلال 14 يوم ترجع و فعلا العمال المصريين زي الاجانب - كلهم عندهم نسبة خطاء - بس الاجانب بيوردوا لينا اللي هما بيخطاوا فيه - و احنا بنصدر الدرجه الاولى من انتاجنا ليهم

المشاركة الأصلية كتبت بواسطة osos_lion

طب والاستاذ الي بيقول انهم غيرولو المتور اتاكدت حضرتك من رقم الموتور القديم من الجديد
يعني لو هم غيروه ادوك ورق يثبت الكلام ده عشان تعدل الرخصه
واضح ان المتور متغيرش