اولا السلام عليكم
انا احب احي الاخ ابو مارو والاخوه اللي هنا وبجد ما شاء الله انا بقالي 3 ايام بحاول اقرأ الموضوع - كل يوم اقرا شويه لحد ما ربنا اكرمني ووصلت للصفحه الاخيره :)
وحابب اقول حاجه
بما اني مصري وبرفض الروح الانهزاميه اللي سادت علي الشعب من فقيرهم لغنيهم وبما انكم كلم بقيتوا شايفين بوضوح ان المواطن المصري مع مرور الوقت بقي بالنسبه له عادي انه يكون الاضعف وانه طبيعي انه مش هياخد حقه وانه احسنله انه يمشي جنب الحيطه ومحدش هيعبرك والكلام ده كله ولما انسان يحب يحتفظ باحترامه لنفسه تلاقي نظرات استنكار غريبه له تقول " هوه الاخ مش مصري ولا ايه "!!!!
الاخ ابو مارو مصري ومصري انا احترمته لموقفه حتي وان كنت يا اخي لن تأخذ حقك وده ليس عيب منك او ضعف فيك انما ممكن عشان انت في معركه بين " نمله شجاعه جدا وديناصور كبير جدا " والنمله دي تتمثل في المواطن والمستهلك المصري والديناصور يبقي مركز القوه
انا اسف لو بحول الموضوع لشيء فلسفي وبكبره لدرجه ان البعض هيقول ايه يا عم انت شويه هتكلمنا عن نهايه العالم :)
هي فعلا ممكن تكون نهايه العالم لما الشاب المصري يتولد وهوه صغير ابوه يجيبله عربيه لعبه يفرح بيها جدا ويعيط لو انكسرت ويكبر مع الزمن ويتمني يتخرج ويشتغل ويتعب وتكون من ضمن احلامه عربيه عشان يفرح ويقول لنفسه " اهو بحقق احلامي بتعبي " وفي الاخر يكون الحلم كابوس ويجي نظام غير سوي تعودنا عليه في مصر يكسر جوه قلوبنا احلامنا - انا بعتبرها دي نهايه العالم
مش عايز اطول اعزروني بس انا دمي اتحرق وكنت حابب اخرج كل اللي جوايه :) بس كده هفضل اكتب 3 ايام كمان :)
.... انا للاسف من ملاك هيونداي - معايا فرنا وسمعت كتير عن سمعه التوكيل اللي قررت مش اوريه وشيء خالص بس لما سمعت القصه هنا غيرت قراري
وبقي قراري مصاحب لحاله شعوريه بزعل من علامه هيونداي اللي تحملها سيارتي وبجد دي هتكون اخر سياره لي تحمل هذه العلامه طالما هذا هو الاسلوب للي بيتخذه الوكيل اللي اكيد فاتح بيته من اموال عملاء اقل ما يطلب منه انه يحترمهم كما يستحقوا
.... يكفي اني اقولك يا اخ ابو مارو " ما ضاع حق ورائه مطالب " وصدقني تبديل عربيتك مش هوه ده رجوع حقك انا شايف ان حقك وصلك وربنا ييسر وتوصل للي تتمناه " استبدال السياره باخري جديده من الوكيل " ولكن الحق اللي وصلك واللي اقصده هو " احترامك لنفسك - لما بتقف امام ربنا مش بتنكسف منه وتقول انا ضعيف مش قادر اجيب حقي - عندك قصه فخر تحكيها لاولادك - موقف ربي فيك اكيد قيم ومعاني جميله اكيد هتضيف لشخصيتك - ناس جميله كتير اتعرفت عليهم هنا واصدقاء "
.... انا مستغرب من شخصين هنا
1- الاخ اللي بيقولو من الوكيل " هاني نزيه " اللي ردوده غريبه رغم انه يمثل الوكيل والمفروض يكون صوره كويسه له اللي انت شغال فيه النهارده الله اعلم بكره شغال فين ومستغرب ازاي يكون دي التربيه او المنهج اللي شركه غبور بتعلمه لابنائها في التعامل مع الغير !!!!!
2- الاخت lolita
انا بصراحه مش عارف احدد ليكي شخصيه انتي مع مين !!! واصلا مش شايف معني لكلامك او غرض غير الاستفزاز وانك تطالبينا بالاستخفاف بكلامك لما يكون خارج بالشكل ده - الاخ صاحب الموضوع شايف ان له حق بيطالب بيه - شايفه انه غلط يبقي يا اما بكل احترم ومن غير استفزاز تقوليله يا عم انت غلط او تسكتي او تنصحيه انما اللي بتعمليه ده مش مفهوم بصراحه واتمني انتي نفسك تكوني فهماه .
اعتذر مره اخري علي الاطاله بس ماكنشي ينفع مش ارد واتمني كلامي مايكونشي ضايق حد
يا اخ ابو مارو انا متابع موضوعك باستمرار واعتبرني اخ ليك وانا والله عربيتي بركنها بالشهر لما اسافر لشغلي - اعتبر العربيه بجد تحت امرك ووالله مش عزومه مركبيه وجرب
وانا تحت امرك في اي شيء واتمني لك كل التوفيق
اخوك د/ خالد
المفضلات