أنا سعيد أن لسه في ناس بتحارب لأخر نفس عشان تاخد حقها زيك كده يا أبو مارو بصرف النظر عن اللي هيحصل فالاخر يعني لو لقدر الله حقك مرجعش ان شاء الله هتؤجر على المجهود ده ويكفيك شرف المحاولة
أنا سعيد أن لسه في ناس بتحارب لأخر نفس عشان تاخد حقها زيك كده يا أبو مارو بصرف النظر عن اللي هيحصل فالاخر يعني لو لقدر الله حقك مرجعش ان شاء الله هتؤجر على المجهود ده ويكفيك شرف المحاولة
انا بشكر كل الناس اللي متابعه الموضوع
و بعتذر عن عدم المشاركات لان مفيش حاجه اصلا اكتبها
كل الموضوع العربيه زي ما هي و فيها شوية عيوب اصلا تمنع مشيها
و حاليا فيه قضيه مرفوعه
و كلنا عارفين القضاء مشواره طويل جدا
فعشان كده مفيش داعي اشغلكم - مش هيكون فيه جديد لمده طويله
ربنا يسامح اللي كان السبب
و الحمد لله على كل شيء
(استفزاز اخ بعضويه جديده برد واحد فالمنتدي كله بالافات والمواضيع والردود والاخ رد واحد فقط هنا فالموضوع استفزاز واستهفاف بعقول المشاركين فالموضوع وصحبه بطلوا بجاحه بقا )
متابع للموضوع من اول صفحه لاخرة
وربنا يكون في عونك اخي العزيز
انت انسان محترم وانا معاك ف انك مضيعتش حقك زي ناس كتير بتزهق وخليك وراهم ده لو مكنش الموضوع اتحل اصلا وربنا يكون ف عونك ومعاك ومتبصش لكل انسان بيستفزك بكلامه وهو حاطط ايده ف مياه بارده اكيد مش قصده
كلام جميل كلام معقول مقدرش اقول حاجه عنه لو انا في الهند ومش شايف غبور وتوكيله وسياساته وشايف بعيني سوءة في السوق المصري سمعه او غيرة
انا فعلا حسيت اني بدات انام وانا بقرأ الكلام ده وسلم ان غبور-هيونداي من احسن الوكلاء في مصر والعالم العربي والعالم الغربي استخفاف بعقول الناس دون تطبيق عملي بالكلام ده
بصراحه انا مستغرب جدا منك
مش عارف ليه محسسني او محسساني واكيد ده شك الكل شكه
محسساني انك بنت اخت غبور او التوكيل بتاعك ومش عارف ليه شفتك تاني وانا بتابع الموضوع من اوله لغايه دلوقتي بتدخلي تاني فكك انت وخليكي فالعربيه الي معاكي او فنفسك وفالتوكيل الي انت حباه وبتدافعي عنه للنهايه ومبترديش غير بردود مستفزة زي ماااااات والكلام ده
ارجوا انك تراعي ربنا وتصحي ضميرك شويه راجل كنت او بنت هدفك سامي او هدير اهدي علي نفسك شويه وسيبك من الموضوع كله
وباذن الله ما ضاع حق وراه مطالب زي ما الاخوة قالوا وربنا معاك يا ابو مارو والله باذن الله حقك هيرجعلك
الأخ العزيز ابو مارو
أنت مثل اعلى ولو الناس كلها عملت زيك البلد هتتعدل حالها
يجماعه والله لازم كلنا نقف في وش اي حد ظلمنا وكل حقنا
الدعوة دي جايه من الصين علشانك يا ابو مارو
ربنا يعينك ويصبرك ويمهدلك طريق المحاكم وينصرك على الظلمه الفاسقين اللي بوظوا البلد
ونا مستعد اكلم الشركه الأم في كوريا وكمان اتالعلكم ايميلتكم اللي بعتهوا للشركه
واي حاجه انا في الخدمه
أخوكم هاني
من الصين
اشكرك يا استاذ هاني
و لو حضرتك بتتكلم عن شكاوي لهيونداي كوريا فانا بعت قبل كده لكن عموما هما لا يعطوا اهتمام لشكاوي مصر
و لو احنا تابعنا الصحف الفترة الماضيه هنلاقي ان فيه تصريحات من وزارة الصناعه بشأن مواصفات السيارات الجديده
وبيقولوا ف التصريحات دي على التوكيلات اللي بتستورد سياراتها من دول شرق اسيا ان تبدل تعاقدتها مع الشركه الام ليتعاقدوا على المنتج من نفس خط انتاج المواصفات الاوروبيه بدلا من خط الانتاج الذي بدون مواصفات
و معنى الكلام ده ان وزاره الصناعه عارفه نوع العربيات اللي بتيجي على البخت
و ان الشركه الام فكوريا بتبيعها وهي عارفه فما معنى الشكوى لكوريا
هيقولولك انتوا اللي شارينها كده بمزاجكوا
نفسي أدخل يوم على الموضوع ده وألاقي أنك خلصت من المشكلة دي وأخدت حقك
مش قادر أقول غير : كان الله في عونك
انا فعلا سمعت عن القرار ده
على اد مهو كويس بس تنفيذه هيكون صعب بشويه ووممكن انه يسبب مشاكل للتجار بنوعهم ( اللي بيراعي ربنا و اللي معنديوش ضمير ) وممكن القرار ده هيسبب جوع في السوء شويه ...
لأن تنفيذه هيكون فعلا صعب من الترفين المصدر والمستورد
و اتمنى انه ميكونش سبب في ارتفاع اسعار السلع المستورده تاني ---- لأن زي ماحنا عارفين الجوده في الخامات هي اللي بتحدد تمن السلعه -- المهم ده مش موضوعنا دلوقتي
أستاذ ابو مارو والأخوه المتضررين من غبور
بالنسبه لعرضي: انا شغلي كله على الأنترنت و التوقيت عندي في الصين فرق ساعه عن كوريا يعني الأيميل اللي هبعته هيتقرا في ساعتها
كمان انا ليا اصحاب كتير في كوريا وكمان ممكن ابعتلكم فاكسات للشركه واتابعها بالتلفون ---- لأن فعلا الحال في مصر مع العالم دي محتاجله وقفه من كل حته
عادة انا الفكره اللي عاوز اعمالها
اني هبعت شكوه واحده باسم اكتر من شخص متضرر ....
برضوه توضيحا لأن الشركه مصدره العربيات دي بطلب من غبور
لاكن في عيوب محتاجه استبدال ...
اتمني اني اوفق واقدر اساعدكم
ويجماعه انا بعيد تاني اي حد محتاج يرسل شكوى او يتابع شكوى انا في الخدمه
في رعاية وحفظ الله
انا مقرتش كل المشاركات فمش عارف حد علق على موضوع الفرق ما بين Warrantee ,
Guarantee
Warrantee على حسب معلوماتي بيديك ضمان انه يصلح عيوب التصنيع ان وجدت
Guarantee بيديك نفس الضمان مع امكانيه التبديل
عموما كل العربيات الجديده معاها Warrantee ضد عيوب التصنيع وفي الحاله دية المصنع ملزم انه يصلح ليك مش ملزم انه يرجع المنتج
انا على فكره عايش حاليا في الامارات ومعايا بيجو وحصل معايا موقف مشابه لما اشتريت عربيتي ظهر عيب في الجير بوكس والتكييف وبعد اكتر من سنتين من الخناق معاهم والشكوى لبيجو فرنسا غيروا الجير بوكس والتكييف بس العربيه ما اتغيرتش..
عموما ربنا معاك ويوفقك