صدق او لا تصدق ف ال verna 1600 تقفيل مصري

يا جماعة لولا اني ال حصل ده حصلي و شوفتوا بعيني ماكونتش صدقت .انا كنت بقول ان التقفيل المصري عادي لكن بعد الي شوفتوا اخير حاجة انشا الله حجيبها تقفيل مصري.انا اشترت فيرنا 1600 2008 من كم اسيوع وليسة مكميلتش 1000 كم ونا رايح شغلي وف عباس العقاد في عز الزحمة . القي دخان طالع من فتحات التكيف. طبعا كلكم ممكن تتخيلو الخضة .مصدقتش عنيا بصيت على موشر الحرارة كلة تمام. اترعبت ونزلت بلطفاية بصيت لقيت مافيش حاجة ف الموتور .بصيت علي المياة. ملقيتششششششششششش ولا نقطة ف الردياتير!!!!!!!!!!!!خدو بالكو العربية زيرو وليسة مافيش 1000 كم . حطيت مياة وانا مذهول و قررت ارجع البيت.وانا راجع جمب بيتي طاعت تاني دخان.لما ركنتها وركزت اكتشفت انه مش دخان. ده بخار مياة. رحت سالت كهربائي . قالي في حاجة في دورة المياة و اكيد في خرطوم ضارب و بيسرب مياه و المياة بتنزل علي حاجة سخنة و بتبخر وتطلع من التكيف. طبعا كلكم تتخيلوا حالتي و العربية 0 .يعني اجيبها زيرو و بردو اتبهدل كده!!!!. طبعا بعد حرق الدم المعتاد. علي بال ما عرفت اكلم مهندس في التوكيل. قالولي هتها. وطبعا تتخيلوا ازاي رحت بيها و كل شويا اركن على جنب احط مياة لما تدخن ولا راكب عربية من ايام سنة 1800 .ولما وصلت كولوا كان مذهول عربية داخلة و طالع مينها دخان!!!الراجل قالي ايه البيولع ده!!! قلت له عربيتكو!! الي مكميلتش 1000 كم!!! قالي روح وتعالي على 6 عشان حتاخد وقت و حنفك التبلوه. رحت و سلموهالي امبارح و لقيتهم وطولي الدبرياج كمان مش عارف ايه علاقته ده و ربنا يستر.... با

الحمد للة انها اتتعملت
ويا رب تكون اتعملت كويس
وعادي بقي نصيبك يا باشا
وهو دة عيب التقفيل المصري

لا حول و لا قوة إلا بالله ،،

اكيد في طريقة يعملوا مراجعة علي العربية قبل ما يسلموها مش كل واحد يطلعله مشكلة شكل

الحمد لله جت بسيطة ،

عموما في ميكانيكي كويس شغال في غبور ،، و حافظ الفيرنا ،، في الحرفيين

هوا عموما مش بيعمل أي حاجة في العربية مادام في الضمان ،، بس بيكتشفلك اي حاجة فيها

عرفني عليه م / كريم منير ،،

لو عايز ابعتلي علي الخاص

كلامك متناقض مش فاهم حاجة انت هتجيب ولا مش هتجيب ولا جبت!!!

يا سيدي جبت وان كان ليا عمر مش حجيب حاجة تقفيل مصري تاني

ربنا يسترها عليك و عليا
هستلم قريب :(

انشا اللة خير العربية حلوة بس هيا حركات التقفيل المصري .شغل من غير ضمير .الله يسمحهم

ربنا يطمنك
بما انك لسه جايبها ممكن تقولي تقييمك الاولي بعد الالف من حيث احسن مزاياها و عيوبها غير التأفيل

بس التقيم العام هيا كويسة و بتسحب حلو قوي و باين ان موتورها محترم. لغاية دلوقتي العربيه حلوة وكل الي لاحظتو من عيوب كان تقفيل

عيوب التقفيل المصرى:

- انت وحظك
- القطع المصنعة فى مصر منفاوته الجودة (راجع بند 1)
- تجميع الاجزاء يتم بمهارات مختلفة للعماله (راجع بند1 )
- سياسة وزع السيارة ولو فى حاجة الضمان موجود والسيارة ترجع على الصيانة المهم نسلم الناس الحاجزين (راجع بند 1)
- ثمن العربيات رخيص ..انتو عايزين تركبوا مرسيديس المانى بملاليم.....دى اصلها ارزاق وكمان راجع بند 1

ياربي :(

يارب استر يارب استر

ديه مش عيوب التقفيل المصرى
ديه عيوب تقفيل غبور
50% من الناس راكبه تقفيل مصرى(لانوس ,نوبيرا, صنى,شاهين .....)
وانا ركبت لانوس وشاهين وحاليا صنى مقابلتنيش اى مشاكل واعتقد معظم الناس اللى راكبه هيونداى تقفيل مصرى معندهاش مشاكل وعادى جدا عربيه يطلع فيها عيب عشان كده الناس بتشترى عربيه بضمان

مع احترامى للصناعة المصرية ...........وانا افتخر بها وبكونى مصرى.الا اننى ارصد الواقع واتمنى من داخلى ان ياتى اليوم ان نستطيع تجميع سيارات مثل باقى الدول المتطورة (لاحظ اننى لم اتمنى سيارة مصرية لعلمى استحالة الحدث خلال ال 25 سنة القادمة) ولكن ممكن ان نصل الى سيارة تجميع مصرى محترمة جدا جدا جدا خلال 5 او 10 سنوات على اسوء تقدير........وزارة الصناعة وبرنامج تحديث الصناعة لهم جهد واضح...و.فتح المنافسة ايضا ............

الوضع الحالى غير مرضى لنا......ونحن نضطر لشراء التجميع المحلى لفرق السعر وليس لتشجيع التجميع المحلى....فالسوق لا يعرف الوطنية بقدر جودة المنتج خاصة مع الاقتصاد الحر الذى تنتهجة مصر الان...........انظر الى السيارة المرسيدس.......وهى مثل لاعلى سيارة فى مصر......هل هى مرسيديس مثل الاصلى.........لكن انظر الى تويوتا افنسيس تجميع انجلترا..هو ده الفرق........الفرق فى ثقافة العماله ونظم الجودة وسياسات الصناعة بشكل عام.................ارجو الله ان تكون الصناعة المصرية افضل فى 2008

يا جماعة ياواش ياواش على مصر و على المصريين و على الصناعة المصرية
لو الصناعة المصرية توقفت سيكون خراب مصر قريب جدا
فبالله عليكم كونوا موضوعيين في حكمكم على الأشياء
لأنه لا تتساوى جميع المصانع المصرية في شئ واحد
طيب هناك دايو المصرية و هناك نيسان المصرية و هناك مرسيدس و بي أم و شيفروليه و منتجات جنرال موتورز عموما في مصر

يعني مش غبور لوحده اللي بينتج مصري و بعدين أنا شايف إن غبور مش وحش قوي يعني و منتجاته بتتباع زي الفل
و الأخ صاحب العربية و صاحب الموضوع بيقول في مداخلة

"" أنا مش هاشتري أي حاجة تقفيل مصري تاني ""

و أنا أقولك يا أخي طيب و المكان اللي أنت شغال فيه ( مصنع أو شركة تقدم خدمات ) ...... إذا لم يشتري أحد منه خدماته أو منتجاته حضرتك هاتقعد في البيت و مش هاتلاقي فلوس تشتري لا مصري و لا غيره ( لا أقصد أهانة حضرتك لا سامح الله و لكنه مجرد مثل )
يا جماعة الصناعة المصرية فاتحة بيوت ناس كتير شغالة في مصانع بتنتج منتجات منها الجيد و منها الغير جيد
يعني بلاش نسئ لكل شئ لمجرد أنك أشتريت منتج سئ مصري

أرجوا أن يفهمني الجميع

كلامك صح
بس انت عارف الواحد بيبقي تعبان قد ايه في الفلوس اللي بيحطها في عربيه
عشان كده بيبقي نفسه في كل حاجه تبقي مظبوطه

انا اسف لو كنت في غضب قلت "" أنا مش هاشتري أي حاجة تقفيل مصري تاني "" بس حط نفسك مكاني ده مش عيب هين يتعدى .انا لو كنت فقدت اعصابي لما شوفت الدخنة او ارتبكت او كنت على طريق سريع .ربنا وحده الي يعلم كان ممكن يحصل ايه!!!!!!!!! سوما ازاي عيب زي ادا يعدي .عيب في دورة التبريد؟ ده مصيبة.يعني لو كنا فيل صيف. كانت حتولع .او مكنتش حعرف اسوقها للتوكيل الي في اخر الدنيا.لما وصلت بيها هناك. وشفوها وهيا كده .اول حاجة قالها واحد هيناك" حضرتك حاجز؟" كنت حشتموه يعني هو مش شايف منظر العربية!! يلا ارجع و اقول برده شغل من غير ضمير للي ركب والي راجع و الله يسمحم با على الخضة و البهدللة.

أستاذ thatha لو حضرتك بعت إيميل للمركز الرئيسي لغبور هيتجاوبو معاك في أقل من يوم! و هيسلموك العربية فابريكة و يعتذرو لك و و و.... حقيقي في مشاكل تقفيل لكن نسبتها بجد مش كبيرة وعلى فكرة أنا معايا فيرنا برضو.. ربنا يحرسك ويحرسها

و الله يا أخ توت ، إحنا مش ضد مصر ،، و الصناعة المصرية شخصيا ،،،،،،

بس الموضوع بقه زايد عن حده ،،

وعلي فكرة مش تقفيل غبور بس ،، خش علي منتدي دايو و نيسان ،، و تشوف مواضيع مماثلة كتير ،،

بلاش م / كريم منير في موضوع اخر بيؤكد إن تقفيل البي إم و المرسيدس المصري ،، مليان عيوب و مديرينه كل يوم موديين العربية التوكيل ،،

أنا بتهيألي في بداية التجميع المحلي في منتصف التسعينات ، كان الموضوع احسن ،، حاسس إن خلاص ،، توحشوا و مبقاش أي رقابة أو منافسة عليهم

زميلي في الشغل كان جايب عربية كيا سبكترا تجميع محلي برده ،، بيقولي الدهان قشر زي الورق ،،

أول ماستلم العربية ،، و خدوها دهنوها بالكامل ،،

و العربية كانت بتحدف و متضبطتش غير لما غير الكاوتش النسر ،، ............. المصري ....


أنا شخصيا مش ضد التجميع المصري ،، في ميزات أنا موفر 15 الاف جنية ما بين الفيرنا و بين النيو اكسنت ،، دي ميزة كبيرة في حد ذاتها ،، أنا متقبل اتحمل شوية مشاكل بسيطة مقابل خمستاشر الف جنية ،، و شايف إني الكسبان ،،،،

كذلك اللي شاري صني مثلآ موفر خمستاشر الف جنية عن اللانسر ،، كمثال ،،

و غير إن غالبا السيارة المجمعة محليا بتبقي مفيش مشاكل في صيانتها و قطع غيارها و إعادة بيعها ،،

بس غير وفر الفلوس ،، مع الف سلامة للتجميع المصري ،،، للأسف ..........

يا جماعة المشكلة بسيطة . هي ان برة بيشتغلوا بضمييييييير .هنا اي كلام و ركب اي حاجة و قول يا مسهل

اقتباس:

---

المشاركة الأصلية كتبت بواسطة r0xer

أستاذ thatha لو حضرتك بعت إيميل للمركز الرئيسي لغبور هيتجاوبو معاك في أقل من يوم!

---

+1
و عن تجربة

اقتباس:

---

المشاركة الأصلية كتبت بواسطة Hesham A.Megid

+1
و عن تجربة

---

يا باشمهندس هشام ،،

مش أنتا قلتلي عمال تبعتلهم و محدهش بيرد ؟؟؟

فرحني بقه و قوللي إنهم ردوا ،،

عشان أنا فعلآ ردوا عليا فورا ،،

اقتباس:

---

المشاركة الأصلية كتبت بواسطة Ahmed Anwer

يا باشمهندس هشام ،،

مش أنتا قلتلي عمال تبعتلهم و محدهش بيرد ؟؟؟

فرحني بقه و قوللي إنهم ردوا ،،

عشان أنا فعلآ ردوا عليا فورا ،،

---

أنا بعتلهم مرتين و محدش رد عليا، المرة الثالثة بعد ما بعثت الاميل بساعة لقيت واحد بيكلمني من الفرع الرئيسي في القاهرة و قلي إن احنا دلوقتي خارج مواعيد العمل الرسمية و فعلا الساعة كانت جية على ٧ ، عرف مني المشكلة إيه و قلي هنكلمك بكرة، تاني يوم كلمتني واحدة و اخدت بيانات العربية و عرفت المشكلة بالضبط ، و قالتلي هنكلم فرع اسكندرية و نرد عليك، اليوم إلي بعدو كلمني مدير فرع الصيانة بتاع السلطان حسين (باشمهندس عادل) و إداني معاد عشان أرحلهم فيه. والدي رحلهم تاني يوم و فعلا حلوا المشكلة إلي كانت في العفشة بس صوت الورة اللي في العجل لسة موجود و مصرين إن العيب من الكاوتش و إن الكاوتش عامل عالي و واطي بسبب إن الزوايا ورا مش مظبوطة رغم إن احنا ضبطنها عندهم قبل كدة أكتر من مرة! على العموم احنا قررنا نجبلها جنوط ١٥ و كاوتش جديد مستني بس الكاوتش يمشي شوية

انا رحتلهم خلاص و استلمت بس برده مافيش مانع لو نعرف ال E-mail ايه؟

aamer@ghabbour.com
http://mail.google.com/mail/images/cleardot.gifyangsh@hyundai-motor.com
http://mail.google.com/mail/images/cleardot.gifgizi@hyundai-motor.com

The second two emails are direct contacts to the company in Korea...

و أيضا ،،

http://ir.hyundai-motor.com/eng/index.html

وده لينك للتعليق المباشر لدى الشركه الأم

تخش علي Contact us

شكرا اوي ياجماعة وربنا يسترها علينا جميعا

ياخى الفاضل thathaقدر الله والحمدلله عدت على خير والله كان واحد زميل شارى سيارة ب م دبليو زيرو وحصلله مشاكل كتير وكان اعد يسب ويلعن السيارة والتوكيل فى السعوديه يعنى دى مشاكل ممكن تكون موجودة طالما اله وصناعه فا متحملش مصر كللها مشكله ممكن تكون موجودة بصرف النظر عن الصانع او السيارة وربنا يوفق الجميع للخير

معاك حق يا استاذ محمد .عمتن ياجماعة العربية ممتازة و متقلقوش منها. و الناس كانو كويسين و سلموهلي مظبوطة في التوكيل الحمد للة وربنا ما يورينا حاجة وحشة. و بالنسبة لموضوع الصناعة. انا معاك ان كل حتة فيها مشاكل. بس هينا لو بس يبقوا يدققوا فيل الجوده و المراجعة زي بره . الحاجة تطلع مظبوطة . و نقدر ننافس انشاء اللة. هي صحيح المشاكل بتاعت التقفيل حلها بسيط بس تغيظ و ممكن تعمل مشاكل كتيرة. الحمدللة على كل حال و كلو للخير . و العربية بجد حلوة اوي .والي بيفكر يشتريها . يتكل على اللة . و ربنا يسترها علينا كانا. و شكرا ياجماعة على المشاركة

بمناسبه التقفيل حقولكو هلى حكايه لذيذه
اختى شغاله فى شركه ادويه ملتى ناشيونال والشركه سلمت المدير عربيه جاغوار تمنها حوالى مليون وربع الراجل بعد ما استلم العربيه باسبوع العربيه وقفت منه فى نفس الطريق اتضح ان الكمبونر بتاعها هنج ومعرفش حتى يسوقها للتوكيل وطبعا مفيش بنى ادم فى البلد يقدر يتعامل معاها غير فى التوكيل
فحكايه التقفيل ديه مسأله نصيب ملهاش علاقه بمصرى او اجنبى

اقتباس:

---

المشاركة الأصلية كتبت بواسطة yahyanaabil

بمناسبه التقفيل حقولكو هلى حكايه لذيذه
اختى شغاله فى شركه ادويه ملتى ناشيونال والشركه سلمت المدير عربيه جاغوار تمنها حوالى مليون وربع الراجل بعد ما استلم العربيه باسبوع العربيه وقفت منه فى نفس الطريق اتضح ان الكمبونر بتاعها هنج ومعرفش حتى يسوقها للتوكيل وطبعا مفيش بنى ادم فى البلد يقدر يتعامل معاها غير فى التوكيل
فحكايه التقفيل ديه مسأله نصيب ملهاش علاقه بمصرى او اجنبى

---

الوضع مختلف يا أخ يحيي ،،

في فرق بين خرطوم سايب و مشكلة في الإلكترونيات ،،

في الشركة القديمة اللي كنت شغال فيها برده صاحب الشركة كان جيي مرة بعربية لاندروفر ،، واحدة من عربياته

و طبعا و احنا مروحين من العاشر من رمضان باتوبيس الشركة و بنحقد عليه ،،

في الطريق لقيناه بارك بالعربية ،،

و جه ركب معانا الأتوبيس ،،

مشكلة في الكمبيوتر برده

الأخ صاحب الموضوع ،،،

مفيش مشكلة لازم تحكي تجربتك كاملة ،، و تنتقد و تقول كل اللي انتا شايفه ........

دي فايدة المنتديات ......

أنا مبحبش مبدأ اللي يكلم كلمة علي العربية الناس تقفله علي الواحدة ،،،،،

بعدين الفيرنا مش عربية نادرة عشان نخاف تطلع عليها اشاعة ،،،

يا ريت يطلع عليها اشاعات تقلل مبيعاتها شوية ،، بدل ما هي بقت اكتر من 128

طب بمناسبة التقفيل فيه موضوع تاني يغيظ فالسوق بتاعنا .هو ال options كلنا عارفين ف السوق فيه فل و هاف ابشن .تبص تلاقي الفرق حوالي 4 الاف. و على فكرة حتى ال فل ابشن مبتباش هي دي كل ال ابشن. فية ابشن ف العربية عمرها ما بتنزل ولا بتتركب ف مصر يعني مثلا ال فيرنا بص ف المانويل او حتى عندك ف التبلوة حتلاي مانع سرقة و ABS و حاجات كتيرة مش متركبة حتى ف الفل ابشن ولو دخلت ال Site حتشوف العجب . او ال افيو تبص تلاقي ال LS فيها سنتر حتى من غير انذار و ازاز كهرباء قدام بس ولو دخلت ال Site حتشوف سقف كهرباء و Mp3 player و ازاز قدام و وراء و حجات كتير لل برة .يعني ف العربيات تقريبا ال فل ابشن بتاعنا هو الفاضي او الطبيعي في اي عربية عندهم . مرة سالت واحد قالي .لازم كدة عشان كل عربية ليها رنج و السوق ولو ال ابشن زادت و سعرها غالي ممكن الناس تشتري نوع تاني و حوار من هذا القبيل.

مواضيع الخراطيم والتأفيل وخلافة وارد فى أى متنج مصرى وللاسف قاعدة انت وحظك دى مصيبة
الناس القديمة معانا من أيام كونتاك فاكرين النيوبيرا ...

http://www.contactcars.com/DiscTopic.asp?TopicID=14

المشكلة فى ادارة الجودة والاختبرا النهائى وكذلك الضميـــر

انا ممكن الاقى عيوب فى تقفيل هيونداى او دايو انما مرسيدس صعب لسبب واحد صاحبى معايا فى الكليه قسم ميكانيكا راحو رحله لمصنع مرسيدس فى 6 اكتوبر قالى مفيش عربيه بتطلع من المصنع الا لما يحصلها تيست على كل حاجه اتركبي فيها ولو اكتشفوا حاجه العربيه بترجع تانى لخط الانتاج وعلى فكره ساعات بيقابلو مشاكل مش هما السبب فيها زى مره السوفت وير مكنش نظبط وعملهم مشاكل ولو المشكله طلعت كبيره بيوقفوا خط الانتاج خالص لغايه ما يحلوها والمهندس قالهم ان فى اجزء بتتصنع فى مصر وتتبعت لالمانيا وعلى ما اعتقد احنا البلد الوحيد اللى بتقفل الs-classبره المانيا
العربيه الواحد تخلص من اربه ايام لاسبوع ده على كلام المهندس اللى شغال فى المصنع

العربيه الواحد تخلص من اربع ايام- لاسبوع ده على كلام المهندس اللى شغال فى المصنع

العلة الرئيسية فى العامل المصرى اللى بيجمع عربيات مش الضمير، العلة فى غياب التدريب الفعال لأن مصانع كتير بتبص للتدريب على انه من الكماليات أو لزوم الوجاهة و الفلوس اللى بتتصرف عليه ضايعة يا اما على تدريب مالوش لازمة أو شخص مالوش لازمة.