المشاركة الأصلية كتبت بواسطة aboomarahmad
السلام عليكم:
ممكن أشارك معاكم للدكتور أمير بصفتي راكب التيجو 2000سي سي من شهر 10/2009 الى الآن
وكمان انا عامل دراسة مقارنة بالذات مع التريوس لأني لفيت السوق لمدة سنتين وشوفت كل اللي ممكن تتخيلوه من عربيات suv والله كل اللي تتخيلوه وفي الآخر حصرت الدراسة بين التريوس والتيجو2000سي سي
أولا:
عشان تكون عادل قارن التيجو بالطراز العالي للتريوس ابو 148000 وذلك نظرا لإمكانيات وكماليات التيجو مقارنة بالطراز الأول للتريوس لأنه فقير جدا
ثانيا:
الدراسة بالأرقام عملتها بينهم كالآتي لمدة افتراضية خمس سنوات:
التيجو 2000 سي سي التريوس 1500سي سي
السعر 105000 148000
الضرايب 6500 1500
استهلا البنزين 14000 12000
المستهلكات 20000 15000
الإجمالي 145500 171500
ملاحظة:
الرقم المكتوب للإستهلاك البنزين محسوب كالآتي
20لتر(الصفيحة) / 170 كم(استهلاك العربية في أسوأ الفروض) × 65000 كم(رقم افتراضي للمسافة المقطوعة في خمس سنين لو عشنا) × 1.85 (سعر البنزين ال92)
وبالنسبة للتريوس حسبت الإستهلاك 200كم / الصفيحة في أسوأ الفروض وده مش عادل بس قولت ياباني بأه
بالنسبة للرقم بتاع المستهلكات ده افتراضي علشان دي صيني ودي ياباني ولو أن قطع غيار التريوس أكيد أكيد أغلى من التيجو
وبعد....لو الإجمالي يطلع الفرق حوالي 26000ج وده في خمس سنوات فقط...كلما زادت زاد الفرق لصالح التيجو
طبعا ده بالإضافة للآتي
1- سألت ناس راكبين التريوس قالو عزمها ضعيف والتسارع فيها وحش جدا ولو شغلت التكييف بيكون اضعف ولو محمل العربية بيكون اشد ضعفا (ممكن تراجع آراء الأخوة بالمنتدى اللي راكبينها)
2-كان في عميل عندي باعها بعد اسبوع وقالي انها مش متزنة في الملفات على سرعة 60 على حسب ما افتكر
3- التيجو اوسع بكتير وده للي عنده اولاد كتير او كبار هيركبوا معاه
لاحظ الكنبة الخلفية في التيجو بترجع للوراء زي الكراسي بالظبط(غير الظهر طبعا)
والله ماقصدي اعيب عليها بس دي كانت دراستي اللي خلتني في الآخر اشتري تيجو 2000 وانا زيك كنت راكب اوتوماتيك ومقدرش ارجع اركب مانيوال بالذات في مصر
والله اعلم
م.ياسر