السلام عليكم
اخواني لا شكر على واجب وانا تحت امركم في اي حاجة
ربنا يجعله في ميزان حسناتنا....آمين
م.ياسر
عرض للطباعة
والله كلام جميل وناس اجمل
اخوكم معاه عربيه اوتوماتيك المانى بدون ذكر ماركات موديل 2006
و من ساعة التيجو ما نزلت عاجبانى اوى بس انا مش خايف من اى حاجه فيها غير من حاجتين علشان اتكل على الله و اركبها
اول حاجه الاوتوماتيك بتاعها ايه ظروفه كويس ولا وحش و بيبوظ ولا ايه و هل هو صينى ولا يابانى
و تانى حاجه ايه ظروف التكييف فى الحر اللى احنا فيه ده
علما بأن قصدى التيجو 2000 سى سى اوتوماتيك
وشكراااااااااااااا
:satelite:
السلام عليكم:
1- التكييف أكيد افضل والحقيقة انه بيبرد جامد
2- الفتيس او اي حاجة تانية فمش ممكن حد يقدر يفيدك لأن العربية لسة جديدة..أقدم حاجة مو2009 هتكون عملة 20000كم بالكتير وده مش مقياس في رأيي
بس الأكيد (أنا معايا العربية ونازل من كوري تقفيل مصري) انك هتحس بفرق جامد في التقفيل وربما في العفشة كمان
لاحظ ان تمنها رخيص بالنسبة للشكل والإمكانيات......والله أعلم
م.ياســــر
النهارده فصصت التيجو ال 1600 مانيوال
و ليا كام سؤال
هو الاكصدام اللي ورا فين؟
طبعا هو موجود في الشنطه بس شكل العربيه مش مطمئن خالص كده
بمعني الخبطات من ورا هتوصل للشاسيه عدل ولا ايه بالظبط؟
الفتيس نقلاته خفيفه و حلوه امال الناس اللي بتقول علي العضات بين النقلات بيتكلمو علي اي اساس؟
هل الدبرياج دواسته تقيله زي ما انا شوفت ولا رجلي الشمال خدت علي دلع الاوتوماتك؟
مفيش اماكن لحامل اكوب للركاب الاماميين هل الموضوع ده لقيتوله حل عملي؟
جراب النضاره شكله ضعيف ولا انا اللي بفتري؟
لون نور التابلوه مش قد كده هل في حد شايف نفس الموضوع ولا انا بس؟
نيجي بقي لشويه حاجات حلوه
العربيه كانت راكنه قصاد تيريوس
التيجو اعرض
قاعده عجل اكبر
مقاس كاوتش اكبر
شكلها احلي شويه من قدام و ورا اللهم باستثناء شكل علامه الاسبيرانزا
بسم الله ما شاء الله علي حجم الفوجات
الكرسي الامامي مريح قوي و بيطلع و ينزل مسافه كويسه جدا جدا
ضهر الكنبه الخلفيه بينزل درجات كتير
التابلوه و ادراج التخزين جميله
الدركسيون مكسي جلد هو و الهاند بريك
مرايات جانبيه عريضه
الكابوت بيفتح بمساعدين (حركه جامده اول مره اشوفها)
و بالمناسبه برضو ليه انا حاسس ان وضعيه سربنتينه التكييف و الرادياتير (بالتبعيه) وضعهم خطر جدا في الخبطات الاماميه البسيطه من غير ديفيندرات؟
بس بجد العربيه حلوه جدا جدا و مظلومه جدا جدا
مهندس ياسر و دكتور امير شكرا على النصائح الغاليه
وياريت لو جد اى حاجه توافونى بيها و شكراااااااااااا
شكرا علي الرد الامين
فعلا نسيت اكتب ان جراب النضاره مبطن بحاجه زي القطيفه(انا فصصت فصصت امبارح كل سنتي فيها)
و فعلا ممكن استخدام حامل الاكواب الخلفي عوضا عن الامامي
بس التيريوس الاكصدام موجود ورا في العربيه مش في باب الشنطه
و لو سمحت احكي باستفاضه عن التويوتا راف دي لأني اساسا معرفهاش و ايه مكونات العربيه التيجو بالتفصيل و الشرح الوافي
انا لو في يوم اشتريت التيجو هكون عميد التيجو في المنتدي
التيجو مظلومه بسبب انها صيني و بتقارن بالولاعات و اللعب الصيني
و ده كان صحيح ايام زمان لما كانو بيعملو لعب بلاستيك للاطفال
بس الصين حاليا بتغزو اسواق و مجالات كتير
و العربيه فعلا حلوه زيها زي باقي العربيات الصيني
باستثناء طبعا الغش التجاري اللي حصل مع العربيه الجيلي زمان
كان لازم اول منتج صيني ينزل يكون متراجع علي كل كبيره و صغيره فيه علشان الانطباعات الاولي
بس معلش ادي التنين الاحمر نفض الغبار ده في السوق المصري و حاز علي اعجاب فئات كتير منه
ياللا يا ملاك التيجو اتكلمو عنها
السلام عليكم:
د.أمير...أنا عاوزك تركب الأوتوماتيك وتفصصها بردو وقولي رأيك فيها...مع احترامي لل1600 لكن الأقرب للنيسان لو نزلت منها انك تركب الأوتوماتيك
وعلى فكرة نور التابلوه بيعلى ويوطى من زرار على شمالك وانت قاعد تحت التابلوه وأعلى حاجة فيه مناسبة جدا لكن النور الأزرق طبيعي بيكون أخف من الأصفر والأبيض والأخضر
م.ياسر
مش الاوتوماتك هيا هيا المانيوال باستثناء فتحه السقف و الجير بوكس؟!!
ولا قصدك اني مش هستريح غير في اوتوماتك
و في دي انا معاك طبعا بس الميزانيه لا تسمح حاليا
ده حتي لو فكرت ابيع الصني و اشتري التيجو ال 1600 الفرق ما بين الاسعار مش معايا حاليا
في تفكير اني اقسط الفرق و اشتري ال 2000 سي سي
بس نرجع لما بعد الاستلام
يعني المصاريف العاديه للعربيه و بصراحه 180 جوه البلد هتكون صعبه عليا لأن مشاويري كتييييييييييير ده طبعا غير مصاريف الترخبص السنويه
انا طبعا مضايق من فكره اني مجبر لو هاشتري تيجو اني اركبها مانيوال