الوقتى جيت اغير مكان العربيه
قالت مش دايره ابداااااااااا
ياترى ايه السبب
عرض للطباعة
الوقتى جيت اغير مكان العربيه
قالت مش دايره ابداااااااااا
ياترى ايه السبب
الاسبب كتير وابسطها البطارية
حدد اعراض
البطاريه جديده
بس بقالها 3 ايام مثلا المارش بيطول معايا معن الاول عشان تدور
تفتكر تكون طرمبة البنزين
قصة انها تطول ليها كذا سبب مش شرط طلمبة
وانت بتدور صوت الموتور عامل اية يعنى بيلف ببطئ ولا عادى ولا تحس ان صوتة مختلف شوية عن المعتاد وتحس زى مايكون فية رجة او دبدة خفيفة
صوته عادى جدا
بس مش بتنطق خالص
يعنى تقريبا مفيش امل انها تدور انا ححاوللت معاها كتير بس خفت ع المارش
ادينى احتمالات
اولا اكشف على وصلات الكهرباء الموبينة والوصلات الخمسة عشان لو واحد فيهم فك مش هتدور ابدا مثلا فى حجات كتير اوى متخلهاش تدور
شيل كابل البوبينه وشوف حارج منها كهربا ولا لا ؟ لو مفيش شرز خارج منها يبقي احتمال حساس الكرنك فصل الكهربا ساعتها بص علي سير الكاتينه .او يكون السبب من البوبينه او المشط بتاعها - ولو كان في شرز خارج فك طرف خرطوم البنزين واتاكد ان الطرمبه شغاله .ربنا معاك يانبيل ولو احتاجت اع حاجه انا في راس البر ونازل دمياط كمان ساعه كلمني
طيب يا راجل حد يبقا معاة البشمهندس فادى بحالة ويسال حد بعدة اذا كنا نحن البحر فهو المحيط كلة
بص هى لو قاطعة بنزين صوت الموتور بيبان بس عايزة ودان مصحصحة مع الموتور شوية , انت بتقول الصوت عادى
ومادام الصوت عادى يبقى نستبعد المارش لأن لو المارش تقيل هتلاقى حركة الموتور تقيلة
الانوار والكلاكس عادى ولا ضعيف؟؟
جرب افصل البطارية ووصلها تانى يمكن تكون تهييسة بس
سير الكاتينة برضة الصوت هيبان
ممكن تجرب حوار الموبينة زى مافادى قال فك اى سلك بوجية وجربة من اى حاجة معدن فى العربية وخلى حد يدور لو سمعت صوت شرز تبقى سليمة
انا متشكر اوى ليكو ياجماعة
وفعلا الباشمهندس فادى كتر خيره رجع من راس البر عليا بعد ماكلمته
وفك الموبينا ومفيش اى شرز خرج منها خالص
فاكيد الموبينا هى السبب
متشكر اوى يافادى باشا مش عارف اقولك ايه
ربنا يخليك ونردهالك بس فى حاجة حلوة طبعا
بكرر شكرى ليك يابو محمد
ازيك ياباشمهندس احمد ....
انا لسه جاي من عنده ,المشكله غالبا في البوبينه ..البوبينه عنده مش زي عندنا مفيش اسبراتير نظام 4 كويلات بيركبوا كبس علي البوجيهات من فوق , شيلتهم وحطيت راس مفك ولمسته لجسم العربيه اثناء الدواره مفيش اي شرز ,انما البطاريه والبوجيهات والمارش والطرمبه كله تمام .ان شاء الله الصبح هيتصل بالكهربائي بتاعه وربنا يوفقه .
لا فهمنى يافادى
لا هى موبينه واحده للبوجيهات كلها
بيقولو عليها مشط
الله ينور يا شباب :36_1_58[1]:
وممكن والله اعلم وانا مش متاكد طبعا يكون مفتاح العربية بتاعك وقع منك والفحماية اللى جواه طارت عشان كدة الكومبيوتر مش راضى يدى امر الدوارة للموتور...والله اعلم وانا مش متأكد اساسا...بس ياريت توضحلنا عربيتك على نظام فحماية واوموبلايزر ولا لأ...
مش سير كاتينه لانه جنزير مش كاوتش وبكده برده يبقي حساس الكرنك سليم ..
لو الفحمه مش متشاله استحاله العربيه تشتغل واالاشاره التشك ح تفضل تنور
حساس كرنك اغلب الظن
ازييك انت ياباشا...والله بفرح لما بلاقيك ترد....انا فعلا لما كنت بحب اخترع فى العربية عندى واشيل الفحماية عشان افرح بنفسى كدة وانا عمال اركبها واشيلها تانى :khd:كنت بلاقيها تدينى فليشر مستمر فعلا......بس المرش يشتغل وخلاص والموتور ولا كأنه موجود...هو عموما الراجل موضحش اى حاجة عن لمبة الاعطال....ولا اساسا كتب موديل العربية ايه ....او يمكن كل ده اتقال وانا بقى اللى حكم السن طلع عليا :36_1_40[1]:
فى اختبار بسيط للتأكد ان كانت بطاريه ضعيفه او حاجه تانيه اثناء مانت بتدور دوس على الكلاكس لو صوته ماظهرش تبقى البطاريه تعيش انت اما فى حاله وجود صوت يبقى استمر فى البحث و ربنا يوفقك .
شكرا ياباشا بس الكلاكس شغال
كشفت كمبيوتر ع العربيه
والحمد لله طلع حساس الكرنك
وهروح بكره لواحد فى المنصورة فادى حبيب قلبى قاللى عليه
اجيب الحساس منه
وربنا يسهل
وربنا يوفقنا جميعا الى الخير
طيب ما انا قلت حساس الكرنك و كلمة و رد غطاها
يالا الحمد لله
مبروك ياباشا والله ينور يا شباب
خير إن شاء الله