ايا كان الراي الشرعي يا اخ محمد انصحك تعوض اهل المتوفي بقدر استطاعتك
عرض للطباعة
ايا كان الراي الشرعي يا اخ محمد انصحك تعوض اهل المتوفي بقدر استطاعتك
بالضبط اخ محمد
ولان يوم القيامه يوم عسير يوم هنبقى فيه محتاجين لكل ذره من خير عملناها فى الدنيا علشان تنقذنا من عذاب جهنم
انت اعمل مايمليه عليك ضميرك حتى لو لم تكن غلطان وحاول تعوض اسره المتوفى باى شئ هو صحيح مش ممكن يعوضهم لكن للاسف هذا مانملكه نحن كبشر والله يتغمد الجميع برحمته
وياريت حمله التبرعات اللى الاخوه اقترحوها تتم وتكون شئ بسيط لاهل المتوفى ايضا لمساعدتهم فى الايام القادمه اللى هتكون اكيد عليهم صعبه جدا
لا حول ولا قوة إلا بالله
دلوقتي يا محمد إلى حصل حصل خلاص مفيش حاجة هترجع بيك لورا عشان تعرف إن في واحد هيقابلك فتخبطه
نصيحة إهدى وصلي على النبي عليه الصلاه والسلام
متقرأش حاجة خالص
الموضوع ده مش بتاعك أصلاً
أنا أفضل إنك تقفل الموضوع ده شوية يعني أسبوع أو إتنين لحد ما دماغك تفوق
واضح إنك متأثر جداً بالحادث حقك ربنا يكون في عونك
بالنسبة لواجبك شرعاً فيكفيك سؤال عالم ثقة تستطيع أن تجعله حجه بينك وبين ربنا يوم القيامة
تقدر تقول أنا سألت فلان وقالي كذا
تشرحله الموضوع بالتفصيل وإلي يقولك عليه أعمله من غير تفكير ومتسمعش حاجة تاني
بالنسبة للمتوفي رحمه الله وغفر له وأسكنه فسيح جناته ده عمره مش مكتوبله أكتر من كده
بالنسبة لأهله شوف إلي يرضي ضميرك إيه وخلاص وبرضه بقولك ضميرك مش كلام حد
وعلى فكرة هترتاح إن شاء الله
الظروف الصعبة إلي زي دية مش عايزة كلام كتير أنصحك أقفل على نفسك شوية هتلاقي الدنيا نورت إن شاء الله
والله بنحبك في الله إنتا راجل محترم نحسبك كذلك ولا نزكي على الله أحداً
اكيد يا جماعة انا مش حسيب اهل المتوفى بس فيه فرق بين الواجب اللى ملزم بيه و المساعدة و انا عايز اعرف ايه اللى ملزم بيه و مسئول عنه يوم القيامة عشان ملاقيش نفسى داخل النار وانا فاهم انى عملت اللى عليا... طبعا دة ملوش دعوة بالترضية اللى ان شاء الله حديها لاهل المتوفى
لما سالت واحد معرفة كان فى السعودية مدة طويلة (هناك بيبطبقوا الدية بالقانون) قاللى ان الديه مبلغ محدد فعلا بس القاتل بيتحمل نسبة حسب خطائة مش المبلغ كله واللا اللى سايق سكران و طلع فوق الرصيف و موت واحد يبقى زى اللى خبط واحد رما نفسه فى وسط الطريق اما الكفارة فهى واجبة على كل من ازهق روح بالخطاء لانها بين العبد و الرب و ليس لاهل المتوفى فيها من شىء
و دة اوضح كتير من الاجابة اللى خدتها من المشيخة لان الرد كان "فى حالة القتل الخطاء فيه كفارة صيام شهرين و فيه دية تقدر ب 35700 جرام فضة اللا اذا اهل المتوفى تراضوا مع القاتل" و الراجل موضحش مين فيهم( الدية و الكفارة) واجب امتى و اذا كان فيه ارتباط بين مين اللى اخطاء و استحقاق الدية من عدمة و كمان مجاوبنيش عن الحكم فى حالة عدم القدرة على دفع مبلغ الدية (احنا بنتكلم فى 445000 جنية يعنى اقل من نص مليون جنية)
عموما الرسول صلى الله عليه و سلم قال "استفتى قلبك" و لقيت ان واجب عليا فعلا اراضى الناس دى لانهم فعلا محتاجين حتى بدون موت الفقيد اصلا و دى حاجة بديهية.. كدة عرفنا ان الترضية واجبة بحكم الضمير
و ربنا سبحانة و تعالى فرض الحج على الناس لكن قال "لمن استطاع اليه سبيلا" يعنى ربنا مبيحملش حد فوق طاقتة حتى فى الفروض يبقى صعب احمل واحد ملوش ذنب 445 الف جنية اما لو شارك بالخطاء يبقى يتحمل نسبة خطائة يعنى لو هو اخطاء بنسبة 50% و الميت اخطاء بنسبة 50% يبقى القاتل يتحمل 50% من الدية و اعتقد دة ابسط مبادىء العدل و دة اللى متطبق فعلا فى السعودية اللى بتطبق شريعة ربنا صح او على الاقل اكتر مننا بكتير
اما لو له ذنب و كان مستهتر او مهمل فا دا قضاء ربنا وواجب النفاذ و عقوبة الاهمال اللى ادى الى ازهاق نفس بدون تعمد الا اذا تراضى مع اهل الميت فا هنا بيسقط حق اهل الميت فى الدية... بنا عدل و مينفعش اساوى السكير بالملتزم... و ان كان ليا تعليق و هو ان دية الفرد فى السعودية 100 الف ريال فقط مش 445 الف جنية
اما عن الكفارة فهى صيام و زى ما احنا عارفين ان الصيام عبادة بين العبد و ربه و ليس لاحد فيها من شىء و بالتالى دى تكفر عن ذنب بين العبد و ربه و فى كل الحالات بيبقى القاتل خطاء ازهق روح فعلا بغض النظر هو كان غلطان ولا لا و بالتالى اعتقد الكفارة واجبة فى كل الاحوال
انا عارف ممكن حد يقول انى بفتى بس انا فعلا دماغى لفت و مبقتش عارف حاجة فى اى حاجة و اعصابى بدات تتعب تانى و حالتى بتسوء مش بتتحسن
محمد حبيبي أولا حمد لله على سلامتك
ثانيا هون على نفسك
ثالثا أنا قولتلك يومها إني حصلي نفس موقفي وصدقني ماحدش حاسس بيك قدي ده أنا كمان كانت المدم والبنات معايا في العربية فا مش قادر أوصفلك الشعور
المهم إقرأ يا محمد الآية رقم 92 من سورة النساء ويا محمد استفتي قلبك وسيبك من الفتي الكثير كلام ربنا سبحانه وتعالى واضح وصريح في الآية إقراها وإنت تعرف اللي ليك واللي عليك ، أنا مشكلتي إن المتوفي كان الله يرحمه مسيحي فكانت القصة أكبر من كده بس الحمد لله ربنا سلم وعدت على خير ولو عايز أي استفسار أنا تحت أمرك .
إهدا كده ووحد الله .
رحمة الله على المتوفي وربنا يصبر اهله..ا/ممدوح اقولك شد حيلك ..شدة وتعدي انشاء الله
اللي فهمته منك ان المرحوم مكانش شايفك و هو بيعدي الشارع يعني تقريبا مكانش باصص وده اهمال منه ومش شايف سبب يخليك تتحمل مسؤلية اهماله .
عموما انت صاحب القرار ولو قررت انك تدي اهله قرشين يعينوهم ف الظروف دي يبقى سعيكم مشكور و ذوق عالي منك,مش اكتر
يا أخي لا بتفتي ولا حاجة
بس أسمع أفصل دلوقتي لحد ما ترتاح
هي الدنيا هتطير لما تصبر شوية
أحنا خبطنا بعربية الشغل واحدة قبل كده موتناها برضه السواق راح للناس بعد شهر
إنتا متصربع على إيه
متصبر لحد ما نسألك على الدية والموضوع ده
مبدئيا إنتا متلخبط في حاجة واضحة جداً
الكفارة سهلة وعرفناها
شهرين متتابعين ودول صومهم في أي وقت بس إعمل حساب طول الفترة عشان ميقطعهمش أيام لازم تفطر فيها أو هيكون من الصعب عليك الصيام زي شهور الصيف مثلاً لو بتفكر تأخرهم أوي
بالنسبة للدية فواضحة برضه
الدية الشرعية (بالنصاب المذكور 35700 جرام فضة) ملزمة في حالة الإستطاعة فقط
في دينك في حاجة إسمها الإستطاعة كما قال الرسول صلى الله عليه وسلم
ما أمرتكم به فأتوا من ما إستطعتم وما نهيتكم عنه فاجتنبوه
فالعجز يسُقط كل واجب
والعجز لا يعني القدرة على الفعل بصعوبة
يعني ميكونش واحد عاجز وأقوله لازم تصلي في المسجد
لكن طبعاً الأمر يختلف لو كان بس مريض وحتى الحالة ديه فيها تفصيل يعني لو مريض والصيام يضره وأصر يصوم في رمضان يأثم تخيل يبقى صيام معصية لقول الله عز وجل "ولا تلقوا بأيديكم إلى التهلكة " المهم
يعني لو قادر على سداد الدية المحدد قدرها شرعاً يبقى لازم تدفعها حتى لو كان الأمر صعب شوية وبقول شوية يعني مش تبيع إلي وراك وإلي قدامك وتقعد على الحديدة
أو
يتبقى لك الأختيار الثاني والواضح برضه في الفتوى وهو
(اللا اذا اهل المتوفى تراضوا مع القاتل)
يعني تبعت حد من طرفك ميكونش المحامي بس عشان ما يفاصلش يعني ممكن والدك عمك أخوك الكبير واحد عارف الإمكانيات ويروح المحامي برضه معاه
يتفقوا ويحاولوا يراضوهم مش مهم بأه كام وصل للنصاب الشرعي المحدد للدية ولا لأ
المهم يكونوا راضيين بس
بس كده أنا وضحت بس وأنصحك برضه تبطل تفكير شوية وتفصل عشان متتجننش وربنا يحفظك ويسترها معاك ومعانا
نسيت أقولك موضوع مين إلى مسئول ده متفكرش فيه كتير
أنا لو مكان هاخد بالأحوط إلي هو إن أنا المسئول بالكامل خد بالك كمان إنك لما هتروح تراضي الناس مش هتقول الكلام بتاع مين مسئول وانا النص وعليكوا النص والكلام ده
وبعدين يا سيدي إبأه إعرف مكانهم بس ومتنساهمش وربنا يديك طولة العمر
Best thing MM is to take things in a time, as there is no rush, also try to relax and don't think about it too much, and ISA everyting will be fine
يا إخواني هناك أمور ينبغي توضيحها فيما يخص الدية ووجوبها : وهي
1. متى تجب الدية
2. علام تجب عند الإعسار .
أولاً : الدية تجب عند العمد والخطأ ، ولا تجب عند خطأ الغير إذا كان معتدياً بخطأه .
يعني لو قتلت شخصاً متعمداً وعفا أهل القتيل عنك وجبت الدية عليك (وهذا حكم غير موجود الآن لأنه يصير حقاً للمجتمع ) لكن لو قتلت شخصاً بالخطأ يجب عليك دية القتيل أو أن يعفوا عنك فلا تدفع الدية .. ومدار الخطأ أن تكون معتدياً بشكل لا يؤدي غالباً إلى القتل ، وفي هذه الحالة مدار اعتداء محمد يتمثل في احتمالات هي : السرعة فوق حد الطريق المسموح ، عدم صيانة السيارة بما يمكنها من التوقف السليم ، عدم اتخاذ مسافة بينه وبين من حوله ، الغفلة أو السرحان المؤقت ... فإذا انتفت كل هذه الحالات فلا خطأ عليه ولا دية .. والذي يحدد مقدار الخطأ هو أنت وحدك يا محمد فأنت الذي عاصرت المسألة وعايشتها كان الله في عونك .
فإذا استقرت نفسك أن لا خطأ من جانبك فلا تقسو على نفسك ، وليكن ما ستدفعه لأهل القتيل من قبيل الإحسان لا التعويض ، ولا تجب عليك في هذه الحالة كفارة أيضاً .
أما لو وجدت نفسك مساهماً في خطأ ما لو كنت قد احترزت منه لما حدثت هذه الفاجعة فتجب عليك الكفارة والدية وجوباً شرعياً .
أما الكفارة فواضحة ، وأما الدية ففيها مسائل :
أولها : أن تكون الدولة قد استقرت على دية لضحايا حوادث الطرق فيما يعرف بالتأمين الإجباري ، وهنا ستقوم شركة التأمين بسداد التعويض ، وقد رأى القرضاوي أن المبالغ المرصودة في هذا المجال ضعيفة ولا تقارب الدية الشرعية ، وهو ما يستوجب بذل الجهد لتعويض أهل القتيل . على حين أكد بعض الفقهاء أن الدية المقررة من قبل الدولة هي الدية الشرعية مهما كانت ( مع العلم أنها في الكويت 20 ألف دينار )
ثانيها : أن يستقر في وجدانك وجوب دفع الدية دون اعتبار جانب الدولة وشركات التأمين ( وهو الأحوط ) ، وهنا نكون أمام مسألتين هما :
الإيسار : حيث الدية المقررة في القتل الخطأ على لسان دار الإفتاء المصرية تقدر بحوالي 480 ألف جنيه مصري ، فإن استطعت سدادها فبها ونعمت .
الإعسار : حيث لا تستطيع سداد الدية وهنا تجب على العائلة من العصبات أي أقارب الوالد دون الأم ، فإن أعسروا تجب على بيت المال ، ورأى بعض الفقهاء المحدثين أنه يجوز تلقي زكاة المال في دية القتل الخطأ للمعسر حيث يصير من الغارمين .
ثالثها : أن تطلب من أهل المقتول العفو عن الدية ، ولا تدخل المساومات في هذا الأمر فإن عفوا عنك فادفع لهم ما تيسر لك ، وإن لم يعفوا فاسعى إلى سداد الدية بطريق من الطرق سالفة الذكر ..
الخلاصة :
انت غير مخطئ أمام نفسك وأمام الله تعالى وبحكم المحكمة .. فلا شيء عليك ، وما ستدفعه محض فضل منك .
انت مخطئ بأي شكل من الأشكال : عليك الكفارة وينبغي الدفع ، سواء كان منك أو عاونك أهلك من العصبات أو تلقيت أموال الزكاة .
أو تطلب العفو منهم فإن عفوا عنك فلا شيء عليك وما تجود به يصير محض فضل لا حق .
تقبل خالص مودتي .. وأنا تحت أمرك في أي استفسار أو سؤال
ربنا يكفك كربة
ويرحم المتوفى
أولا حمد لله على السلامة و ربنا يسترها معانا كلنا
ثانيا اقرا الفتاوى التالية للشيخ بن باز وهو مفتي المملكة السابق و لم يختلف عليه اثنين رحمه الله كذلك نحسبه و الله حسيبه:
http://www.binbaz.org.sa/mat/3164
http://www.binbaz.org.sa/mat/11902
http://www.binbaz.org.sa/mat/11941
أسال الله أن ينفعك بهذه الفتاوى و أن يغفر للميت و يرحمه و جميع موتي المسلمين أمين
مبررررررررررررررررررررررر رررررررروك
محمد يا حبيبي
الحمد لله رب العالمين
لو اجتمع الانس و الجن علي ان يضروك بشئ لن يضروك الا بشئ قد كتبه الله عليك
الحمد لله رب العالمين
و قدر الله و ما شاء فعل
ان شاء الله كل حاجه تمر علي خير و ننسي الموقف و نتعلم الدرس و ربنا يجعل كل ده في ميزان حسناتك
فى جزئية مهمة محتاجين نعرفها ومفيش غير ممدوح اللى يقدر يقلهالنا سرعتك كانت كام تقريباً؟؟؟؟
أنا أسف و الله يا جماعه لسه شايف الموضوع دلوقتى
ألف سلامه عليك يا أستاذ محمد و ربنا يصبر أهل المتوفى و يسكنه فسيح جناته
المهم حاول تهدى كده و ان شاء الله الموضوع يعدى
و متنساش ان اللى ربنا عايزه هوه اللى هيكون
حاول تقرب من ربنا يا محمد فى الفتره دى على قد ما تقدر
ربنا يصبر أهل المتوفى
ربنا يقدرك على فعل الصواب
لا حول و لا قوة إلا بالله
ربنا يرحم المتوفى و يفك كربك يا محمد إن شاء الله
معلش لسا شايف الموضوع دلوقتى
فى انتظار السرعة ؟؟؟؟:confused::confused:
قدر الله وماشاء فعل
انا لسة عارف الموضوع دلوقت
ربنا يرحم المتوفى ويصبر اهله
وربنا يعفو عنك ويفرج كربك يا استاذ محمد ممدوح
نصيحه من اخ في الله
مع كامل احترامي وتقديري لآراء جميع الاخوه مشكورين
رجاء التوجه الي دار الافتاء بصلاح سالم وان تروي لهم ظروف الحادث بمنتهي الدقة والصراحة وتوضح لهم حالتك المالية من حيث استطاعتك دفع الدية او جزء منها وهما ح يعطونك الفتوي النهائيه لأن الفتوي لازم تكون عن كل حالة حسب الظروف المحيطة بها لو مش قادر تروح ممكن تتصل بهم علي تليفون 107 من التليفون العادي دة رقم خاص بالفتاوي وسوف تتلقي الرد مسجل علي نفس الرقم بعد حوالي ساعتين او ثلاثة
لكن الأفضل تروح بنفسك وتقابل احد المسئولين عن الفتوي لأنه سوف يعطيك الرأي يعطيك نصائح قد تفيدك عن كيفية الاسغفار والتوبه والكفارة سواء بالإطعام او الصيام وما إلي ذلك ارجو ان تذهب ولا تتكاسل اعتقد ان الموضوع يستحق
والله أعلي وأعلم
ربنا معاك
لو فيه اي حاجة اقدر اقوم بيها انا علي اتم استعداد موبايل 0127381090
آ سف ... كفارة القتل الخطأ لا يوجد بها إطعام .. لذا وجد التصحيح
الف حمد الله على السلامة يا محمد وربنا يصبر اهل المتوفي ....
حمدالله على سلامتك يا محمد وربنا يعينك على ما بلاك به, للاسف انا لسة عارف دلوقتى ومحدش بلغنى من الاخوة , لو محتاج اى شىء انا معاك انت راجل افضالك على الجميع
الناس بترد بشكل عام و ليس له علاقة بالواقع... الراجل بيقول ان الدية 4250 جرام دهب او 35700 جرام فضة يعنى بتاع 445 الف جنية!!!!!!!
و لما سالت اللى معندوش مقدرة قال عندك براح 3 سنوات تدفع.... يعنى اسرق كل شهر 15 الف جنية عشان ادفع الدية؟؟؟... مع احترامى الشديد الناس دى بتالف لان الله لا يكلف نفسا الا وسعها و ربنا حتى فى الفريضة قال "لمن استطاع اليه سبيلا" مش اسرق عشان تحج... انا مرتبى ميجيش 1/8 المبلغ دة
وبعدين محدش علق على نسبة الخطاء اللى ذكرتها فى السؤال و انا متاكد انها من الحاجات اللى بتفرق لان كدة حيبقى المهمل زى الحريص و السكران زى الفايق و اللى طلع برة الطريق و موت الناس على الرصيف زى اللى ماشى فى امان الله و المصايب بتتحدف علية.. و لاكلام دة مطبق فى السعودية بالطريقة دى
MMamdouh
سوري يا مان على اللي حصل دة
يلا ولا يهمك
الله يعوض أهل المتوفي إن شاء الله ويغفرلك
كان نفسي أكون جنبك بس كفاية الناس اللي شايفهم بيرودو مشاء الله
إنت كدا تترشح لمجلس الشعب وانت مطمئن
:):)
Thanks
Eng.Sherif Shaker
thank you for your support
MMamdouh
نص مليون ايه بس دا الموضوع دا لو اتعرف هانلاقي الناس بتترمى علينا واحنا سايقين ومش هانخلص..وبعدين ف الاول و الاخر الاسفلت دا معمول للعربيات مش للبني ادمين يعني لازم الي عاوز يعدي دا يصحصح كدا فبل ما يعدي..
مسالة السرعة دي مش مقياس يعني ممكن يطخبط على 60 ويموت وعلى 160 ويموت برضه
وبعدين ما الحكومة بتركب الناس اتوبيسات و قطارات متكهنه ولما بيموتو بيدوهم الفين جنيه ..نيجي احنا نقول نص مليون?
انا بصراحة وانا بأقرأ الموضوع ده على مدار الأيام السابقة خطرت ببالي ان هايكون ايه الموقف لو الشخص اللي مات كان قاصد ينتحر ... طبعا الوحد مش راح يقرأ افكار اللي موته علشان يعرف انه كان عايز ينتحر ولا الموضوع قضاء وقدر ... علشان كده انا مش عايز المهندس محمد ممدوح يحمل نفسه اكتر من المستطاع لان في وجهة نظري ومن ملابسات الحادث كما شرحها المهندس ممدوح ان الشخص المتوفي كان من الاهمال والتهور الى درجة تقترب من الانتحار ... والله اعلم
أنا اتخبطت بعربية و أنا بعدى كوبى أكتوبر و كنت فى تانية ابتدائى تقريبا و القصة اننا كنا ساكنين مؤقتا فى المهنسين علشان تجديد شقة لأظوغلى، المهم غبت فترة عن مدرستى فى المبتديان و خالى وصلنى فى يوم و مشى، دخلت لقيت المدرسة أجازة علشان امتحانات أخر السنة و يعد ساعتين زهقت و طلعت فى دماغى أروح مشى و مكنتش مدرك ان المسافة بعيدة و مشيت فى نفس خط سير العربية و هى جاية من المهندسين و طلعت كوبرى أكتوبر و جيت عند مركز شباب الجزيرة و عاوز أعدى.
عاوز أشارككم فى احساسى ساعتها، أنا أصلا من النوع اللى بعدى الشارع بسرعة و مابتهورش و بصبر قوى لغاية ما يروق و أعدى جرى تقريبا،لكن تعدية الطرق السريعة حاجة تانية خالص، الواحد بيبقى مش مجمع كل احداثيات الطريق و و الله كنت شايف العربية جاية عليا و عارف انها هتخبطنى بس كأنى مش متحكم فى جسمى و باجرى عليها علشان اتخبط، لأن ساعتها كل اللى فى ذهنى فكرة الجرى.
بأمانة ربنا السواق مكنش ليه ذنب لأننا لو جبنا مليون واحد يعمل العملة دى و يعدى قدامه مكنوش هيعدوا لأن لاالكوبرى و لا سرعته يسمحوا له بأى تصرف غير انه يخبط، و الغريب انى كنت عارف كده قبل ما أعدى + انى اصلا حريص، لكن النصيب لازم يوصل صاحبه.
أنا كل ما افتكر الموقف ده أسأل نفسى ازاى انا فكرت كده، بس للأسف السؤال ده بييجى بعد مش قبل.
معتز دلوقتى عالمحور للى عاوز يتابع بيكلم عن حادثة هامر فطلعت حرب دمرت شاهين وقتلت سائقها على سرعة 160 وراكب اذربيجانى حصله كسر فقاع الجمجمة وقائدة الهامر كانت واخدة مواد مخدرة والتاكسي انسحق تحت الهامر زى الكانز بالزبط
البقاء لله
استاذ ممدوح انا والله لسا شايف الموضوع دااا دلوقتى ومش عارف اقولك ايه بس ان شاء الله ربنا يصبرك ويعديك من الازمة اللى انتا فيها ويفرجها عليك ويحليهالك ان شاء الله
والله يا جماعة انا جدا اسف على تاخرى حتى الان ولكن عزائى هو انشغالى الشديد ولم انظر على المنتدى العام من فترة لا تؤاخذونى ....ربنا يرحم المتوفى ويفك كرب المهندس محمد ممدوح وليعلم انه لا مفر من القدر وأمر الله نافذ لا محالة
اخي ممدوح يقول اللة سبحانة وتعالى <لكل اجل كتب> ويقول الرسول <ص> ان اجتمعت الامة على ان يضروك بشيء ما ضروك بشيء لم يكتبة اللة لك > اخي ردودك في هدا المنتدى ان دلت على شيء فانما تدل على السلوك القويم و حسن التربية.......... ومما لاشك فية انت لم تكن متعمدا ولا جدال <من واقع ملابسات الحادث> انك لم تكن مخطئا ..............فعد لحياتك اخي الكريم فلديك من هم بحاجة الى وقتك و اهتمامك وليكن معلوما لديك ان اللة عليم حكيم و بيدة اجال العبيد جميعا وليس بيدنا من الامر الا الحمد و الشكر .................................................. .........تحياتي.............اخوك د/امير
ولا تهنوا ولا تحزنوا وأنتم الأعلون إن كنتم مؤمنين* إن يمسسكم قرحٌ فقد مس القوم قرحٌ مثله وتلك الأيام نداولها بين الناس"
بفضل الله تعالى خلص الموضوع بغرامة 200 جنية و انتهت القصة بحمد الله
اللهم انى احمدك و اشكر فضلك
MMamdouh
يااااااااه
ده أنا كنت نسيت ..
مبروك يا محمد .. ربنا يعافيك و يعافينا من مفاجات الطريق
و يرحم المتوفي . و يرزق اهله الصبر و السكينة .
الف مبروك ان ربنا فك كربك يا استاذ محمد
bemo,ire