عذرا دلونى كيف انزل الصور
عرض للطباعة
عذرا دلونى كيف انزل الصور
السلام عليكم و رحمة الله و بركاته انا لسه مركب غاز في عربيتي اوبترا و حتي الان مش حاسس اي فرق في السحب الحاجه الوحيده الي انا مضايق بسببها هي ان العربيه و طين من الخلف حوالي 3 سم و ده محشني في المطبات ان معدش في عافشه من الخلف انا كنت عوز اسأل عن ياي الغاز كان احد المشاركين تكلم عنه بس معلش انا بكتب من التليفون و مش عارف ارجع كل ده تاني عشان اعرف الاسم و استفسر منه لو اي احد يعلم سئ عن هذا الياي يا ؤيت يفيدني وده يكب لأى عربيه و لا كل عربيه ليها ياي غاز غير التانيه
يا ريت الافاده يا جماعه عشان احل الموضوع قبل ما العفشه يجرى فيها حاجه خ
بعيد عن الكلام في المشاكل الميكانيكيه من عدمها وموضوع العفشه ده كمان ولا ضيق الشنطه لكن انا شايف ان الغاز مش عملي في الملاكي. ليه؟
أولا اسطوانه الغاز مش بتعمل كيلومتر كتير وهتحتاج تمون في مسافات أقصر. أسمع تقريبا الاسطوانه بتعمل 100-150 كيلو بس وده لما تحطه مقابل الوقت اللي بتقفه في طابور مع بتوع التاكسي في المحطه يبقى مش مشتاهل بصراحه.
ثانيا. الغاز مش منتشر في الاقاليم وأعتقد كتير مننا حتى لو من سكان القاهره بيضطر يروح مشاوير في المحافظات خصوصا في مناسبات أفراح او عزا وفي الحاله دي مش هيلاقي الغاز متوفر بكثره زي القاهره لأن عدد المحطات اللي فيها غاز قليل جدا ممكن يبقى محطه واحده في المدينه كلها.
الغاز فعلا حل مثالي لبتوع التاكسي عشان بيوفر معاهم جامد بما انهم بيمشو بالعربيه اكتر مننا بكتير وبرضه حركتهم دايما جوه القاهره فالغاز متوفر دايما حواليهم في كل مكان.
سيدي الفاضل بعيد عن الكلام في المشاكل الميكانيكيه من عدمها وموضوع العفشه ولا ضيق الشنطه :
اولا بالنسبه لموضوع الطوابير احب اقول لسعادتك ان الموضوع مش بياخد مني اكتر من خمسة دقائق فقط لا غير و لو مستعجل اوي و محتاج للوقت ده البنزين موجود متلاغاش .
ثانيا بالنسبه لموضوع ال km و التوفير انا الاسطوانه بتعمل معايه 170 km و غير بقا اني كنت مخصص من راتبي الشهري 600 جنيه للبنزين حاليا اطراوح بين 150 الي 200 جنيه بالكتير (هناك فرق)
ثالثا بالنسبه لموضوع الاقاليم انا شخصيا مش بحضر فرح او اي مناسبه كل اسبوع خارج القاهره و لو حصل يا سيدي الفاضل ارجع و اقول البنزين ما زال موجود دا غير اني فعلا مش تعبان في موضوع التموين ده خالص الي فعلا مزعلني هبوط العربيه من الخلف
و بعدين انا مش معايه عربيه صغيره دى اوبترا 2010 و اوتوماتيك يعني اكيد عملت سرفاي رهيب قبل ماخذ الخطوه دي و النظام الجديد بتاع الانجيكشن الي في الغاز ده مش محسسني بفرق تماما في السحب و صوت المتور زي ما هوه .
طبعا حضرتك ادرى مني عشان انت عندك عربيه غاز بس انا بتكلم بشكل عام لكن حضرتك اتكلمت بشكل خاص ولو هتكلم بشكل خاص هقولك اني ركبت عربيه شغاله غاز في مشوار كان 100 كيلو واحنا راجعين السواق قال لازم يمون عشان الاسطوانه مش هتكمل مشوار الرجوع وفعلا مونا في نص المسافه ووقفنا حوالي نص ساعه في طابور مع التاكسيات لحد ما خلصنا.
ولو اتكلمت عن اكتوبر أنا اعرف محطتين داخل اكتوبر و3 محطات على الطريق بين اكتوبر و الشيخ زايد ومن ال 5 دول واحده بس اللي فيها غاز وبلاقي دايما فيها تاكسيات عامله طابور. وبناء على معرفتي بالغربيه والمنوفيه برضه محطات الغاز قليله جدا مقارنه بالبنزين.
من الاخر اللي مش بيمشي كتير هيبقى الموضوع مش مستاهل التحويل واللي بيمشي كتير يعمل حسابه ان مرات تردده على محطات التموين هتكون 3 أضعاف البنزين ويكون عنده محطه غاز قريبه من البيت ومحطه قريبه من الشغل لزوم الطواريء وفي المقابل فعلا هيوفر كتير ماديا.