مساعده من كل مالكى ساجا

**sameh73eg** · 13-03-2010 01:07 AM

انا معى اكسنت 1998 1500 سى سى كامله وكنت عاوز اجيب عربية زيرو فكرت فى الفيرنا بس كتير قالولى مافيش فارق بين عربيتك والفيرنا ده يمكن عربيتى سبتها احسن من الفيرنا وكمان فكرت فى اللوجان والعربيات الصينى زى
byd f3 -jac b class
وبعدين قلت ابص على الساجا شكله عجبنى ياريات تقلوى هل التغير اليه كويس والا اشوف حاجه من الى انا كاتبها وانا عارف مدى حيادتكم فى الحكم على هذه السيارات

**Abo.Mayyam** · 13-03-2010 01:23 AM

رايى المتواضع لو هتجيب زيرو فى الفئة ديه هات يا لوجان يا ساجا

عشان بيتميزو بالأتى:

-وسع داخلى تحفة
-شنطة بحر
-موتور محترم
-ثبات كويس جدا
-عاليين عن الأرض
-إيرباج للسائق

وربنا يوفقك للخير إن شاء الله

**powerofhelll** · 13-03-2010 01:23 AM

العربيه الساجا ممتازه جدا عن تجربه اكثر من شهر
لو انت من الاسكندريه ممكن تنقابل و تجربها بنفسك

**sameh73eg** · 13-03-2010 01:43 AM

الف شكر لكم جميعا بس انا للاسف مش من الاسكندريه وطبع يشرفنى انى اكون منها بس لى سؤال اخر اخبر قطع الغيار اليه

**mahmoud_magdy** · 13-03-2010 07:31 AM

اولا
ربنا يدلك على اللي فيه خير ان شاء الله
ثانيا عندي سؤال
حضرتك محتاج حاجه اكبر من الاكسنت ولا في نفس فئتها تقريبا ؟
اعتقد ان المساحه الداخليه متقاربه بشكل كبير
لو مش محتاجها يبقى يا ساجا يا لوجان بدون تحيز
الساجا افضلها علشان الموتور احدث ثباتها كويس جدااا
شكلها حلو وعاجبني واخيرا الكماليات فيها اكتر
بس كدا

**sameh73eg** · 13-03-2010 10:22 AM

المشاركة الأصلية كتبت بواسطة musiccairo

اولا
ربنا يدلك على اللي فيه خير ان شاء الله
ثانيا عندي سؤال
حضرتك محتاج حاجه اكبر من الاكسنت ولا في نفس فئتها تقريبا ؟
اعتقد ان المساحه الداخليه متقاربه بشكل كبير
لو مش محتاجها يبقى يا ساجا يا لوجان بدون تحيز
الساجا افضلها علشان الموتور احدث ثباتها كويس جدااا
شكلها حلو وعاجبني واخيرا الكماليات فيها اكتر
بس كدا

الف شكر على الاهتمام انا بالفعل رحة عند المصريه وشفة اللوجان شكلها كويس وكمان لاقيت ان الشنطه بتاعتها اكبر من عربيتى الاكسنت وكمان عليه وكان نفسى اشوف الساجا بس ماكنتش عندهم فلو سمح ممكن تقلى الاقى السجا فين على شان اشوفها

**mohamed1979** · 13-03-2010 11:04 AM

ممكن يا باشا تتفرج عليها عند عز العرب فى الحى السابع

**homos99** · 13-03-2010 10:18 PM

انته منين يا باشا الاول ,,,عالعموم فيه معرض فى شارع مطار الماظة وانته رايح طريق السويس من عند السوبر جيت اللى فى الماظة وبعد محل كار جو بتاع اكسسوارات العربيات لو تعرفه,,, فيه الساجا واللوجان واقفين جنب بعض وممكن تشوف فيه معرض فى شارع الطيران امام التأمين الصحى مدينة نصر مباشرة الناحية التانية,,,ومن رأي لو مش هتفرق معاك الشنطة بتاعت اللوجان وكمان التوكيل توكل على الله الساجا تحفة تحفة تحفة ولا قول بعد ذلك....

**momopersona** · 13-03-2010 11:15 PM

يا باشا انا رأيى خليك فى byd f3
عشان العربيه دى بجد محترمه جدا
عفشه تويوتا وموتور ميتسوبيشى زى اللى كان راكب فى الواجا القديمه
قطع غيار العفشه والفرامل كلها تويوتا وقطع غيار حوض الموتور ميتسوبيشى ونفسها زى الواجا 2005 و06
واسعه جدا من جوه نفس تصميم ووسع الكورولا القديمه
وانتشرت جدا بدون اى دعايه زى بروتون كده وده دليل على جودتها
وسعرها 62 الف جنيه بس وتوكيل الامل كويس

يليها فى التفكير الساجا الجميله
يليها اللوجان
وطبعا القرار ليك وااسف يا بروتوناويه لكن البى واى دى عجبتنى اوى لما ركبتها

**alf2boshra** · 14-03-2010 12:07 AM

آدي الكلام اللي يلخبطنا ويأثر على قرارات الشراء أولا الإف ثري التوكيل رفع سعر الكامله منها تقريبا من ألفين لأربع تلاف جنيه (( بصراحه ماعرفش كام بالتحديد لكن الكلام مؤكد ومن هنا )) وثانيا برضه مش هتستلم دلوقت لأن اللي على خط الانتاج او التجميع دلوقت هي البيسك فتقريبا مش هيجمع الكامله الا بعد اربع خمس شهور وبرضه البيسك رفع سعرها وعلى ما يجي يجمع الكامله ممكن يقولك ان فيه زياده تاني =وهاقول ثالثا في الآخر
يا باشا انا رأيى خليك فى byd f3 عشان العربيه دى بجد محترمه جدا عفشه تويوتا
(( هي شبه التويوتا ))
وموتور ميتسوبيشى زى اللى كان راكب فى الواجا القديمه
(( برضه لأ اللي في الاف ثري بيتصنع في الصين ))
قطع غيار العفشه والفرامل كلها تويوتا
(( تقريبا شبه اللي بتركب في التويوتا ومش كل حاجه ))
وقطع غيار حوض الموتور ميتسوبيشى ونفسها زى الواجا 2005 و06
(( تاني برضه لأ لأن اللي في الاف ثري بيتصنع في الصين )) واسعه جدا من جوه نفس تصميم ووسع الكورولا القديمه وانتشرت جدا بدون اى دعايه زى بروتون كده
واسعه تمام وانتشرت بدون دعايه تمام
وده دليل على جودتها وسعرها 62 الف جنيه بس
حضرتك قصدك كانت بالسعر ده
وتوكيل الامل كويس
طبعا كويس لأنه بيعرف بجد ازاي يعوق انتشار العربية أنا بجد كنت بافكر فيها لكن
يليها فى التفكير الساجا الجميله
وثالثاً رسيت الامور ع الساجا لأني واثق إنها هتكون معمرة أكثر وموضوع اعادة البيع غالبا هيكون الأفضل الساجا
يليها اللوجان
مافتكرش ان اللوجان كعربيه معفاه م الجمارك تتباع بالسعر ده كتيييييييييييييييير
وطبعا القرار ليك وااسف يا بروتوناويه لكن البى واى دى عجبتنى اوى لما ركبتها
وانا كمان باعتذر لملاك الإف ثري بجد كان نفسي فيها لأن الأوبشن فيها اعلى وتشبه للتويوتا لكن خايف متعمرش معايا ..خايف متعمرش معايا ..خايف متعمرش معايا .. باركولي هاجيب الساجا يابروتوناويه .. حد زعلان ؟

الموضوع: مساعده من كل مالكى ساجا

LinkBack

أدوات الموضوع

عرض

-

-

-

-

-

المواضيع المتشابهه

مساعده من مالكى الفاروميو.

مساعده عاجله من مالكى الاونو والفيات عموما

مساعده لكل مالكى السيارات الصينيه

مساعده فى ريس ملوش ملف فى المرور !!؟ مساعده ضرووورى

مساعده من مالكى فيات سيينا

الكلمات الدلالية لهذا الموضوع

المفضلات

المفضلات

ضوابط المشاركة