عاوز اركب باور فى الفيس بتاع العربيه بيجو 304
بس هو ينفع ولا لا؟
ولو ينفع ممكن الواحد يعمله بزرار يعنى يشتغل طول منا فى المدينه ولما اجى اسافر اقفله عشان التحكم فى العربيه على السرعات؟
الكلام ده ممكن ولا انا بحلم وانا صاحى
رقم العضوية : 10438
تاريخ التسجيل : 10May2008
المشاركات : 175
النوع : ذكر
الاقامة : جيزة
السيارة: لايوجد
السيارة[2]: بيجو304
دراجة بخارية: لا يوجد
الحالة :
رقم العضوية : 8654
تاريخ التسجيل : 09Apr2008
المشاركات : 1,736
النوع : ذكر
الاقامة : Cairo
السيارة: بعد الملكة ما فيش عربيات
السيارة[2]: Toyota corolla 94
دراجة بخارية: لا
الحالة :
كل شىء ممكن عربيتك ما كانش بينزل لها باور فانت هاتشوف علبة الدركسيون بتاعتك و ابعادها و تثبيتها فى الشاسيه و هاتشوف علبة زيها باور و ابعادها مناسبة و غالبا هاتلاقى اليابانى تويوتا او متسوبيشى و هاتجيب معاها خراطيم الباور و الخزان و الطرمبة هاتقد بقا تفتكس للطرمبة طريقة عشان تدور من الموتور بسير ما اعرفش ديه بقا هاتعملها ازاى طبعا الكلام ده ينطبق تحت بند صنايعية بتفهم و رايقة قوى و مصاريف و تجارب و لف ده لو حضرتك فاضى
اما موضوع الزرار ده هوا الحلم و انت صاحى لان الباور فكرته الاساسية ان سير الطرمبة داير على طول مع الموتور و الطرمبة شغالة لو ما بتستخدمش الدركسيون فيه بلف بيفتح للزيت يرجع للخزان لو هاتستخدم الدركسيون دايرة الزيت تتقفل و تشغل البارات و العلبة و العربية تلف مع السرعات العالية ضغط الزيت بيتم التحكم فيه شوية عشان العربية ما يبقاش دركسيونها خفيف فمفيش زرار الموضوع كله ميكانيكى و التحكم فيه نسبى
بس فيه علب دركسيون للبى ام و المرسيدس بتلغى الباور خالص على السرعات العالية عن طريق تحكم الكترونى و ماتور كهربا فى عامود الدركسيون و فلم و طبعا لو دورت عليى واحدة فيهم ممكن تكون بتمن العربية
و بعدين انت متضايق ليه من دركسيونها عيا مش لادة البيجو علب الدركسيون بتاعتها كويسة و مش مقرفة اوى كده الا لو عندك مشكلة فى العلبة هاتضايقك فصلحها احسن او هات علبة جيدة
اتمنى اكون افدتك
رقم العضوية : 10438
تاريخ التسجيل : 10May2008
المشاركات : 175
النوع : ذكر
الاقامة : جيزة
السيارة: لايوجد
السيارة[2]: بيجو304
دراجة بخارية: لا يوجد
الحالة :
متشكر جدا جدا لحضرتك وربنا يجعله فى ميزان حسناتك
لانك فهمتنى الباور بيشتغل ازاى
المفضلات