محتار فى اختيار هاتف محمول
السلام عليكم ورحمه الله وبركاته
عاوز اجيب موبايل جديد فمحتار اجيب من هنا ولا من السعوديه لانى ان شاء الله كام يوم وهسافر السعوديه لمده وراجع تانى ان شاء الله فهل اسعار السعوديه وجوده المنتجات هناك احسن من عندنا
شوفت بعض الموبايلات و محتار فى الاختيار بينهم
nokia n97
Nokia N97
عجبنى ده بس لما دورت على المشاكل بتاعته لقيت انه فى مشاكل منها ان غطا العدسه بيجرحها وعيوب تانيه
اما
nokia n900
Nokia N900
برضه عجبنى بس لاحظت انه نازل بنظام تشغيل اعتقد انه تجريبي لان نوكيا اول مره تنزل جهاز بنظام تشغيل معتمد على لينكس وكمان كنت سمعت ان مفيش منه كي بورد عربي لحد دلوقت
وكمان nokia 97 mini
Nokia N97 mini
الجهاز ده جديد والمفروض انه نازل علشان يعالج عيوب اخوه الاكبر n97 بس لسه مش بقاله كتير فى السوق ومتعرفش هل فيه مشاكل زى اخوه ولا لا
وبره النوكيا الاجهزة دى عجبتنى
SonyEricsson Satio (Idou)
Samsung S8000 Jet
Samsung S8300 UltraTOUCH
رأيكم ايه عاوز اجيب جهاز مفيش فيه مشاكل لان مش ليا خلق فى المرواح والمجى على مراكز الخدمه وكمان ايهما افضل اشترى من مصر ولا من السعوديه
وهل فى فرق جوده بين الاجهزة اللى فى السعوديه وهنا