الموضوع: تويوتا توكيل محترم

المشاركة الأصلية كتبت بواسطة hazem_khidr

لو كان عيب كان زمانه ظهر من زمان و اتعرف لان العربيه داخله علي سنتين في السوق .
ممكن يكون سؤ استعمال للدبرياج و مع الزحمه و الوقوف كتير بتضطر انك تضغط علي الدبرياج بكثره و غير كده دبرياجها عالي فبطضر انك تحمل كتير علي الاسطوانه

مش كلام واقعى ان الاسطوانه تبوظ بعد 6000 كيلو حتى لو كان لسه بيتعلم السواقه
انا طبعا مش بعيب فى الصناعه اليبانى بس ممكن يكون عيب تصنيع فى بعض الموديلات وده شئ وارد فى كل شركات الدنيا

يا جماعة الدبرياج عندى فعلا عيب صناعة انا مستلم العربية كده او على الاقل باظ خلال الالف كيلو الاولى لانى فاكر انى اشتكيت منه فى صيانة الالف بس يومها كان رمضان وكان الوقت ضيق فالمهندس قالى لا كله تمام ومش عارف ايه المهم مشيت ومفضتش اروح إلا على صيانة ال 5000 كم وقلت للمهندس تانى على الدبرياج قالى هكشف عليه وبعد ماكشف قالى البلية بايظة فقلتله ان انا قلت كده فى صيانة الالف قالى معلش يظهر المهندس ساعتها كان مستعجل وانت عارف وقت رمضان ضيق ومش عارف ايه وقالى ان الطقم حاليا غير متوفر وكلمنى خلال اسبوع يكون جه اتصلت فعلا بعد اسبوع قالى لسه خلينا بعد العيد ومن ساعتها وانا عندى امتحانات ومش فاضى اتصل واروح
يعنى من الاخر الدبرياج البايظ كان عيب صناعة والشركة معترفة بذلك وهتغيره بالكامل مجانا فى الضمان ودى فايدة الضمان حتى لو شارى تويوتا يعنى لو كانت خليجى كنت ابقى فى الباى باى