معلش انا لسه تلميذ
عرض للطباعة
ربنا يسترها علينا وعليكو
الموضوع ده مهم جداً...
واحد راجل كبير كان راكب مرسيدس200 ومش فاتح المريات و عمال يرمى عليه و أنا مرعوب ألمسه و شغال كلاكسات...
و كنت عاوز فى الإشارة أنزل أتحايل عليه يفتح المراية.....:120146b
أنا العربية عندى على الرغم من أنة بفضل الله جديدة لكن أشتريت مراية صالون كبيرة وعريضة علشان أشوف كل الللى ورايا خاصة المنطقة المعتمة على الرغم أنها طبعا مش لايقة على العربية قوى بس مش مشكلة أهم حاجة عندى الرؤية الخلفية مع الجانبية مع الآمان بأذن الله
بس بصراحة مش بحب أفتح المراية اللى على اليمين لعدة أسباب منها :
أولا الرؤية منها بتبقى مش مريحة قوى مش عملية وفيها بعض التشتيت للقيادة أنك بتبص على كذا مراية . فالآحسن والآريح مراية النصف الكبيرة والشمال
ثانيا بحس دائما أنها معرضة للكسر من كل اللى على يمينى
فعلشان كدة بقفلها وأستخدم اللى فى النصف مع الشمال
ودول أهم حاجة
وربنا يسترها علينا جميعا
اولا المرايات الجانبية اهم و هيا الى بتبين السواق الصح مراية الصالون ملهاش لازمة اوى غير انك تتابع الطريق وراك و تزبط فرملتك عشان الى وراك ميلبسش فيك و ال3 مرايات لازم تزبطهم بحيث انك تبقى شايف الطريق كلة من اقصى اليمين لاقصى اليسار! و فى موضوع بيتكلم عن زبط المرايات فى المنتدى و فى طريقة حلوة لزبطهم عجبتنى :)
و انا ماشى بقى فى الطريق بشوف العجب والله :) ناس راكبين عربيات محترمة و حاطين مرايات الميكروباصات العريضة بستحرم والله و الا بقى الى قافل اليمين او الشمال و اليمين معرفش بيمشو ازاى دول!
بفكر والله نعمل حملة باسم ( افتح مرايتك ) :) هههههه
او تيجى جنب واحد فى الطريق قافل مرايتة و تروح فاتحالة :) بس يا ريت منتشتمش :)
استحاله اقدر اسوق من غير مرايات
في يوم من الايام مشيت ورا واحد قافل المرايه اليمين
جيت جمبه وقلتله
بعد اذنك يا عمو افتح المرايه هههههههههههه
انا بتغاظ من بتوع التاكاسي بقفله المرايات ليه؟َََ
والله لو الواحد نازل من بيتو وهايمشى لشغله علطول من غير مايخش شمال ولا يمين يبقى المريات ملهاش لازمة.
طبعا انا بهزر واهم مريات اليمين و الشمال و بعد كدة مراية الصالون
بصوا بقى ....
في أغلب الأحيان إللي مطبق مرايات الجنب بيبقى 90% واحدة ست ( أو بنت ) مع إحترامي لهن جميعاً ..
أصل كفاية عليهن مراية البيت ..
أنا ماقدرش أسوق من غير ال3 مرايات بل بالعكس ضفت واحدة رابعة وعالجت لي ال dead erea وكنت عملت موضوع بهذا الشأن ..
وهي مرأة ب 5 جنيه ( baby view ) وقد وضعتها في أقصى اليسار من أعلي البربريز ونفعاني جداً لما بعمل غرز...!والمهتم يقول لي إزاي ...؟!
انا ارى انه نوع من انواع الاستهتار بأرواح و ممتلكات الناس ان الواحد يمشى من غير مايهتم بالمرايات
أنا مقدرش استغنى عن مرايات الجنب أبدا, انما مراية الصالون مش مهمة أوي بالنسبالي غير عشان بستخدمها زي زوجة الحاج أحمد :Ob_mak1[1]:
بصراحة أنا أكتر حاجة بتنرفزني الناس اللي ماشية قافلة المراية اليمين عشان متتخبطش.... طب ما تتخبط يا أخي ما أنت كدة كدة مش بستخدمها. و بعدين اشمعنى المراية يعني؟؟؟ ما تفك الفوانيس و تمشي من غيرهم عشان برضه ما يتكسروش.. شعب عجيب!!
انا مركب مرايا مكروباص فى النص ولا أحتاج المرايه الشمال و اليمين خالص لأن مرايات البيجو ال 504 فى الضياع
أما باقى العربيات عمرى مستخدمت الرايا اليمين ألا و أنا بركن
ببساطة هي مراية صغيرة ( أصغر من راحة اليد ) ومتوفرة في أي مكان بيبيع إكسسوارات ولا يتعدى ثمنها خمسة جنيهات وتسمى baby view أو مراية مراقبة الطفل ..
أما عن مكان تركيبها زي ما قلت كدة في أقصى الشمال من البربريز من فوق وبتظبطها بحيث تري الحارة إللي جنب إللي جنبك ( لأن الحارة التي على جنبك على اليسار أنت تراها في مراية الجنب ) هنا أنت محتاج ترى الحارة إللي بعدها على اليسار ..
أنا شخصياً لما أكون مستعجل وبغرز لا أدخل شمال إلا لما السيارة التي بجواري ظهرت ( كشافاتها الأمامية ) في هذه المراية..
أرجو أن أكون قدرت أوضح وجهة نظري ولو وصلت لك الفكرة عرفني .
المريات مهمه جدا يا شباب
أنا كتير أضطررت إني أمشي من غير مرايات سواء اللى في النص أو الجانبية أو كلهم حتى بس كنت ببقى حاسس بحاجة غلط كبيرة بتحصل بس كقيادة عادية عمري ما أمشي من غير المرايات ولو ركبت عربية المرايات بتاعتها مش كويسة باشتريلها مرايات خارجية زي المرسيدس الـ 190 القديمة ماراياتها ولا ليها لازمة وزي البيجو الـ 504 برضه مالهاش لازمة
طب إزاي دا المفروض المرايا بتاعته بتفتح لوحدها مع الكونتاكت ... أعتقد إنها كانت معلقة أو بايظة بقى وهو مش عارف يفتحها
انا بستخدم مرايه الصالون دى اهم مرايه بالنسبه لى
مستحيل طبعا....لازم ال3 مرايات
انا شخصيا اتعلمت على 28 كان فيها مراية بانوراما كبيرة و معرفتش اسوق من غيرها بعد كده و معايا من عربية لعربية
ساعة ما بتطلب معايا حرق وجرى ممكن استغنا عن 3 مريات
اما لو ماشى بروقان مقدرش استغنا عن اى واحدة من 3
والحركات ده كونا بنعملها ايام الشقاوة فى الكلية
ال 3 مريات اقفل وورينى نفسك
وساعتها سرعتك هى اللى بتظبط معاك الاداء مش المرايات
مستحييييييييييييييييييييي يييييييل !!!!لازم التلات مرايات دي مش كماليات
ولازم ادي كلاكس لو باعدي من واحد معندوش مراية او قافلها
الحاجة الوحيدة اللي لما حصلت عندي مقدرتش اصبر عليها ان المراية اتكسرت !! البرابريز والفانوس اللي ورا كان فيهم شروخ عادي لكن المراية مستحيل ولما اتكسرت كنت فاتح المراية مقفلتهاش برضة عشان اللي جاي مايتعاملشي معايا اني غشيم او قافل المراية ويبقى واخد باله انها مكسورة برضة ومعرفتش اسوق من غيرها
حالة واحدة ممكن تمشي من غير مرايات الجناب !! المراية الكبيرة بتاعة الصالون - بتبقى محدبة - لكن هتضايق في الركنة وتحديد زوايا العربية اللي ورا
المهم عندى المرايه الشمال ثم اليمين
اما الصالون استخدامها قليل عندى
لانى دايما كنت مفيم العربيه لحد ما اتعودت على كده(كأنى راكب نص نقل)
ودلوقتى عندى ستاره خفيفه ورا بس بطلت استعمل مرايه الصالون
مش معقول فيه حد ما بيتسعملش التلات مرايات فى السواقه
التلاته اهم من بعض
وانا شايف انه الواحد ممكن يستغنى عن مرايه الصالون لكن الجانبيه لا
اعتمادى كله على المرايات الجانبيه عشان تبقى شايف الى جاى على يمينك وشمالك و انت ماشى فين بالظبط من الطريق
انا مركب مراية صالون كبيره
وهى الاساسى عندى
اليمين والشمال مالهمش لازمه عندى
طبعا ومش بفتح المرايات خالص