موضوع استخدام المرايات بيكون حسب التعود اول ما اتعلمت السواقة
بس الطبيعى انك تستخدمهم و الا العربيات مكنتش نزلت بيهم
انا عن نفسى معرفش اتحرك بالعربية من غير الثلاث مرايات فكده يعتبر صح ولا غلط؟
ولوحد بيسوق من غير مرايات بيتعامل ازاى مع الطريق؟
عرض للطباعة
موضوع استخدام المرايات بيكون حسب التعود اول ما اتعلمت السواقة
بس الطبيعى انك تستخدمهم و الا العربيات مكنتش نزلت بيهم
انا عن نفسى معرفش اتحرك بالعربية من غير الثلاث مرايات فكده يعتبر صح ولا غلط؟
ولوحد بيسوق من غير مرايات بيتعامل ازاى مع الطريق؟
اكيد لازم التلات مرايات
بستعجب بقى من اللى ماشي وتلاقي المرايتين مقفولين و عادي يعني
بستعجب بقى من اللى ماشي وتلاقي المرايتين مقفولين و عادي يعني[/QUOTE]
انا ليا واحد صاحبي بيمشي وهي المرايه اليمن مقفوله اقله انت مش فاتحا ليه يقولي ملهاش لزمه:khd:
لما كنت باسوق ال127 كنت باستعمل مراية الصالون بس
العربية ما كانش فيها مراية يمين و المراية الشمال كانت سيئة جدا
بس ما شاء الله مراية الصالون كانت مراية ميكروباص معتبرة
:))))))))
حاليا مش باحب اسوق غير بال3 مرايات
الأساسي عندي المراية الشمال يليها اليمين ثم مراية الصالون
انا عن نفسى لازم تكون المرايتين مفتوحين انما اللى فى النص دى مش مهمة اوى لانى مركب ستاير
انما لو مافيش اى واحدة من المرايتين مش هامشى من بالعربية
ممكن تركب مرايه مقوسه فى الداخل بتظهر لك الرؤيه كامله شمال ويمين وبغنيك عن اليمين انا عامل كده
اهم حاجة عندى المرايتين اللى على الاجناب وطبعا الصالون بس ليها استخدامتها عندى لانها عندى فى زووم بتقرب السيارات اللى ورايا فبتخلينى اشوفة افضل وعلى كدة بظبط فرملتى اذا كنت هادوس جامد ولا عادى
يعنى من الاخر التلاتة مهمين جدا جدا واللى بيمشى وقافلهم يبقى مابيعرفش يسوق ولا يهمة حياة الاخرين
لسة قايل لواحد على الطريق قولتله امانه عليك يا شيخ وحياة ولادك تركب مرايات
اصله كان ماشى وعمال يرمى عليا وهو مش مركب مرايات جانبية ومش شايفنى وان جاى
وبالتالى المشكلة ان انا شايفه بيرمى على عربيتى و حيخبطها وانا المطلوب منى انى افادي الرمى بتاعه بان ارمى شمالى وللاسف فى عربية جنبى
يعنى لو فضلت افادية وارمى فى نفس الجهة اللى بيرمى فيها حخبط فى العربية اللى جانبى ومالقتش غير ان انا اضرب فرامل بقوة وربنا ستر ماحدش لبس فيا
وراح عاملى العلامة المشهورة مطلع ايده من الشباك دليل على الاعتذار لكن فى اوقات بيكون فيها الاعتذار غير مجدى وبتكون الكارثة حصلت كل دة بسبب حته مراية ب 20 جنيه
بصراحة انا بكون مضايق جدا من اللى بيكون ماشى من غير مرايات او بيكون قافلهم
وربنا يهدى الجميع ويكفينا جميعا شر الطريق
ممكن اسوق العربية من غير كاوتش بس المرايات لأ
د انا مش مكتفي بمرايات العربيه :
- بالنسبه لمراية الصالون جايب مرايه كبيره مقوسه بجد كفايه لوحدها علي الطرق السريعه
- بالنسبه لمرايات الاجناب كنت بعاني من العربيه اللي جنبي وماظهرتش لمرمي بصري وفي نفس الوقت مش ظاهره في مرايات الاجناب لذلك لقيت فكره جميله وهي مرايتين مدورين صغيرين بقطر حوالي 3 سم لزقتهم علي مرايات الاجناب ودول جابوا العربيه المختفيه دي وكمان في الركن جايبين كل التفاصيل اللي حوالين العجلتين اللي ورا بكل وضوح وكمان الرصيف والارض ولو حته طوبه علشان احضن العربيه
انا مش معارض بس انا بفضل الله اقدر اسوق من غير مرايات فى حاله الجرى بالذات
وعلى فكره عربياتى طبعا فيها المرايات التلاته حتى 128
كبعرفش اسوق الا بال 3 مرايات لان المفروض ان ده الطبيعي
فى الاوبل و الاوكتافيا (السيدان يعنى ) لازم ال 3 مرايات ...
بس بالنص نقل مش بستخدم المرايه بتاع الصالون عشان العربيه عليها صندوق مقفول و مش بشوف منها حاجه ..
عمري مبستعمل مرايات الجنبين نهائيا..يعني هم بالنسبة لي مش اكتر من ديكور
ولذلك بحب مراية الصالون تكون عريضة... ولما اتكسرت ركبت واحدة صغيرة واتعودت عليها خلاص
انا لو اتحركت والمرايا اليمين مقفولة بحس ان فيه حاجه كبيره نقصانى وبقف وافتحها.اما الشمال ديه عمرى ماركبت العربيه وهى مقفوله..المرايا فعلا هى عين السائق التالته
انا حطلى الدركسيون فى ظهر الكنبه واشوف ورايا وامشى بظهرى لقدام احسن ما امشى واشيل المرايات
انا مش عارف الناس اللى بتقفل المرايات وبتمشى دى مدى معرفتهم ايه عن السواقه , غالبا حدود فهمهم لا تتعدى ان الاول مينفعش اجيبه قبل التانى
اللى جرب يسوق حاجه كبيره عن الملاكى هيعرف ان المرايات دى اهم من الزجاج الامامى
لازم المرايات
ممكن استغنى عن المرايا اليمين لان مرايا الصالون بتسحملى انى اشوف الجنب اليمين
انما الصالون والشمال لاء مستغناش عنهم
وحاليا مش ماشي غير بمرايا الصالون لانى لسة بشطب العربية ومركبتهمش
ولما بعوز الف شمال او اغير الحارة بخطف نظرة سريعة على الجنب الشمال
المرايات اساسي ,, بالذات اليمين أثناء الركنه
الصراحه اهم دول اهم حاجه ف العربيه
مره المرايه الشمال "الى جنب السواق" أتكسرت
وسقت من غيرها 3 شهور
الغريب بقى أنى لما أشتريت واحده جديده مبقتش أستعملها
وكنت مضايق أوى :)
قعت أقول أنا جبتها ليه :))
ايوا بس ح يبقى منظر العربيه وحش مش كدا ولا ايه ...؟
مستحيل ! و خصوصا ان فى مصر ماحدش معترف بحاجة اسمها الحارة المرورية
فعلا ومتفق معاك
بس لما الميزانيه تحكم هيبقى شكل العربيه juuuuuust fine :)))
لأ والله ما مستحيل أنا بجد سوقت من غير المرايا الشمال 3 شهور كامله فى شوارعنا وكنت بستخدم مرايه الصالون بدلها وكنت مرتاح جدا لدرجه أنى لما أشترتها محتجتلهاش وأتعودت أنى أستخدم مرايه الصالون و اليمين بس :)
ماينفعش خالص لازم التلاث مرايات
ولو ينفع ازود تلاته كمان
3 مرايات لازم (اتنين مينفعش )
انا ممكن استغنى عن مراية الحمام ..... لكن مرايات العربية ....... ابدا :dontudear: لازم ال 3 مرايات
وزوجتي برضه نفس الموضوع ...... لكن هي استعمالها مختلف شوية ....
بتظبط فيها الايشارب قبل ما تنزل م العربية :Ob_mak1[1]:
انا من غير مريات الجنب بحس ان حد حاطط ايده علي عيني و انا سايق
و بتنرفز جداااااااااا لما حد بيبقي قافلهم طب لو حب يجي شمال او يمين فجأة يعني لو لقي حارة واقفه و عاوز يجي يمين علي السريع كدة هيعمل ايه و دي حاجة الواحد بيعملها في جزء من الثانيه يعني نظرة خاطفة كدة للمرايه اليمين و بعدين يتحرك انا علشان كدة لما بلاقي حد قافلها لما بقرب جنبه علي سرعه لازم اديله كلاكس صغير علشان يعرف ان في بني ادم ماشي جنبه
و في ناس بقي بتفتكر نفسها انها بتسوق بسرعه جدااااااااا علشان كدة ممكن يجي يمين و شمال فجأة لانه ماشي سريع دول بقي بيجنوني بيبقي ماشي علي 80 و متوقع انه طاير و الاقيه كاسر عليها و انا ماشي 100 مثلا ببقي نفسي انزل اركبله المريات في عينه و افهمه ان وظيفتها انها تحميه و تحميني
نداء للاخوة اللي بيفقلوا مرايات الجنب و الله اللي بيصنعوا العربيات مش بيحطوها زينةةةةةةةة و لا شكل جمالي للعربيه و الله مهمه جداااا و مهما كانت مرايه الصالون كبيرة مهمه برضة لان في شوارعنا الجميله الواحد ساعات بيقابل حفرة ممكن تبلع العربيه كلها فبيبقي عايز يكسر كسرة كبيرة شوية فمرايات الجنب بتدي مدي اوسع للرؤيه و مش معني انك بتستعمها انك مش بتعرف تسوق
إستحالة اعرف اسوق من غير مرايات... لازم المرايات ... لو المراية اتقفلت مني في الطريق ... بقف في جنب عشان افتحها !
علي الاقل مرايا الصالون ومرايا اللي جنبي
يمين و شمال مينفعش من غيرهم الى فى النص ممكن استغنى عنها بس مش على الطريق
لو مش موجودين مرايه الصالون ممكن تظبط الدنيا
و مره اطريت اسوق من غير ولا مرايه و البرابيز كان متشال و قاعد علي صندوق ببسي و واحد صاحبي ساند ظهري بركبته و قاعد علي الاستبن اصلي كنت بعمل عمره في العربيه
لازم الثلاث مرايات ضرورى جدا. ده لو اتحركت و أكتشفت أن المراية اليمين مقفولة أركن على طول على جنب و افتحها---امال أشوف الأجناب كويس ازاى !!
فعلا بستغرب قوى لما ألاقى عربية ماشية بدون مرايات و يبقى نفسى أنزل اسأل صاحبها شايف الأجناب و بتسوق كده ازاى .
ايه المرايات دى !!!!!!!دى حاجه نازله جديد مش كده
انا بسوق من غير مرايات بس ببقا ماشي في اتجاهي اجي احود ادي اشارة من قبليها
وببص من جوا العربية يميني وشمالي و كمان الازاز اللي وارا