اتفقت انا و حسام كوداك و احمد كفراوى askafrawy على تظبيط مقابلة
و الموضوع ده لتحديد المعاد والمكان
احمد باذن الله هيجى من الاسكندرية يوميها
و فى انتظار الاقتراحات وان شاء الله تبقى مقابلة حلوة
عرض للطباعة
اتفقت انا و حسام كوداك و احمد كفراوى askafrawy على تظبيط مقابلة
و الموضوع ده لتحديد المعاد والمكان
احمد باذن الله هيجى من الاسكندرية يوميها
و فى انتظار الاقتراحات وان شاء الله تبقى مقابلة حلوة
ايون انا بس عاوزه يكون يوم خميس او جمعة عشان اعرف اجى
و طبعا زى ما اتفقنا ان الغداء و العشاء و المشاريب و المك............ عليكم
ولا هنرجع فى كلامنا و تقلولى خليك عندك
انا راااااااااااااااااااااااا اااااااااااااااااشق يا معلمين
انا معاكوا يا رجاله ممكن نتقابل فى الحى السادس مدينه نصر او ليموزين اللى فى سوق العاشر او حتى فى المقطم
معاكم بأمر الله يا رجالة وياريت يبقى مكان وسط البلد احسن للجميع
الله الله بتتفقوا من ورايا ماشى يا حسام
ياباشا منا قولتلك :44:
المقطم حلو بس المهم يكون الكافيهات النضيفة فتحت بدل قهوة غزال دى :d
ياباشا انت اللى مكبر دماغك كنا عاوزين نعملها فى مكان خارج القاهرة بس تتعوض المرات جاية كتير
وهنتقابل كمان يومين كده ولا حاجة بعد الشغل يا هانى
بس الخميس والجمعة الجايين انا مش هكون فى القاهرررة
اوك بس عرفى قبلها مش فى نفس اليوم
مش عاوزين الموضوع ينام
انت متاكد انك جاى المقابلة دى يا حسام لو كدة اجهز بعدة الصوت كلها بتاعتك وانا هجهزة الكاميرة وجاى
ايه اخبار الميعاد والمكان ياريت يكون في المقطم اوفي الرحاب
المقابلة الكبيرة هتكون الجمعة الجاية او اللى بعدها زى ما تحددوها انتوا
المقابلة الأوزو هتكون كمان يومين ان شاء الله
مبدأيا هكون انا وابظبظ وهانى وكيمو نوبيرا محمد محسن واللى حابب ييجى ينور
هنتقابل بالليل بعد الشغل نقعد مع بعض شوية ع القهوة
ياريت الموضوع يتثبت كي يعلم الجميع
يا جماعة متنسونيش انا انا شاء الله جي المقابلتين بس عرفونا اخر الاخبار اول باول انا موصي ابظبظ من الاسبوع الي فات علي المقابلة الصغيرة و متفقين يرنلي اول ما تتفقوا
انا معاكم يااحلى ناس المهم بعد اذنكم حددو المعاد والوقت الى هنتاقبل فيه وبعدين اقفلو التوبيك ..... فى انتظاركم ياأحلى فانزالدايو :)
انا لو عليا عاوزها الجمعة الجاية , بس انت بتقول يا باشا الجمعة الجاية مش فى القاهرة فهتيجى ازاى ؟؟؟
انا بقترح فكرة وهى نخليها الخميس على 8 و نسهر للصبح واهو الجمعة اجازة , ايه رايكم
انا مرحتش المكانان قبل كده بس دايس فى اى مكان بشرط يكون فيه مكان فاضى للركن لان عدد العربيات هيكون كتيير
بس الرحاب مفيهاش عربيات فول :shyy:
هما التو بيج بوس مش ناويين يجوا ولا ايه ده الاسماعلية فركة كعب و القاهرة الجديدة على الدائرى
يا ولاد الأيه بتتفقو من ورايا ماشي
والله فكرة الخميس تحفة واهو هيبقى يوم شغل ومافيهوش التزامات والواحد يقعد براحته
فى نادى حرس الحدود على النيل امام جنينة الاسماك الدخول ب 5 والقاعدة تحفة والاسعار فى الحنين
المشكلة فى الركنة
فاممكن نستغل سور نادى شباب الجزيرة او سور الجونينة فيه اماكن كتيرللركنة
وقاعدة فى الدماغ
ظبطو وشوفو
بس الخميس فى الرحاب هيبقة زحححححححححمة جدا
ها أتفقتوا علي ميعاد و لا لسه ؟؟؟؟
عموما ان شاء الله انا معاكم و خاصة لو في الرحاب هأكون في استقبالكم
اقتباس:
بس الخميس فى الرحاب هيبقة زحححححححححمة جدا
و لا يهمك يا حسام باشا , علشان خاطر رجالة دايو نعمل اجلاء لسكان الرحاب كلها بس المهم تيجوا و تنوروا الرحاب
انا غالبا رايح الرحاب كدة كدة يوم الخميس ان شاء الله
MMamdouh
احبك و انت فهمنى :S_thum1[1]:
قشطة
انا هقترح و اللى موافق يقول موافق و اللى عنده اسباب يشرحها
مكان المقابلة : الرحاب
المعاد الخميس القادم على 8.30
مكان التجمع : شارع البحر الاعظم قبل مطلع الدائرى او فى اى مكان على 7 كده
و الهدف من مكان التجمع هو للى مش عارفيين الطريق يمشوا وراء بعض علشان محدش يتوه
موافق
...............................
موااااااااااااااااافق
طبب ممكن انتظركم عنده بوابه الرحاب ها تدخلو من بوابه رقم كام
جميل جدا
- دخول الرحاب من بوابة 13 (البوابة الرئيسية) بجانب محطة موبيل
- التجمع بعد الدخول من البوابة علي اليمين امام المطافي (طريق جانبي ممكن ننتظر فيه باقي الاعضاء) كي نتحرك جميعا الي وجهتنا و مكان المقابلة داخل الرحاب
- مكان المقابلة النهائي داخل الرحاب :
(1).. خلف الجهاز أمام قاعة ليلاك
(2).. مول الرحاب 2 (كافيهات و باكينج كبير)
(3).. السوق التجاري توجد كافيه بجانب بسمارك (محل اطارات و بطاريات) يعني منها مقابلة و كشف علي البطاريات الاطارات و تزويد نتروجين و خلافه ل اللي عايز ... ههههههه
المهم نحاول نبعد عن الفود كورت علشان الزحام الرهيب
و تقبلوا خالص تحياتي
م/ سمير الشهاوي
هو الموضوع مات ليه فين رجالة الدايو واحمد كفراوى وحسام
واهو الباشمهندس سمير ظبط لنا الاماكن
ميييييييين طالع من الجيزة او الهرم او فيصل