هل سبب ترخيص سعر المنول ل 215 الف هو ان التوكيل ناوي ينزل 316 اتوماتيك اول 5 بحوالي 246 الف وفي كتجوري تاني هيبقا 260 الف وايه نظام 318 هيلغوها ولايه وهل النصيحه انا نستنا الاوتوماتيك والالمنول احسن ومعلش السوبيرب المنوال ولا 316 المنول شكرا
هل سبب ترخيص سعر المنول ل 215 الف هو ان التوكيل ناوي ينزل 316 اتوماتيك اول 5 بحوالي 246 الف وفي كتجوري تاني هيبقا 260 الف وايه نظام 318 هيلغوها ولايه وهل النصيحه انا نستنا الاوتوماتيك والالمنول احسن ومعلش السوبيرب المنوال ولا 316 المنول شكرا
لا يا سيدي الفاضل ، الكلام دة غير مضبوط ، ال-316i مش هينزل منها مانوال و مش ممكن ينزل منها مانوال ، و بالتالي أكد ال-318i مش هتتلغي ، كل الحكاية إن الطلب علي ال-316i أصبح قليل جداً بعد نزول ال-318i ، و بالتالي هما خفضوا سعرها عشان يحركوها شوية .
أما بالنسبة للمقارنه بين السوبيرب و ال-316i فلازم تحدد أولوياتك من حيث الكماليات و قوة الموتور و المساحة الداخلية عشان نقدر نساعدك في المقارنه
تقبل تحياتي
بس إذا كانت bmw نفسها مش عاملاها ، يبقى هيجيبوها منين ، لو حضرتك راجعت كتالوج الفئة التالتة ال-e90 مش هتلاقي إن اوبشن الفتيس الأوتو موجود للموتور ال-1600cc ، يبقى مفيش عربية حتى هذا التاريخ بتنزل من bmw فيها شاسيه e90 و موتور ١٦٠٠ و فتيس اوتو ، هيلحقو يجيبوه منين في شهر أربعة إذا كنت مش موجودة ؟!!!
أعتقد دي محاولة دعائية من مسؤول المبيعات إلي حضرتك قابلته في التوكيل ، و ما أكثر هذه المحاولات للترويج للعربيات على غير أساس.
Subject: Re: BMW 316i Trend Line
Dear Mr. Hisham,
The price for a BMW 316i Automatic transmission with alloy wheels, rear parking sensors and a sunroof will be between 260,000 L.E and 270,000 L.E.
The I-drive along with the automatic air conditioning will cost around an extra 40,000 L.E
Please specify the options you want so we can offer an estimated price after customs.
Best regards,
ده الايميل اللي جالي من ةاحد من مبيعات بي ام
أعتقد دي نهاية ال 316 مانيوال
لا أعتقد هذا ، و لكن أعتقد إن دي نهاية ال-316i :)
و السبب ببساطة إن كدة هتكون تقيلة جداً ، يعني هي حالياً بالفتيس المانوال بتجيب ٠-١٠٠ في ١١٫٦ ثانية ، يبقى بالاوتو هتوصل ١٣ ثانية مستريح ، و كدة هتكون أبطأ من كل العربيات التانية في الفئة دي، حتى الباسات ، خصوصاً إن باسات دنلوقتي نزل منها ال-TSI بفتيس ال-DSG و دة خلاها سحبها جامد جداً و فيها فخامة و كماليات كويسة و سعر مقارب لل-BMW أو أقل بالنسبة للبيز لاين ، يبقى مين هيسيبها و يجيب 316i اوتو بدون كماليات و كمان أبطأ و اتقل ، و فرق السعر بينها و بين 318i هيكون بسيط !!
الإجابة إن كل الناس يا إما هتجيب باسات يا إما اللي غاوي BMW هيجيب 318i
دا على كده سعر إعادة بيع 316 المانوال بقى فى الأرض !
رأى الشخصى لصاحب الموضوع
هات 316 بدلا من الباسات
فعلاً سعر المستعمل منها كسر ال 150 الف والمعروض كتيير
انا على ماتوقع انها بتيجي البودي مرشوش من بره وكل اللي بيعملوه هنا الكراسي الجلد عند تاكي والباقي مفيش انسان بيدخل يركب والله اعلم !!
بس دي لو الماني اديها جمارك وهتعدي ال 500 الف فنبوس ادينا وش و ظهر
انا يتكلم عن ال 320 يازعيم 2000 cc
غير صحيح و ذلك عن تجربه و امتلاك .
كل المكونات المانى و خطوط التجميع 100 % مثل التى توجد فى المانيا.
بالنسبه للبويه ، فالريبوتات والرش خلاص بقت قديمه ، الان يوجد حوض ضخم للبويه توضع به حوالى ست سيارات ( طبعا الهياكل الخارجيه فقط ) ، ثم تنقل الى خطوط التجميع مع باقى السياره.
و طبعا لو المانى عندك جمارك 260 % !!! يبقى كتر خير التجميع :3mla:
تقبلوا مرورى .....
اعتذر يا باشا على تدخلي ، و لكن الحوض دة بيتعمل بيه الجلفنة عشان الصدأ ، لكن رش اللون بيتم بإستخدام الروبوتات برضه ، و هذا ليس قديم ولا جديد ، في تحديث في السرعة و نوع الروبوت ، لكن مازال هو طريقة الرش المستخدمة .
بالنسبة للجمارك للعربية ال-2000cc فأعلى 135% و تم تخفيضها 10% يعني أصبحت 122% ، و ليس 260% جمارك .
العربية الباسات حينزل منها شكل جديد تحفة وظهرت اول صور للشكل الجديد علي الانترنت علي فكرة، وبصراحة مش شايف معني اني ادفع فلوس اد كده في عربية يتقال عليها بعد كام شهر موديل قديم.
نصحتي وبجد عن تجربة هات مرسيدس س180، عربية تحفة وهتفضل محافظة علي سعرهخا وشكلها شبابي واسمك راكب مرسيدس والشكل لسه نازل ومش هيتغير قبل 2014 وبعدين التخفيض الجمركي حينزل البي ام تحت حاجز ال 200 الف يعني مش حتكون عربية الصفوه وحتكون حاجة في مستوي الجتا كمان 3 سنين مثلاً.
معلهش يا باشا أنا استوقفتني نقطة الباسات الشكل الجديد اللي حينزل .....
هل حضرتك قصدك الباسات سي سي ؟ لأن الموديل ده موجود بالفعل من 2009 بجانب الباسات التقليدية .... وأنا على حد علمي ان الجيتا هي اللي حينزلها شكل جديد آخر السنة ...... إنما الباسات أنا الحقيقة أول مرة أسمع عن وجود شكل جديد ليها في 2011 ......
ياريت حضرتك تفيدني لأني بأفاضل على باسات استعمال خفيف فلو فيه شكل جديد يبقى أكيد أسعار المستعمل حتنزل شوية .......
يقوم التوكيل فعلابحجز السياره316 اوتوماتك والتسليم اخر 4 اول 5 السعر بين 240 و250
دول كاتبين ان سعر 2011 ربما يكون اقل من الشكل الحالى عشان فولكس عايزه تنافس فى امريكا بالتحديد!
يبقى من الغباء شراء الموديل الحالى
طيب أنا راضي ضمير حضرتك ... عمرك شفت أي حاجة بترخص في مصر ؟ ممكن الكلام ده يبقى مظبوط بالنسبة لأي بلد تانية عندها سوق محترم يسير وفقا لقوانين العرض والطلب ويكون بأكمله مسخر في خدمة المستهلك ... وطبعا على رأس هذه الأسواق السوق الأمريكية ... إنما مصر؟!!!!
طيب أنا أراهن حضرتك ان سنة 2019 اللي المفروض الجمارك حتبقى صفر فيها على السيارات الأوروبية ... اسعار العربيات وقتها حتكون بنفس أسعار دلوقتي ويمكن أغلى كمان ... إزاي ؟ حقول لك معرفش بس ده اللي حاصل دايما .... جشع تجار بقى على ضرايب على رسوم على استخفاف بعقلية المستهلك على منظومة تانية طويلة ... المهم إن الخلاصة في رأيي المتواضع هو ان مفيش حاجة في مصر حترخص .....
أنا شايف ان اللي معاه تمن أي عربية من أي ماركة النهاردة يتوكل على الله ويجيبها إلا لو هو مستني موديل جديد منها بس يضع في اعتباره انه استحالة يكون أرخص خاصة وهو لسة جديد ......
معلش يا شباب عايز اسال هوا الوكيل بيبع كسر زيرو بالقسط ولا دا بالكاش ودلوقت انتو حيرتوني الواحد يجيب ايه يا جدعان انا كنت بقارن بين الجيتا وال316 الجيتا كامله واوتوماتيك وال316 مانوال ومش حابب الباسات علشان كبرها مش مناسب لشوارعنا الواسعه بس هيا تحفه في السفر وبالنسبه للتخفيضات الي بتتكلمو عنها مفيش عربيات بتنزل في سعرها المرسيدس منزله ماتور 1600 وسعر العربيه 320 الف ال c180 في حين ان سعرها بره رخيص اوي وواخدين جمرك ضعف تمنها برده علشان دي مرسيدس وبالنسبه لل316 الجديده انا عاجبني الشكل بتاع البي ام الجديد اوي بس فعلا ماتورها هيبقا بطئ وسحبها مش حلو لو فتيس اوتوماتيك عادي
واخيرا ياريت النصيحه اجيب الجيتا ولا 316 ولا اشوف حاجه غيرهم لا دي ولا دي مع العلم ان ال316 سعرها غالي عليا
أنا جندل صور الجيتا والباسات والبي ام الجديدة هنا عشان نخدش يجيب عربية وبعدين يندم وكمان حشوف الأسعار المتوقعة من صحابي في التركيبات بس طبعا مش حيكون كلام موكد
Mr MINPP ,i have BMW 316i model year 2008 and what i can say in simple words that the car is extremely amazing.
although it's manual but the 6 speed gear box gives u a very satisfying way of driving plus you can reach 200 km/h, and i can answer whatever question u want about it.
I also bought last year VW jetta highline & honestly the car isnt that good, the spare parts highly expensive & im not happy with the car at all which why im re-selling it. Finally i advise u with the BMW & if it's AT transmission it'll be much more better & i hope i answered any question u have.