الله ينور عليك
الله ينور عليك
فلتر الهوا 90 جنيه
فلتر البنزين 190 جنيه
فلتر زيت 30 جنيه
البوجيهات 65 جنيه فى التوكيل 170 جنيه
بوجيهات انا جبت الايرديوم الموافق مع عربيتى ودخلت على النت وجبت نفس gap وفارق معايا فى السحب هو 150 جنيه
باالنسبة لفلتر البنزين انا باين اضحك عليا عشان انا قريت فى ورقة الصيانة كل 20000 وبعدين لقيت لما روحت التوكيل انهم مش بيغيرو فكنت متردد اصدق مين فجبته وغيرته وخلاص بس هو عايز دقة وصبر عشان هو متصل بالطرمبة وفى كذا فيشة انا هاصورهولك واصورلك ازاى فكيت من التنك بس بعد كده مش هاقدر عشان كده مضطر انى افكه تانى (انا فعلا غلطان انى ماصورتش)
عظيم جدا واكون شاكر ليك
ومش مهم انك تتعب نفسك فقط صور شكل الفلتر القديم
ياريت بقى رقم البوجيه الايريديوم اللى انت ركبته
أحمد باشا نقاريرك دايما رائعه ربنا يكرمك
http://www.ngk.com/images/results_partnumber.gif
BKR6EIX
gap 0.8
Iridium IX Plug, 14mm Thread, 19mm (3/4") Reach, 5/8" (16mm) Hex Size, Gasket Seat, Resistor, Solid Terminal, ISO Length, Projected Tip, Fine Wire (0.6mm) Iridium Center Electrode, Tapered Cut Ground Electrode, .032" (0.8mm) Gap, Heat Range 6
ممكن رقم تليفون الجندى عشان عايز أعرف إذا كان عنده دراع النور اللى فيه فوجات ولا لأ؟؟
شكرآ
متألق كالعاده
تقرير ممتاز يا ريتك كنت تويوتاوى علشان تبقى حضرتك والمهندس سبعاوى معانا نبقى كده مش نشيل هم العربيه نهائي
بجد مشكور على المجهود الرائع
الجندى 24 شارع غرناطة امام محطة بنزين التعاون - روكسى مصر الجديدة
24516008 - 0123916567
الف شكر يا أستاذ أحمد
والله يا احمد بيك
دا لو واحد مدفوع ليه فلوس علشان يعمل تقرير عن الصيانه
مكانش حيعمل ربع اللي انت عملته ده
ولا الشرح الجميل بتاعك ومتابعه الحدث لقطه بلقطه
تسلم ايدك يا احمد بيك
وربنا يديمك علينا نعمه يا باشا
يااستاذ احمد اشكرك علي موضوعك الاكتر من رائع
بس ليا استفسار, منين قالولك الاول 800 جنيه وطلع لما حسبتها انت و المهندس خالد 550 جنيه؟؟؟ اصلي دفعتلهم 830 جنيه في صيانة العشرين مع العلم ان دكتور احمد سامي كان كاتب في موضوع اسعار الصيانات انها ب 550 زي مامكتوب في الكشف اللي طلعهولك خالد بيه فاروق؟؟؟؟؟؟؟؟؟
ياريت حضرتك نوصل للتفسير عشان اللي هيروح بعد كدة ميضحكش عليه
550 جنيه للسيراتو الشيب القديم
النيو سيراتو من الكشف 643 جنيه ويمكن غيرولك فلتر التكيف
وممكن تكون غسلت الموتور بالفوم
راجع الفاتورة وقولنا على بنودها
وكمان كل ده من غير الزفت ضريبة المبيعات
السلام عليكم ياستاذ احمد اسماعيل انا اسمي مصطفي واحد المعجبين بكل تقاريرك التي تكتبها ومتابع جيد لكل ما تكتبه ولفت انتباهي تقريرك عن الكيا كارينز وبالفعل بعد قراءة تقريرك ذهبت الي احد المعارض التابعة للتوكيل وحجزتها ولكن اثناء قرأتي لهذا التقرير حضرتك ذكرت انه لاوجود للكارينز في التوكيل سوي سيارة واحدة مما جعلني اقلق في شأن هذة السيارة هل لم تحظي بالإنتشار حتي الان وهل هذا لعيب فيها ارجو منك افادتي بالرد لكي يطمئن قلبي ولا اريد ان اثقل عليك بطلب ثاني إلا انه يشرفني التعرف عليك وهذا ايميلي الشخصي mostafa0100077056@hotmail.com
:satelite:
موضوع رائع وشيق يا استاذ ahmed_su
للأمام ..............
بصراحة يا باشمهندس احمد انتا هايل - موضوع شيق جدا بس انتا قلقتنا من فروق الاسعار بين التوكيل والمحلات - هل الحل اننا نشترى قطع الغيار من برة وهما يعملوا صيانة - هل هما حيرضوا بكدة ام سيرفضوا - كذلك موضوع التيل هل فعلا تغييرة على 20000 ام التوكيل استعجل التغيير واعتد على خوف الزبون - عموما نشكرك جدا على مجهودك وربنا يعوضك كل خير- Ramez Fakhry
الموضوع أكثر من رائع ومفيد جدا ولكن لى تعليق وحيد ارجعلة فى الأخر. و بخصوص المهندس خالد فحدث ولا حرج الجل يبذل كل جهدة فى حدود الأمكانيات المتاحة.
حضرتك ذكرت شئ عن صوت العفشة فى الصباح و المهندس خالد تكلم عن تربيط عفشة ....
انا عندى عربية زى بتاعة حضرتك اتوماتيك 2008 جميع الكماليات المتاحة فى الموديل دة ماعدا فتحة السقف.
انا استلمت العربية يوم 15 اغسطس 2008 و كان فى صوت تخبيط فى الجانب الأيمن كلة قدام و ورا رجعت وقالوا لا ما تخافش دة الكاوتش بيبقى منفوخ عالى و لما تظبط كل دة حايروح تانى يوم بعد الترخيص رحت ظبط الكاوتش و لكن صوت التخبيط كان قل شوية لكن موجود بعد كدة كلمت التوكيل يوم 28 اشتكى قالوا يمكن محتاجة تربيط عفشة مع صيانة 1000 نعمل كل حاجة كملت 1000 و رحت ابو رواش و ربطوا العربية و انا راجع مصر الجديدة رجع الصوت زى ما كان كلمتهم من على كوبرى اكتوبر فقالوا ممكن ترجع تانى نشوف و بدأ مشوار عذابى مع كيا غيروا المساعدين و الشداد الكاوتش و ربطوا العفشة و المهندس خالد بذل معايا جهد لكن بعد اسبوعين رجع الصوت زى ما كان بيبقى عالى الصبح و يقل شوية لكن موجود و كلمت خالد مرتين و رحت التوكيل فى روكسى و تربيط و كمان مرة بعد 1000كم و بعدين بدء صوت خشونة طالع من نفس المكان و يروح ويجي صوت زي صوت رولمان بللى و بدء يزيد رجعت روكسى المهندس هناك قال على مجنون و ان دة صوت عادى لأن العربية دة على كاتينة جنزير و هو كدة.
بعت ايميلات لكيا وللمهندس خالد و الراجل مشكور قالى هات العربية و احنا نعمل اللازم. وديت العربية وقعدت عندهم اسبوع و اللة العظيم أسبوع و كانت عاملة 17500كم و كلمنى المهندس خالد و قاللى كلة تمام و اسمحى اعمل صيانة 20000كم و كتر خيرة خصم حساب الزيت و المصنعية و حاجات كتير و حاسبونى بس على الفلتر و البوجيهات.
والمهندس قاللى انهم غيروا المساعدين و صرر العجل قام و ورا و شوية حاجات تانية , اخدت العربية التخبيط قل لكن موجود صوت رولمان البللى زى ماهو واللى زاد ان دلوقت لما ادوس فرامل العربية مرة تروح شمال و مرة يمين و اللى غطى بقى ان الموتور بيسقف.
حاجة جميلة مش كدة. انا متأكد ان المهندس خالد عمل كل اللى ممكن لكن شكل العربية فيها عيب صناعة و التوكيل معندوش من الأجهزة اللى تقدر تكتشف العيب.
المهم اتصلت بيهم حوالى 10 مرات مش قادر اعثر لى خالد لأنة الوحيد اللى ممكن اثق فية.
وأخيرا قدمت النهاردة شكوى لجهاز حماية المستهلك لأن محدش بيرد عليا و من الواضح انهم معندهمش حل غير الأهمال.
دعواتكم و خلى بالك من حكاية التخبيظ الصبح دى و اتمنى تطلع غير حالتى
الله يكون في عونك يا باشا وانا قبل كده قرايت الموضوع بتاع حضرتك ده والمعناه اللي انت فيها واعتقد ومش متاكد اذا كنت انت ولا لا انه قالوله ان المشكلة في الكاتينة مش عارف بالضبط المهم عليك بالصبر ومعليش اكيد حد ناشك عين جامدة :dzey:
الحدفة يميين وشمال ممكن تكون ظبط زوايا وبالنسبة للتسقيف سببه ممكن
كهرباء العربية مش مظبوطة
او حطيت بنزين مش نظيف او بنزين اقل اوكتين
المهم ربنا يصلحلك الحال لان انا عشت تجربتين في البيكانتو احدهم صوت لقه او رجرجة في الجانب اليمين قدام ورحت وجيت على ابو رواش والقطامية ومرة عفشة ومرة ده بيتهيء لك ومرة علبة دركسيون بالقطمة بتاعتها واخرها المساعد كان مكسور والعربية جديدة لسه المهم الصوت راح بنسبة 90 % بس برده بحس بيه شوية في الطرق المضحضرة وبينرفزني شوية ومليت نيتروجيين ورحت لكذا واحد واكدوا مفيش حاجة بس انا مشكلتي ان ودني بتحس باي صوت غريب مش عارف ولا انا علشان بقارنها بالسيراتو هي اه عفشتها ناشفة بس في سنة صوت كده كان في حاجة هتفك بس دلوقتي مبقيتش بركز معاه قوي ........
المهم ما عملته حضرتك ممتاز وفعلا لازم يشوفولك حل لان انا مقدر شعورك وكمان خاطب كيا كوريا ووضح مشكلتك وخلييك وراهم .....والله المستعان
شكرا على المواساة الرقيقة فى مصابى الأليم و فلوسى اللى التوكيل بيأكلها لكيا على حساب المصريين الملاعيين. اما بخصوص البنزين العربية راحت التوكيل مليان بنزين و كانت مضبوطة و رجعت من عندهم كدة و خلى بالك انهم عملوا صيانة 20000كم و كمان غيروا البوجيهات يعنى لازم يكونوا ضبطوا الموتور بعدها و لا أية.
اما بخصوص مراسلة كيا الأم على الميل فأحب أقول لحضرتك ان كل الميلات لكوريا يترسل لمصر للتصرف و دة مش كلامى دة كلام المهندس خالد نفسة و الراجل دة انا بثق فية جدا. و عموما انا بأبعت لكيا كل يوم ميل على الأقل و الحال زى ما حضرتك شايف.
اما بخصوص ضبط الزوايا, هو مش العربية كانت عندهم و هم اللى غيروا المساعدين و صرر العجل و الشدادات و الحاجات و المحتجات و كان المفروض يتمموا العمل او على الأقل يقولوا لى روح اضبط زوايا.
انا خلاص زهقت من الناس دى و التمثيليات اللى بيعملوها فى الجرايد كل أسبوع, يا أخونا كلنا لازم نحذر بعض من الأهمال الجسيم و كلام الجرايد عن الضمان و الأمكانيات اللى موفراها كيا فى الورش.
والله بعد اللى بيحصل معايا من التوكيل و اللى حاصل لعربيتى و ان مفيش حد عارف يصلحها و لا حتى عارف العيب اللى فيها و كمان كل مرة بياخدها التوكيل يرجعها بنفس العيب و علية عيب جديد. ولأن كيا كاتبى فى مقدمة الموقع بتاعها فى الجزء الخاص بخدمة ما بعد البيع انهم بيوعدا العملاء بخدمة رائعة و حتى يرضوا تماما عن الخدمة, ولأنهم لا يحظوا وعودهم فأنا وعدتهم بأنى سوف اكتب على الأنترنت الدولى عن ما يجرى معايا علشان الناس كلها تعرف التوكيل فى مصر بيعمل اية فى الزبائن. و علشان انا بأحفظ وعودى مش زى كيا انا كتب على الموقع دة اللى بيجمع كل الزبائن الغاضبين عن تجربتى و حاواصل فى كل مكان الاقية مؤثر.
Kia Motors - kia egypt refuses to fix manufacturing defect
السلام عليكم و رحمه الله و بركاته .الأخ المجتهد الفاضل
أبسط رد على موضوعك .أنك أنتا كنت أهم الأسباب بعد ربنا سبحانه و تعالى طبعاً .أن أنا أشترى العربيه دى و نفس الموديل بتاعك و لكن بفتحه سقف .لأن بصراحه أن موضوعاتك و شرحك و تصويرك فوق الممتاز و بمنتهى الضمير .لأن أنا كنت فى البدايه فى حيره شديده بأمر شراء هذه السياره و لكن أنا كنت متابع كل مواضيعك من البدايه و تصويرك لكل حته فى العربيه مع الشرح الممتاز و شفت برضه موضوع الكلاكس ألى أنتا زودته و كان فى الصورة أبنك الصغير العسل ده ربنل يبركلك فيه.
بالتوفيق دائماً و فى أنتظار موضوعاتك الجميله الرائعه
atif.atif@hotmail.com
ما شاء الله بجد تقرير اكتر من رائع زى ما عودتنا
وفعلا ما استمتعتش بقراءة تقرير زى التقرير ده
تسلم ايدك يا استاذ احمد
وربنا يباركلك فى العربية دائما ان شاء الله
نيجى بقا لكيا وللمهندس خالد فاروق اللى كل يوم احترامنا ليه بيزيد
ونتمنى يكون كل الناس زيه فى جميع التوكيلات
وربنا يهدى كل شخص محتاج رقابة من سلطة اعلى منه عشان يشوف شغله كويس
ويهدى كل شخص ما يعرفش يتعامل مع الناس بذوق واحترام
وميرسى لكل شخص ادى عمله بكفاءة واحترام وماتزعلش من اى حد ما عملش اللى عليه او اتعامل بأسلوب مش كويس
الأيام دول :colsmil:
ومبروك الصيانة مرة تانية وعقبال صيانة ال 100000 ان شاء الله
تقبل تحياتى
موضوع تمام اووووووووووي
موضوع جميل جدا تسلم ايدك وجزاك الله كل خير :S_thum1[1]:
المهندس أحمد
اشتريت البوجيهات منيين وازاي اعرف النوع المناسب:majd(4):
شكرا على التقرير المفصل
تقرير فوق الممتاز ربنا يباركلك في السيارة وعقبال ال100000 ألف ‘ن شاء الله
بس أنا ليا تعليق صغير لو أنا فرد عادي ممكن أوصل لخالد باشا أو إي مدير مركز صيانة إزاي عشان أتمتع بالإهتمام دا كلة وأطمن على العربية والشغل بنفسي أعتقد إن سعتك لو مكنتش كلمت خالد بيه مكنتش هتعرف تعمل كل دا وكمان مكنش هيكرمك في السعر مش كدا طيب إيه الحل في التوكيلات دي أنا بتكلم عموماً وشكراً
تسلم ايدك على الموضوع
[OVERLINE]
تقرير متميز من شخص اكثر من متميز بس عارف انا لو منك تقرير زى ده المفروض اروح اامن عليه علشان لو اتسرق ولقيته فى مكان تانى على النت تبقى ترفع قضية وتتطالب بحقك .:S_thum1[1]:
[/OVERLINE]
ألف مبروك و عقبال صيانة الـ 100000 و شكراً على التقرير الرائع و على مجهودك
يا عم ترجم التقرير ده و ابعته كوريا معتقدش حتى الى فى الشركة هيكونوا عارفين كل صغيرة و كبيرة كدا:hlopaet_prv:
والله ياجدعان ده موضوع رائع و شدنى قوى وكملته لحد الاخر حتى طنشت الشغل اللى معايا :verygood:
ربنا يباركلك
موضوع رائع وجهد ممتاز بجد
بارك الله فيك
تسلم .. يا باشا.:Ta_clap[1]:
100 100 ياباشا الله ينور بس اكتر حاجة زعلتني:011: غسيل الفوم بالماء :( بس المهم الف مبروك