السلام عليكم جميعا
في موضوع شاغل بالي قوي مع اني مش معايا فلوس بس عايز اعرف رأيكو ايه
لو معاك فلوس تشتري شقه حلوه في مكان راقي زي مثلا سموحه او لوران في الأسكندريه ولا تشتري ارض وتبني عليها فيلا في مكان زي مثلا علي الزراعي ناحية كوبري ابيس؟
يعني شقه في حته عاليه او فيلا في اي حته تانيه؟
خصوصا لو انت من محبي السيارات ونفسك يبقي عندك كذا عربيه
فيلا فى مكان اقل
لعده اسباب اهمهم (الخصوصيه )
انا كنت ف شقه الاول وبعدين نقلت ف فيلا طبعا خصوصيه هدوء مفيش جيران مزعجه برحتك ف البيت طالع نازل مفيش اى قيود
راحه بمعنى اصح بكثير اوى وبذات لو ف مكان هادى متعه عن تجربه
بس الشقق فى الناطق الراقية فيها خصوصية برضه و محدش ليه دعوة بحد و محدش يعرف حد
بس المشكله لما تجيب شقه باكتر من من مليون جنيه وتلاقي جارك رزل- ساعتها هتعمل ايه؟
ده غير اماكن الراكنه ياأما تشتري حته في جراج العماره ب 100 الف لكل عربيه
وبرده حرام تدفع 10 ولا 20 مليون في فيلا
ان طبعا نفسي في فيلا واعمل فيها جراج اعيش فيه حياتي بس الفكره ان الفيلا دي تبقي في مكان ممكن ميكنشي راقي عشان سعر الأرض يبقي حنين
انا لو مكانك شقة في مكان راقي
الفيلا من وجهة نظري ليه مشكلة خطيرة وهي السيكيورتي
لما تبقى لوحدك كده خالص محتاج تامين عالي يعني مينفعش تجيب فيلا ومتكونش عاملها تامين
ده لا قدر الله لو حد من اياهم نط ممكن يعمل مصيبة ولا حس ولا خبر
طبعا لانها الى حد ما معزولة
غير لما تبقى في عمارة بتبقى الشقق حامية بعضها
غير ان بعض العمارات الراقية بيبقى فيها سيكيورتي 24 ساعة
انا عن نفسي لو معايا فلوس كفايه هشتري أرض و ابني عليها فله .. انا عندي حلم كده اني اسكن في فيله فيها جنينه و تبقى قاعدتي فيها ساعة العصاري يااااه عالمتعه .. و بالنسبه للحمايه 3 كلاب روت يتكفلوا بالمهمه بحذافيرها : ))
شقه فى مكان راقى
عن نفسى عمرى معشت فى فيلا فا مش فارقه معايا أنى أعيش فى شقه طالما مكان راقى
لكن للمعتاد على سكن الفلل والخصوصيه بتاعتها
هو دا الى ممكن يواجه مشكله السكن فى شقه حتى لو كانت فى مكان أرقى من الفله
نفس وجهة نظري بظبط ..اقتباس:
المشاركة الأصلية كتبت بواسطة mrbebo
مبحبش اقعد في مكان سهل واحد لياقته كويسة و قلبه جامد ينط جوه .. و انتوا عارفين اليومين دول الجرائم انتشرت بشكل غريب ..
غير كدة .. بنفس فلوس الفيلا ممكن تجيب شقة فخمة ..
و غير دة كله .. في ميول شخصية .. انا عن نفسي بكره الفلل و احبب موضوع الشقق جدا .. و يا سلام بقا على جو الاستوديوهات .. نفسي فعلا اعيش في استوديو .. لكن للاسف الموضوع شبه مش موجود في القاهرة ..
طيب بالنسبه للناس اللي معارضه فكره الفيلا
هتعمل ايه لو عندك اكتر من عربيه ومفيش مكان في الجراج؟؟؟
يعني انا ساعات بشوف فلة فخمه قوي والاقي العربيات واقفه بره بي ام علي مرسيدس
بصراحه ببقي عايز اقولهم حد يبقي عنده فيلا ويوقف عربيه زي دي بره
فيلا
لعده اسباب
ممكن لهذا السبب كماناقتباس:
خصوصا لو انت من محبي السيارات ونفسك يبقي عندك كذا عربيه
على فكره انا يمكن جربت العيشه فى ال2
وبجد الواحد عايش فى شقق لانه مضطر + الوضع المادى
حط رجليك على ارضك و اركن عربيتك فى ملكك و لعب عيالك على راحتهم و اعلى بادوار لجوازهم.
عشة لوحدي ولا شقة علي النيل مافيش احلي من الخصوصية عن تجربة وبعدين موضوع الحوادث ده شيء مظنون مش يقيني وكل مكان ليه الحرامي المتخصص بتاعه.
لو المكان اللي هبني فيه الفيلا وحش للدرجه دي, او مش راقي و طرقه غير ممهده...
يبقى شقه في مكان راقي طبعاً.... و بردو هيكون في خصوصيه, و رقي في كل شئ...
و لأنك مش هتحس بجمال و خصوصية الفيلا و ما الى ذلك في مكان زي ده للأسف...
مش عايز احبطك بس حوار الجنينه ده فاشل (عن تجربه) لو باني فيلا في حته الارتفاعات المسموحه للبناء فيها اكتر من 3 ادوار ومساحة الارض اقل من 1000 متراقتباس:
المشاركة الأصلية كتبت بواسطة TeXo
لانك باختصار هتلاقي جيران المنطقه كلها بتتفرج عليك :H_angry[1]: وبتسمع اي كلمه بتقولها
ولو لقيت مساحه واسعه تديك الخصوصيه الكافيه (ودا مكلف جداً) ،هتلاقي الامان اقل
إلا لو جايب سيكيوريتي وكده (ودا مكلف هو كمان)
وربنا يرزقنا بحلاله ونجيب اللي بنحلم بيه
فيلا طبعا للخصوصية والراحة ومن زمان وانا بحلم بفيلا فيها جنينة ازرع فيها اما بخصوص الامان اعلي السور وسلك شائك من فوق واكهربه واربع كلاب من اللي همه وحتة سلاح اجيبة من البلد :70[1]:
اعتقد فيلا افضل
وفي مكان متوسط مش شرط مكان راقي او منخفض المستوى
اعتقد المدن الجديده هي افضل الاماكن المتاحه لفيلا (او بيت خاص من 4 طوابق ) وادامه جنينه
وهذا حالي
لو معاك فلوس .. احسن من سموحة فى فلل تتبع نقابة المهندسين فى برج العرب انا شفتها بصراحة اخر شياكة ..ممكن تشترى من مهندس هناك او لو انت مهندس ممكن تاخدها من النقابة و بالتقسيط .. احسن من وسط البلد .. ان صاحب مملكتكاقتباس:
المشاركة الأصلية كتبت بواسطة shaddadfalcon1
ياريت فيلاة حلم عمري كفايه ميكنش فيها دوشة اسانسير ولا ناس بتتكلم بصوت عالي واكنهم عايشين في العمارة لوحديهم و لو معي فلوس كتير اكيد مش هكتفي بس بي سكن واحد يبقي ساعتها اجيب شقة علي النيل في العمارة الفخمة انما برده مافيش احلي من السكن الخاص حتي لو مكنش مبنيه علي شكل فيلاة ممكن علي نظام سكن عائلي و اكون انا و عيلتي الي فيها و بس :E_braces[1]:
أكيد فله بس مش معنا كده أروح اجيبها في خرابة عشان أبقى اسمي ساكن في فله ده غير ان هتصرف كتيير قوي عن الشقة العادية فلوس security أعلى والبواب بدل مهتدفعله 50 جنيه في الشقة هتدفعلو في الفله 500
بس برده أنا لو اقدر هجيب فله كفاية الاحساس بالخصوصية :biggrin2:
شكرا لمشاركة حضرتك ..فعلا الموضوع طلع مش سهل .. بكل صراحه انا كنت فاكر انها حكاية فلوس و خلاص .. اتضح انها عايزه دراسه للمنطقه و سبل الحمايه موال كبير : )))) دي عايزه خطط بقى : ))اقتباس:
المشاركة الأصلية كتبت بواسطة mostafa_elhussain
لا خطط ولا حاجة الموضوع ابسط من كده بكتير.اقتباس:
المشاركة الأصلية كتبت بواسطة texo
شفة في مكان افضل ...
فيلا أكيد حتى لو من دور واحد بس مش لدرجة انها تكون فى مكان صعب العيشة فيه
يعنى فى أسكندرية مثلا ممكن الكينج او برج العرب او العجمى 21 مثلا حاجة كده
طيب لو علي الطريق الزراعي مثلا قبل مدخل اسكندريه عند كوبري ابيس؟؟؟؟؟اقتباس:
المشاركة الأصلية كتبت بواسطة marshal
يعني بينك وبين الزراعي اقل من 100 متر !!!
هل ده يعتبر مكان معقول ولا واقع خالص؟؟
خصوصا اني ساعات بشوف فلل لوحدها طول مانا ماشي علي الزراعي
او حتي بيوت عائليه
انا بصرحه متربي في بيت عيله ومتعود اهيص براحتي وعربيتي قدام البيت واخواتي يلعبو في الفراندا اوفي الجنينه
ودلوقتي انا عايش في شقه صغيره بسبب ظروف الشغل واسباب ماديه برده
بصراحه كل حاجه الواحد بيعملها بحساب عشان الجيران
الخصوصية لا تعوض
اقعد بارحتي ادب براحني
اغسل عربيتي بايدي في مكان براحتي
الاعب عيالي براحتى
وابنيلهم واجوزهم معايا كمان لو زنقت
المهم ماتكونش في مكان مقطوع عشان اسيب اهلي في امان وان كان لازم تعقلها وتتوكل
اما عن التامين فالموضوع بقي رخيص جدا
انا عندي ادارة في شركتي فيخا الجزئية دي ولينا عملاء كبار قوي وبياخدو انظمو تامين وتحكم غالية
الحاجات دي عشان منتجات شركتي غالية ليها بدائل صيني كتيرة ورخيصة كمان
بداية من اجهزة استشعار الحركة لحساسات الحرارة اللي بتطلع انذارات وغيرة كتير من انظمة التامين والمراقبة
ده انت ممكن تعمل نظام مراقبة عبيط بكاميرات يب كام وترمي على كمبيوتر 24 ساعة
وكمان ممكن تخليها وايرلس
بص هنا
BrickHouseSecurity.com: Home Security Cameras | Wireless Camera Devices | Video Surveillance System
Home Security Store | Home Security Camera | Wireless Security Systems
وده في مصر
SMART HOUSE Security
ولو عايز تمشيها عادي ممكن كلبين حراسة محترمين بس انا لا افضلهم وافضل انظمة التامين خاصة انها فعالة ورخيصة ومش محتاجة رعاية ومتابعة زي الكلاب
الخصوصية احسن كفيلا بس البناء ده موال كبير ووجع قلب وفلوس طالعة زي الرز وصنايعية مقرفيين وطمع وجشع ربنا يرحمنا ويوفقك
بالنسبه للصنايعيه - انت برده ممكن تشتري شقه من غيرتشطيب خالص وهي هي
ليه امال المقاولين بيعملو ايهاقتباس:
المشاركة الأصلية كتبت بواسطة m.abdeen
المقاول الحاجه الى حتجبها ب10 حيجبها ب 8
ده غير انه بيشبشب الصنايعيه ويخليهم يشتغلو الحاجه الى بياخدوها فى يوم يعملوها فى نص يوم
ده غير حاجات كتير
انا جربت فى شقتى ال2 وبصراحه المقاول بينفع بجد جاب 6 صنايعيه يشتغلو مع بعض تخيل انت بقى بقو بيخبطو فى بعض وهما شغالين من الزحمه ههههههههه
بس كنت مضطر ساعتها
بس ميمنعش ان فيه مقاولين حراميه ونصابين
بص ياباشا
انا مع لارأي اللي بيقول فيلا افضل
وهتلاقي ناس كتير كده على سبيل المثال ممكن تدخل قرية بسيطة في الارياف وكلها بيوت متواضعة وهوب تلاقي قصر مش فيلا جوه القرية دي
مثلا صاحبها مش معاه فلوس يسكن في شقة في منطقة راقية ؟ لا طبعا معاه
بس الاحساس بالخصوصية حاجة تانية
خصوصا لو الصور عالي وكويس وفيها جنينة كبيرة
كانك عايش في دولة لوحدك
يا عم شقة فى مكان راقى احسن ( مكان من غير ناس ما ينداس ) اهم حاجة الامان مش الوحدة
ماهو شقه في مكان راقي برده هتبقي لوحدك لان كل واحد في حاله
وبعدين الفيلا مش هتبقي في الصحرا دي هتبقي في وسط ناس بس كل الفكره المكان مش هيبقي في مستوي الرقي بتاع الشقه عشان تقدر تشتري ارض
شقة مين ياراجل فيلا طبعا
فيلا طبعا
لاسباب كتير
الخصوصية
عادة شوارع الفلل واسعة ومش زحمة بعكس العمارات
مكان للباركنج محدش يشاركك فيه
الارض ملكك حتى ان كان بعض الشقق بييبقه ليك حصة في الارض
ممكن تبني دور زيادة لابنك
موضوع الامان تقدر تتغلب عليه بالابواب والشبابيك الحديد
المساويء بقه
عايز طقم شغالات
ربنا يرزق واجرب الفيلا بنفسي واحكيلكم اكتر عن المزايا والعيوب
هههههههههههههههههههههههاقتباس:
المشاركة الأصلية كتبت بواسطة نور القمر
كل يغني على ليلاه
الرجاله كلهم ماحدش فكر في النقطة دي خالص
ههههههههههههههه ده الفرق بين الست والرجلاقتباس:
المشاركة الأصلية كتبت بواسطة aif
الست بتفكر في الموضوع من كل النواحي وبصراحة لو هتجيلي فيلا ببلاش ومفيش شغالة يبقه مش عايزاها
على رأي تيته الله يرحمها احنا جيل الفراخ البيضاء والسمن الصناعي والخضار المجمد طالعين صحتنا على ادنا
الشغالة مبقتش رفاهية في عصرنا ده واحنا عايشين في شقق فما بالك لو فيلا
انا شايف الشقة افضل... صعب اوى تبقى ساكن فى فيلا نضيفة و تلاقى جيرانك سيد سوستة و ابراهيم كفتة و ام ترتر و العينات اللى بالك فيها دى
MMamdouh
مش للدرجه دياقتباس:
المشاركة الأصلية كتبت بواسطة mmamdouh
لازم تبقي في مكان معقول يعني مش هتوصل لدرجه ترتر
بس يا جماعة مش المفروض لما اشتري شقة في حتة فخمة , يبقى في خصوصية ولا ايه ؟
الفيلات دي متاحة دلوقتي في النقابة؟؟ ياريت لو حضرتك عندك تفاصيل أكتر تقولهااقتباس:
المشاركة الأصلية كتبت بواسطة mrsailor