اقتباس:
المشاركة الأصلية كتبت بواسطة نور القمر
ليه بنلجأ الى العالم الافتراضي مش مكفينا عالمنا الحقيقي ؟؟
الانسان كائن اجتماعى بطبعة بالتالى بيسعى الى التواصل مع الاخرين... و طالما فيه وسيلة جديدة للتواصل... ليه لا؟؟؟
اقتباس:
هل فشلنا في تحقيق سعادة حقيقية مع اصدقاء حقيقين في العالم الحقيقي عشان كدة لجأنا الى العالم الافتراضي لتكوين صداقات افتراضية وسعادة افتراضية ؟؟؟
الموضوع مش فشل.. زالموضوع وسيلة جديدة... معظمنا ميقدرش يتواصل مع الاخرين و هو فى بيتة او فى شغلة او مسافر برة مدينتة اذا لم يتواجد العالم الافتراضى دة... احنا مع بعض كل يوم بالرغم من اننا "مش مع بعض"
اقتباس:
هل مجرد كلمات الثناء وكلمات الود والحب على الصفحات الافتراضية تسعدنا سعادة حقيقية ام سعادة افتراضية او وهمية ؟؟
سعادة حقيقية لو هى نابعة من القلب..ز ياما الواحد بيسمع كلام حلو فى العالم الحقيقيى لكن النية و اللى فى القلب بيبقى غير اللى بيقولة اللسان... القاعدة تسرى على العالم احقيقى و الافتراضى على حد سواء و بترجع فى الاخر للنية و مدى صدق الكلام
اقتباس:
ولما احنا سعداء اكتر بالعالم الافتراضي ليه بنسعى لتحويله لعالم حقيقي عن طريق المقابلات ؟؟
لان العالم الافتراضى مش كامل زى العالم الحقيقى... ينقصة التواصل الحسى بين الناس
اقتباس:
وهل بعد تحويل العلاقات الافتراضية الى علاقات حقيقية مازلت تشعر بنفس السعادة ؟؟
حسب الشخصية اللى تطورت العلاقة معاها من العالم الافتراضى للعالم الحسى... بس فى الغالب الواحد مبيسعاش للخطوة دى الا اذا كان حاسس بدرجة كبيرة ان الخطوة دى صح و حتكسبك شخص كويس فعلا
اقتباس:
طب ليه سعيد مع عالمك الحقيقي اللي خلقته في البداية من عالم افتراضي ومكنتش سعيد بعالمك الحقيقي اللي نشأت فيه ؟؟
محدش قال انى مكنتش سعيد... انا بقيت "اكثر سعادة"
اقتباس:
ولا انت اساسا مش سعيد بعالمك الافتراضي وبتوهم نفسك انك سعيد لحد ما بتصدق نفسك انك سعيد ؟؟
انا سعيد و مش بوهم نفسى باى سعيد... لو مش سعيد حبعد و اروح لعالم اكون فيه بجد سعيد.
اقتباس:
وهل لو في موقف حقيقي محتاج مساعدة حقيقية واقعية هتلاقي اصدقاء العالم الافتراضي واقفين جنبك بجد ولا مجرد كلمات مؤازرة على الصفحات الافتراضية؟؟؟
مش كلهم طبعا... و عن تجربة شخصية الاصدقاء من العالم الافتراضى فيه منهم ناس اجدع الف مرة من اصدقاء كنت اعرفهم من عالم الواقع من سنين و يوم ما وقفوا جنبى كانت اول مرة نتعرف على بعض فى عالم الواقع
اقتباس:
حد فاهم مني حاجة ؟؟؟؟؟؟؟؟؟
طيب اللي فاهم يشارك
واللي لسه مش فاهم يحاول يفهم من مشاركات باق الاعضاء
ياريت بعد اذنك متكتبيش مواضيع زى دى تانى لان الموضوعات بتاعتك شيقة و انا رجلى بدات تاخد على المنتدى الاجتماعى و دى حاجة مش لطيفة خالص
MMamdouh