الغــــــــــــوث

**ironheart** · 14-03-2010 02:17 PM

ياجماعة انا اشتريت دايو لانوس 2004 فابريكة جوة متبهدلة شوية من برة خدوش وحكة عملة 136 الف كم استعمال حريمى مشاوير شغل يومية (اقصى سرعه مشيت بيها 80كم ) مش سفر ولا حرق علية عملت معايا 43 الف جنية
دة كويس ولا لا
انا اتعقد خلاص فى 2 فى الشغل قالولى تعمل 36 الف مش عارف انا اضحك علية ولا اية
هل بالمواصفات دة تعمل فعلا 36 الف ولا 43 الف كويس علية ارجوكم طمنونى انا ابتديت نفسى تقف من العربية واتعقد منها مع انى سئلت عليها كتيييير على النت وميكانيكية واهل الخبرة قالولى نفس الموديل عامل 45 الف جنية

**kh_talaat** · 14-03-2010 02:23 PM

أعتقد لو السيارة فول اوبشن يبقى السعر معقول جدا

والف مبروك عليك

**ironheart** · 14-03-2010 02:43 PM

المشاركة الأصلية كتبت بواسطة kh_talaat

أعتقد لو السيارة فول اوبشن يبقى السعر معقول جدا

والف مبروك عليك

لا مش فول ابش

انا شكلى اضحك عليا ولا اية
حد يريحنى بكلمة

**hanycapoo** · 14-03-2010 05:49 PM

باشا انت هتتعقد لية العربية حلوة وسعرها مش غالى خالص وكفاية انك ضامن مين صاحبتها اتكل على اللة وظبطها سنة سنة وهتبقى زى الفل معاك

**fouady** · 14-03-2010 06:02 PM

بص أنا ليَّ مبدأ أما يكون شكل فـعربية زي اللانوس أو النوبيرا باله بتاع 10 سنين متغيرش فـميفرقش معايا الموديل خالص أنا اللي يفرق معايا الحالة وعلى كلامك العربية حالتها حلوة فـكده السعر مش عالي قوي عدي يعني وزي مقلتلك أنا ممكن أشتري مثلا 2000 ب 45 ألف ومشتريش 2005 ب 45 ألف فاهم قصدي وعلى العموم مبروك يا معلم ومالكش دعوة بحد عربيتك 100 100

**yahiahelaly** · 14-03-2010 06:05 PM

بص يا فندم متسلمش ودانك لحد لاني كنت مكانك اول مجيب عربيه اولا ازاي يعني ب36 يعني لو هية بكده ابيع انا عربيتي ب30 الف ولا حاجه هيونداي اكسنت 1500
وعلى فكره الي بيقولك كده سوري يعني غالبا غالبا حاقد او غيرنا لاني برضه اول مجيبت عربيتي ناس كرهوني فيها وانها غليع جدا بلرغم اني كان بيجيلي فيها بيع باعلى ماشتريت
وعشان اثبتلك بس انهم مش كويسين هنفترض جدلا انك جبتها غاليه وانتة صاحبي هعد اقولك غالية ياه واكرهك فيها ولا مبروك وخلاص على فكره انا حاسس بيك وربنا يكفينا شر العين ومتستغربش والله جاتلي من اقرب الناس

**KoDaK_Gti** · 14-03-2010 06:10 PM

اللينك ده متوسط اسعار الدايو
Daewoo

ممكن تلاقى وحدة موديل 2000 ب 40 الف ووحدة موديل 2004 ب 40 الف بردو
بس هنا تفرق الحالة وكل واحد بيقدر عربيته كويس لما يبيع

**ZALABANY** · 14-03-2010 06:11 PM

سعرها كويس لو الحالة زي ما بتقول ربنا يباركلك فيها ويكفيك شرها

**احمد عبدالله** · 14-03-2010 06:11 PM

المشاركة الأصلية كتبت بواسطة yahiahelaly

بص يا فندم متسلمش ودانك لحد لاني كنت مكانك اول مجيب عربيه اولا ازاي يعني ب36 يعني لو هية بكده ابيع انا عربيتي ب30 الف ولا حاجه هيونداي اكسنت 1500
وعلى فكره الي بيقولك كده سوري يعني غالبا غالبا حاقد او غيرنا لاني برضه اول مجيبت عربيتي ناس كرهوني فيها وانها غليع جدا بلرغم اني كان بيجيلي فيها بيع باعلى ماشتريت
وعشان اثبتلك بس انهم مش كويسين هنفترض جدلا انك جبتها غاليه وانتة صاحبي هعد اقولك غالية ياه واكرهك فيها ولا مبروك وخلاص على فكره انا حاسس بيك وربنا يكفينا شر العين ومتستغربش والله جاتلي من اقرب الناس

+9999999999999999

**ahmedelzeeny** · 14-03-2010 06:24 PM

العربيه سعرها معقول طالما الماتور حالته كويسه وبرده مش بتتقاس بعدد الكليومترات اللى مشيتها العربيه انا واحد صاحبى كان معاه لانوس كانت ماشيه 50 الف والماتور حالته سيئه جدا جدا جدا لان حاله الماتور على حسب الاستخدام