السلام عليكم
بعد ما بوظت الشاشة بتاعتي لما الفلاتة اتقطعت مني و أنا بغير اللمض قررت أجيب شاشة جديدة
المهم نزلت الوكالة ملقتش ال 2 سطر قلت أجيب ال 4 سطر و أهي شكلها أظرف
طبعا جبتها بعد ما جربت كل الشاشات إللي موجودة عشان كلها بايظة
جبت واحدة نضيفة والسعر كان ظريف بعد شوية تعارف مع البايع وكده خدتها ب 160 جنية
وركبتلها أربع لمبات جداد وبقت زيرو عملت شغل جامد في التبلوه
واحد بأه يسألني سؤال جوهري ويقولي طيب فين المشكلة ؟؟؟
سؤال جميل
المشكلة يا جماعة إني ركبتها في العربية ال GLS
طبعا الشاشة مش حاسة بالكمبيوتر والنتيجة
أول ما تفتح الكونتكت بتعملي رسالة Check لي كل حاجة بحس إنها شوية شوية هتقولي NO CAR FOUND
وبعدين بتقف علي Oil Lack وبتفضل علي كده
وده طبعا بيخلي بيانات درجة الحرارة مش موجودة علي طول عشان المكان بتاعها مشغول بال Check
هل في حل للإشتغالة دي ؟
بالمره بأة عندي إشتغالة تانية
مره بعد ما فكيت اعدادات والشاشة عشان أغير اللمض الشاشة فضلت منورة علي طول
لما بشيل المفتاح بتفضل منوره علي طوووووووول والخانة بتاعة التاريخ بتبقي فاضية فبضطر أشيل الفيوز
في الأول كانت سعات بتطفي بس دلوقتي الحمد لله منوره علي طول
رحت لناس كتير كله قعد يفتكس
التوكيل فرع قاللي معرفش أنا أول مره أشوف الموضوع ده وفرع تاني وكمان حسام أوبل قالولي الشاشة عايزة تتغير بس مقتنعتش حسين إنهم بيفتكسو
وإديني غيرت الشاشة ولسه برده نفس العيب
عايز أبحث في الموضوع في حد عنده إستعداد يبحث معايا
هروح أصلي و أجي
أه صحيح العربية فيكترا 2003 gls
سلام مؤقتا
المفضلات