هو اللون الفيراني في اللوجان حلو ولا لا .. ارجو المساعده

**johnmims** · 14-03-2010 03:34 PM

يا جماعه انا كنت حاجز من التوكيل لوجان اللون الاسود وجه دلوقتي بيقولي مافيش اسود فيه فيراني و فضي فاقولتله ماشي الفيراني علشان انا بحب الالوان الغامقه بس انا من اسيوط وماشوفتش قبل كده اللون الفيراني وعايز عارف هو حلو ولالا علشان بيقولي هو فيراني غامق مش زي الفيراني بتاع العربيات التانيه
ياريت لو حد يفيدني في الموضوع ده علشان المفروض استلم الاربعاء الجاي

**josephedward** · 14-03-2010 03:41 PM

هو بالليل تقريبا أسود فتخيل الصبح بيبقى غامق ازاي... بس أسيوط حر وكده الغوامق هتخليك تولع !!!!

**Egyzizo** · 14-03-2010 04:05 PM

أيوه هى فيرانى غامق ، يعنى لو سألت حد مثلاً لون عربيتى ايه ، هيقول لك أسود ، خصوصاً مساءاً

**johnmims** · 14-03-2010 04:13 PM

ما هو يا جماعه لو اسود بس فاتح شويه ممكن الناس تفتكره اسود بس عليه تراب وهو ده اللي انا خايف منه ولا بيقي فيه اختلاف والمهم هو لون حلو ولا الاسرود احلي

**tamer61** · 14-03-2010 04:20 PM

ألف مبروك مقدما وربنا يباركلك فيها... اللون الفضي و الفيراني كلاهما تحفه على اللوجان ولكن بما إنك بتحب الغوامق يبقى الفيراني و هو قريب برضه من الاسود إللي كنت حاجزه يعني توكل على الله.

**amrdiab** · 14-03-2010 04:22 PM

المشاركة الأصلية كتبت بواسطة johnmims

ما هو يا جماعه لو اسود بس فاتح شويه ممكن الناس تفتكره اسود بس عليه تراب وهو ده اللي انا خايف منه ولا بيقي فيه اختلاف والمهم هو لون حلو ولا الاسرود احلي

جون اذا كنت اخترت الاسود مفرقتش من شهر واستلم اللون اللي انت عايزه

نصيحه من اخ

اما بالنسبه للون الفيراني هو مش فيراني زي المتشوبيشي البومه مثلا لكنه اسود مطفي وعلي فكره جميل جدا بس من رايي خليك علي اللون اللي انت اخترته ومتخليش حد من التوكيل ياثر في قرارك هو الواحد بيشتري كام عربيه في حياته عشان نركب عربيات علي مزاجهم اصر علي اللون اللي انت مختاره من الاول مدام مرتاح له ومفرقتش كام يوم تاخير هتركب بعد كده لما تزهق