فكره ممتازه يا باشمهندس.
ان شاء الله تتنفذ و ربنا يجعله في ميزان حسناتك و يباركلك في اولادك
عرض للطباعة
فكره ممتازه يا باشمهندس.
ان شاء الله تتنفذ و ربنا يجعله في ميزان حسناتك و يباركلك في اولادك
أنا موافق وايه رأيكم نعمل صندوق
أيوه صندوق كل اجتماع شهرى نحط اللى نقدر عليه
ونحاول نساعد بيه اى حد ان شاء الله مستشفى السرطان حتى
بس يا جماعه انا اقترح ان اللى يمسك الصندوق ده محمد ممدوح حس بالمحن فى موضوعه
واعتقد هو اقدر واحد يقدر يعمل كده
وكمان علشان حاجه مهمه انها تتحط فى ميزان حسناته علشان ربنا يرضى عنه بعد الحادث الاليم ده
واعتقد كمان ان نفسيته هترتاح اكتر بالموضوع ده
انا كلمته امس وكان الحمد لله بخير واستلم عربيتة وابتدى يصلحها
ربنا يعفينا كلنا ان شاء الله وان شاء الله تكون اخر احزان المنتدى
خير البر .. عاجله
ليه قالوا كده ؟ .. لا تدع المثبطات تعمل عملها فى الهمم
و الشياطين توسوس و تقعد فى طريق الخير ..
" و من يوق شح نفسه فأولئك هم المفلحون " .. فنفوسنا مجبوله على الشح
بالطبع .. فلا نترك فرصه للطبع يقاوم داعى الخير لمدة شهر ..
ثم اننا مأمورون جميعا بالمسارعه .. بل و التسابق ..
" سابقوا إلى مغفرة من ربكم و جنة عرضها السموات و الارض "
فلا أرى مبرر لتأخير العون لمدة شهر
اطلب من محمد ممدوح ان يعطينا بيانات نرسل له عليها حوالات بريديه
فورا .. او رقم حسابه البنكى ، .. بحيث فى مدة ثلاثة ايام يتجمع معه ما يكفى لمساعدة اسرة المتوفى
فان لم توافق على ذلك ، اقترح اجتماع عاجل اقصاها الجمعة القادمة
فانظروا ماذا ترون
أحسن حاجة نجمع الجمعة القادمة ونلم إللى فية النصيب ونروح نعزى فية وندى أهلى الفلوس - وهو الموضوع سخن دية أحسن حاجة - وأنا أولكم
الحمد لله الذي بنعمته تتم الصالحات
والله الواحد فرحان جدا ان ربنا وفقه لصحبه خير زيكم
لان المرء على دين خليله فلينظر احدكم من يخالل وواضح ان كلكم اخلاء اوفياء
عشان كلام استاذ مدحت ان الشيطان بيثبط الصدقة كل واحد يقراء كلامي يطلع المبلغ اللي نوى علية دلوقتي حالا
ويحطه في ظرف ويقفله ويكتب علية تاريخ النهاردة عشان ما يفتحوش تاني
ولغاية يوم المقابلة لو جاللك تاني وعايز تزد ابقي زود
ومن هنا لحد يوم الجمعة اللي جاية او اللي بعدها هانعمل مقابلة اسثنائية نلم فيها الفلوس
بس يا باشمهندس محمد خلف واحد بس او اتنين اللي هايروحوا المشوار ده عشان الحاجات دي بيبقى فيها احراج جامد جدا
وبتتم بشكل ودي ولطيف بدون جرح كبرياء حد
زي اننا ندي الظرف لابنه او بنته الصغيرين كده يعني
وربنا ما يكتب على حد فيكم ضيقة ولا غم زي ده ابدا
محمد ممدوح اصبر واحتسب وكله من مكفرات الذنوب ان شاء الله ورصيد لحسناتك يوم الدين
ويا ريت كلنا نكثر من الاستغفار والدعاء لاخونا المتوفى رحمه الله ان شاء
بسم الله (ربي اوزعني ان اشكر نعمتك التي انعمت علي وعلى والدي وان اعمل صالحا ترضاه )
جزاكم الله خير عن اللى بتعملوه
كان عندى اقتراح يا كريم
بالنسبة للأخوة اللى عندنا فى اسكندرية انا شايف ان عددنا كبير ماشاء الله...........
احنا ممكن نجمع اللى نقدر عليه فى اى يوم و واحد فينا ينزل القاهرة ويسلمك اللى جمعناه... ومعنديش مشاكل انى انزل القاهرة لو حبيتم
بس حدد امتى اليوم اللى حتروح فيه لأهل المتوفى
جزاك الله خير يا كريم على أفكارك الجميله واسأل الله ان يجعلها في ميزان حسناتك ان شاء الله
حمدالله على سلامتك يا استاذ محمد
وربنا معاك
والله انا عاجز عن الكلام ولكن لا نقول الا ما يرضي ربنا
ولا حول ولا قوة الا بالله
طيب انا من الصعيد وعاوز اساهم معاكم
ايه الحل
فكره ممتاذه بارك الله فيك يا كريم
وربنا يسبر أهل المتوفى
طيب الى من بره القاهرة وعاوز يساهم هل فى امكانية لفتح حساب فى اى بنك لعمل الموضوع ده