الموضوع: استفسار عن زينون المازدا 3 2007&2008

انا مركبلها فيلبس و ماااشي عادي خالص ولا متبت ولا حاجة ولا بطفيه في اللجان

أنا عندي زينون اصلي في عربيتي مازدا3 2009 بس مثبتهوش في الرخصة .. ومحدش كلمني عليه في اي لجنة!

مفيش اى حد ثبت الزينون على الرخصة ولا حتى فى اى عربيه تانية زى الجيتا او الانسر و الجولف لان المرور مانع ده بس محدش بيتكلم لانهم عرفين ان العربيه نزله بيهم الا بقى لو فى ظابط عايز يرخم و خلاص او لجنه وقفه للفحص الفنى بس فى الحاله دى هيوقفك وبيدورو على اى عيب فى العربيه انوس مكسور العادم طالع اسود اى حاجه من الكلام ده و ربنا يسترها علينا كلنا منهم .

لا لا يوجد اثبات الزينون فى الرخصة ( اللى اسمعه التفييم هو اللى بيتثبت بس ) عامة الزينون الاصلى بتاع العربية مفيش فيه مشكلة سواء مازدا او غيرها لان ده بكل بساطة بيبقى عدسات اللى بتخليه مركز مش مشتت زى المكنة الزينون لعادية

الخلاصة : لو معاك زينون اصلى العدسات وحد كلمك عليه انزل اضربه ههههههه لا بجد مفيش حاجة اسمها يغلس عليك بدون وجه حق , ما هى دى مشكلة الشعب المصرى اغلب الناس بتخاف ليه مش فاهم

انا لو ظابط حاول يغلس ولاقانى واقفلوا و فاهم ايه اللى ليه و ايه اللى عليه غصب عنه و عن اى واحد تخييين هيحترمنى و مش هيعرف يعملى اى حاجة

انما للاسف اغلب الناس بتفتكر ان الظابط دايما على حق ويوافقوا على اى مخلفة يقول عليها البيه الظابط و لو طلب فلوس يدفعلوا زى الجردل

بالنسبة للزينون الغير اصلى(مش عدسات) طبعا ده ممنوع فى المرور والصراحة عندهم حق لانه غبى وبيعمى الناس اللى سايقة خصوصا ان نسبة كبيرة من اللى بيركبوه شباب صغير وعلى طول ماشى عامى كل اللى قدامه


بالنسبة للزينون اللى فى الضباب طبعا ده ممنوع وش كدة لانه عمر ما عربة هتنزل زينون اصلا فى الضباب

انا اللى بيضايقنى فعلا ان كلمة ممنوع عندنا معناها مختلف عن اى حتة فى العالم
هنا ممنوع ليها استثنائات للصبح طبعا كل شىء واضح


الخلاصة امشى صح عشان متخليش اى بني ادم يقولك ربع كلمة


فى المازدا الواحد بيستخدم حزام الامان بالاجبار ودى حاجة لطيفة عشان كده عمرك ما هتتمسك حزام

المشاركة الأصلية كتبت بواسطة himaz

فى المازدا الواحد بيستخدم حزام الامان بالاجبار ودى حاجة لطيفة عشان كده عمرك ما هتتمسك حزام

+11111
جرب كده متلبسوش==صداع مزمن

المشاركة الأصلية كتبت بواسطة makavelimorsy

+11111
جرب كده متلبسوش==صداع مزمن

بالظبط كدة اول ما تنسى هتفتكر تانى بالعافية