انا عملت الصيانة من شهر ونصف تقريبا وكنت شاري تيل جولد من ابو الحسن..بقالي كام يوم دلوقتي التيل بيصفر صفارة جامدة ..يا ترى ايه السبب
عرض للطباعة
انا عملت الصيانة من شهر ونصف تقريبا وكنت شاري تيل جولد من ابو الحسن..بقالي كام يوم دلوقتي التيل بيصفر صفارة جامدة ..يا ترى ايه السبب
طنابيرك فيها شفة؟؟
MMamdouh
انا من فتره اشتريت علبتين تيل جولد للانوس لي ولقريبي (من تاجر مشهور بجوده بضاعته) , وحظي الحلو (الحمد لله) ان علبه الجولد اللي ركبتها عندي طلعت مغشوشه (معيوبه) وبمعنى اصح كانت زي الصخر ومع المشي بدأت تاكل في الطنابير وتعمل صفاره وطبعا ده كان مصاحب لهبوط فـ اداء الفرامل , وكمان التيل عشان ناشف جدا (زي الأسفلت والله) فـ مكنش مطبع على الطنبوره كويس وكان بيعمل تزييء ساعات مع الفرامل الشديده , المهم اللي اكتشفلي الموضوع ده الميكانيكي بتاعى وفكلي التيل الجولد (وركبت تيل كوري اصلي قديم كان معايا في العربيه) والعربيه مشيت بعدها زي الفل
ملحوظه :- التاجر اللي باعلي التيل مكنش يقصد يغشنى , بس اللي عرفته من بعض ناس ان قطع غيار السيارات ومن ضمنها التيل طبعا بيكون جاي بكمياات وشحنات كبيره , و وارد ان من بين كل 100 قطعه يكون في قطعه فيها عيوب صناعه , زييها زي الأحذيه والملابس و و و و وكمان قطع الغيار:shine[1]: , والحمد لله كانت القطعه المغشوشه او المعيوبه دي من حظي انا , مع العلم ان قريبي اللي ركب العلبه التانيه ماشي بالتيل بقاله بتاع سنه زي الفل والحمد لله :C_laugh[1]: ربنا يستر طريقه وطريقنا جميعاً
عشان مطولش عليك , خلي الميكانيكي يبصلك على التيل وبإذن الله الموضوع هيكون بسيط
شكرالكل من ساهم بالرد..
بالنسبة للطنابير فيها شفة او لا..فانا معرفش لكن هي اول مرة يحصل كده.
بالنسبة للاستاذ محمود ..كلام حضرتك صحيح 100 في 100 لاني كنت قبل كده مركب تيل كوري لكن مش جولد وكان ب 55 ج برضه وقعدت بيه العربية يجي سنتين من غير مشاكل....
واضح انه عيب صناعة ولازم اروح اغيره..طب لما اغير اجيب بقى الاصلي ابو 150 ج او اجيب ماركة ايه او اجيب جولد تاني.
وهل الواحد يقدر يعرف التيل المغشوش من السليم..انا كنت زمان بدوس على التيل عشان اشوفه طري او لا....مش عارف ده صح ولا غلط
مع خالص شكري
في ناس بتقول ان التيل الجولد بالرغم من رخص تمنه بس هو احسن من غيره لانه طري (في الغالب) وبيتاكل مع الإحتكاك الشديد وبكده الطنبوره بتفضل بحالتها فتره أطول , وطبعا ده احسن من ان التيل يكون ناشف وياكل في الطنبوره ,, نظريه بردو
ولو طلع فعلا الطنبوره فيها شفه بسيطه زي ما أفاد الأخ الكريم محمد ممدوح فمتخافش لان حلها بسيط , تروح للميكانيكي يفك الطنابير الاتنين وتاخدهم وتطلع بيهم على خراط فاهم وتخليه يشيل الشفه دي , وهي هتكون حاجه اد مللي او اقل من مللي كمان , والمصنعيه بالنسبه للخراط 10 جنيه وبالكتير 20 جنيه , حسب الخراط يعني
مع تحياتي / أخوك محمد الشامي مش محمود :C_laugh[1]:
انا عندي فعلا الطنابير فيها شفة بسيطة اول ما بركب التيل (جولد) بيصفر بتاع اسبوعين كدة ويطبع على الشفة ويمنع الصوت