هل نجد مكانا نركن فيه سياراتنا بسهولة ؟؟
هل هناك تجارب و أفكار جديدة بالنسبة لهذا الموضوع ؟؟؟؟
عرض للطباعة
هل نجد مكانا نركن فيه سياراتنا بسهولة ؟؟
هل هناك تجارب و أفكار جديدة بالنسبة لهذا الموضوع ؟؟؟؟
هذه مشكلتي و اعتقد انها مشكلة معظم من يمتلك سيارة ... مكان لركن السيارات .. تحت العمارة جراج كان منذ فترة مغلق و باعه صاحب العمارة . المالك الجديد في منتهي الجشع بيوقف عربياته داخل و خارج الجراج و لمجرد ما يلاقي مكان فاضي السايس يطلع عربية من داخل الجراج و يحطها بره . يعني من الصعب تلاقي مكان فاضي نركن فيه و بضطر اركنها بعيد عن البيت . و ربنا يستر .
داخل مدينه نصر ممكن
خارج مدينه نصر صعب اووووى
تعال جرب منطقة وادى حوف - حلوان الاماكن كثيرة و الحمد لله
مشكله مصر الان كثرة السيارات وعدم وجود اماكن تركن فيها عربيك انا مثلا ساعات اكون رايح مشوار افكر 100 مره في المكان ال رايحه حلاقي مكان اركن فيه العربية ولا ايه لكن من وجهت نظري ان الحكومه هي السبب لان العمارات ال موجوده كل اصحابها قاموا ببيع الجراجات التي بها وايضا ارتفاعات العمارات ال تتجاوز 20 دور وكل دور بها علي الاقل 4 شقق تخيل بقا عدد السيارات ال في الشارع والعربيات في زياده ولا يوجد قانون الاستغناء عن السيارات التي يتعدي عمرها الافتراضي 25 عام بل هناك سيارات عمرها الافتراضي 40 سنه وماشيه في مصر فقط وهي دي مصر
انا واخد المكان اللى تحت بيتى عافيه ووضع يد
اللى يجى حد غريب عشان يركن بتبقى ليلته سودا
و حضرتك شايف ان دي حاجة حلوة؟؟؟؟؟
مبدئيا ممكن اعرف بتبقى ليلته سودا ازاي؟
ثانيا .... تحب اما حضرتك تروح مكان تاني تركن ما تلاقيش مكان عشان كل الناس واخدة الاماكن عافية و وضع يد و الغريب - زيك - اللي يركن عندهم بيخلوا ليلته سودا برضه؟
ثالثا : اقرا الحديث ده
و بما ان الشارع ملكية عامة ..... حضرتك تعتبر مغتصب الملكية العامة اللي هي حق للجميع ...اقتباس:
وقد جاء في شأن الأرض وعيد شديد لمن اقتطع منها شيئا بغير حق ، فقد روى البخاري (3198) ومسلم (1610) واللفظ له عَنْ سَعِيدِ بْنِ زَيْدِ رضي الله عنه أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : ( مَنْ اقْتَطَعَ شِبْرًا مِنْ الْأَرْضِ ظُلْمًا طَوَّقَهُ اللَّهُ إِيَّاهُ يَوْمَ الْقِيَامَةِ مِنْ سَبْعِ أَرَضِينَ ).
الحمد لله بلاقى مكان فى شارع جنب البيت فى اى وقت
في الشغل في سموحه ساعات بلاقي بسهوله وساعات بيطلع عيني عشان اركن
بلف حوالي نص ساعه زي الأهبل عشان الاقي خرم ابره ارمي فيه العربيه لدرجة اني ساعات ببقي عايز ارجع بيتي تاني
والمكان ده طبعا بعيد عن الشغل بحوالي نص كيلو
انا بقي بخاف على العربية من الوحده.عندنا فى الشرقيه مافيش اسهل من الركن.الدنيا فاضية جدا
الركن اصبح مشكله فعلا
فى البيت بسهوله
فى الكليه بصعوبه بالغه "فى أوقات معينه"
يا رااااااااااجل ده احنا عندنا الاماكن فله شمعه منوره
أهلا بيك في التجمع :d
حيث الاماكن الواسعه و الطرق الفاضيه و الجديده
كل يوم بفضل الف حوالين البيت بالعربية زى النحلة لحد ما ربنا يكرم والاقى حتة فاضية او حد طلع من مكانه
لا ومافيش جراج عند البيت الا والعدد يكون كومبليت جوا الجراج وبرة الجراج وصف تانى كمان
انا بلاقى اماكن كتيير فاضية تحت البيت
لانى باختصار ساكنة فى مدينى العبور
وانتو لا :44:
نهائي ولا في البيت ولا في الكلية وغالبـا بركنها بعيد جدا في أي حتى ومش كده بس ده العربية كلها خبطات وهي واقفة
انا عندى مشكلة عند الشغل مش عند البيت. وكمان لما بروح عند حماتى بيطلع بوزى لحد ما اركن.
كمان انا تقريبا لا يمكن اركن صف تانى حتى لو فى مشوار فى وسط البلد اما الاقى ركنه او افضل فى العربية واخلى اللى معايا ينزلو يخلصو اللى ورانا "نو كلابوش"
انا بركن فى جراج العمارة و ليا المكان بتاعى
اسهل حاجة بالنسبالي موضوع الركن .....ليه ؟
عشان مش بروح بالعربية في اماكن زحمة زي وسط البلد
انا نزلت وسط البلد بالعربية تلات مرات كان هيجلي شلل في رجلي الشمال(العربية مانيوال)
بعد كده بقيت اخدها من قاصيرها. اشوف اقرب حتة مش زحمة لوسط البلد واركن فيها واكمل مواصلات
عجبتنى اوى حق الجميع دى !!
وايه فى بلدك يا سيد بقى حق للجميع ؟؟
ما علينا
لما تكون الملكيه العامه كلها خاصه
اكيد انا كمان هخصخص الملكيه العامه اللى تحت بيتنا
بمعنى اوضح
اما يكون الشارع كله بيركن تحت بيته
وحتى لو مافيش عربيه تحت بيت حد وانا اجى اركن
كأنى فعلت فحشاء
واما بقى حد يجى منهم يركن تحت بيتى ( بتبقى ليلته سودا ) ده حقى
والا هروح اركن عربيتى فى اخر الدنيا واجى بيتنا مشى
اعرف ردى ده بناءآ على ايه بعدين ابقى رد
اتبع اسلوب اشترى وبعدين بيع
ثالثآ : قال تعالى
" يا ايها الذين آمنو اجتنبو كثيراً من الظن ان بعض الظن اثم "
وبما انك تسرعت فى الرد عليا من غير ما تفهم انا اقصد ايه ... حضرتك تعتبر اسأت الظن بيا
وصباحك فل يا عسل ;)
الحمد لله انا مشترك فى جراج قريب من البيت
ودايما بسيبها قدام باب الجراج للسايس هو اللى يكنها
وبالنسبه للشغل فى باركن كبير وسهل الركنه هناك
للاسف لا :dontudear:
اسكندريه في اغلب الاماكن بقت كارثه بمعني الكلمه
في المنيا ... عادي
انا بركن في الجراج
صباحك زي القشطة
كلمة حق يراد بها باطل
يعني ما كل الناس بتسرق نسرق احنا كمان
و كل الناس بتسكر نسكر احنا كمان ..... إلخ إلخ ؟؟؟
مانا باقول لك انهم غلطانين .... و بعدين ماهو تقريبا أي ركنة بتبقى تحت أو قدام بيت لو كده محدش فينا يروح في حتة بالعربية و كلنا نركن عربياتنا تحت بيتنا
و لو السلوك ده عم محدش هيعرف يركن في حتة ..... يبقى الصح اننا ما نزودوش ...
محدش ادى لحضرتك الحق ده غير نفسك ..... دي ملكية عامة .....
الركنة في اي مكان المفروض تبقى باسلوب First Come, First Served .... يعني اللي ييجي الاول يركن ...... و كل واحد و نصيبه .... حضرتك متضرر يبقى تروح تاجر مكان في جراج قرب البيت و تبقى بتركن بفلوسك و محدش له عندك حاجة
مفيش مبرر لاغتصاب الحق العام .... و الا بقى محدش يزعل من اي مختلس او مرتشي في الحكومة يعمل اي حاجة ... و المبدأ لا يتجزا ..... ال 12 متر مربع اللي حضرتك مغتصبهم من الشارع ما يفرقوش حاجة عن اللي واضع يده على 10 فدان .....
فين الظن؟ انا مازلت على رأيي .... و رأيي كان بناءا على كلام حضرتك اللي مش اقل من 4 اعضاء غيري استهجنوه !!! شفتني ظنيت بيك في ايه؟
حلو المبدأ ده ...... !!! لا تعليق
و منين تيجى السهولة فى شوارع القاهرة الجميلة
انا عند البيت بدفع فلوس علشان اركن في الشارع ههههههههههه:khd:
في اي مكان بروحه بدوخ علشان اركن :dzey:
بركن بسهوله جدا في الشغل لأنه في المقطم وليه مكان ركنتي تحت البيت والحمد لله
انا شايف الركنه دلوقتى فى جمهوريه مصر العربيه بقت مستحيله