تقرير مفابلة الأزهر بارك لأعضاء FRV Club(بالصور )

**kirolloskamal** · 15-03-2010 06:18 PM

مساء الفل علي احلي منتدي و احلي اعضاء
معلش اتأخرت بس و كنت مشغول حبتين
الحمد لله تمت المقابلة في الميعاد اللي كنا محددينه و بجد بجد كانت مقابلة اكثر من رائعة مع العلم ان كان العدد مش كبير بس بالنسبة لأنها اول مقابلة نعملها فكده كويس جدااا و إن شاء الله المقابلات الجاية يكون العدد اكبر
بس انا بجد اتبسط اووووويييي لأني اتعرفت علي شخصيات محترمة جدا فعلا قمة في الاحترام و دردشنا مع بعض في مواضيع كتير و هزرنا و وزعنا علي كل واحد استيكر بتاع frv club كان اخويا اللي عمل التصميم بتاعو و مصطفي ( مشمش ) تكرم شاكراا بطباعته هو اينعم مش باين علي العربية بس اهو ادينا بنبتدي و دي اول محاولة و الفكره بجد تحفه و إن شاء الله بردو المقابلة الجاية (اللي مش عارف هتكون امتي بس إن شاء الله نحاول ترتب واحدة تاني قريب)نبقي نغير لون الاستيكر و نحاول نطبعه اكبر من كده علشان يبان و كمان انا اقترحت اقتراح كده لو عددنا في المقابلة الجاية زاد و بقينا كتير نحاول نكلم ناس من التوكيل يجو يحضروا المقابلة معانا و نحاول ناخد عروض منهم و كده و ادينا شغالين علي تنفيذ الفكرة دي و ربنا يسهل بس شيدوا حيلكوا معانا و عيزين المقابلة الجاية منقلش عن 100 شخص ( شكلي بحلم ) (الفكره دي اقترحتها قبل ما تيجي يا مشمش علفكره ) همتكوا معانا بقي يا رجالة frv club علشان ننفذ الفكره دي اما بالنسبة بقي للأعضاء اللي حضروا المقابلة فهم :

[IMG][/IMG]

1 - عمرو عبد الفتاح ( amrakl )

[IMG][/IMG]

2 - مصطفي حسين ( meshmesh )

[IMG][/IMG]

3 - كيرلس كمال ( kirolloskamal )

4 - خالد عزيز (معلش بقي يا خلود مش عندي صورة ليك )

و ده بقي تصميم الأستيكر اللي وزعناه :

[IMG][/IMG]

و دي شوية صور اتصورناها مع بعض ياراب تعجبكم :

[IMG][/IMG]

[IMG][/IMG]

[IMG][/IMG]

[IMG][/IMG]

اهو يا عم خالد علشان ما تضربنيش اخر صورتين طالع فيهم اهو بس ليه واقف ورا كده متقرب شوية حبيبي يا خلود

عقبال المقابلة الجاية بقي و نشوفكوا علي خير :10D5C8~1107:

**khaledazizeg** · 15-03-2010 06:20 PM

بجد كانت مقابلة جميلة جدا
بس ياريت الناس تيجى المرة الى جاية

**kirolloskamal** · 15-03-2010 06:24 PM

المشاركة الأصلية كتبت بواسطة khaledazizeg

بجد كانت مقابلة جميلة جدا
بس ياريت الناس تيجى المرة الى جاية

يا ابني فين الصورة ؟؟؟؟!!!!!!

**Mostafa Hessen** · 15-03-2010 08:24 PM

بجد كيرلس تعب جامد

الراجل ده بصراحة كان نفسه انه الناس كلها تيجى وبعت رسائل وايميلات وتليفونات وهو فى كلية الطب وانا اعرف ان وقته ضيق جدا

وكمان هو اللى نزل الموضوع ...

بجد تحيه كبيرة لطبيب المستقبل كيرلس واللى انا اتوقع له مستقبل كبير
جراح قلب مشهور ان شاء الله

وبجد المقابلة الأولى دى كانت رااائعه والملاحظ ان الناس دى دمهم خفيف جداوتحس انهم يعرفو بعض من زمان وده اللى بيخلينى اتفائل انهم العلاقة الطيبة دى حتستمر ...

وتحيه كبيرة جدا لخالد وعمرو وكيرلس على التجاوب والحضور وتحيه اخرى للحظ لم يسعفه للحضور واعتقد ان من الموضوع ده ياريت الكل يشارك فى المقابلة اللى جايه ان شاء الله...

بالتوفيق للجميع مع اطيب امنياتى وتحياتى

**khaledazizeg** · 16-03-2010 04:17 PM

المقابلة بجد كانت جميلة والاجمل انى اتعرفت شخصيا باهل المنتدى
مصطفى باشا وعمر عبد الفتاح باشا والبرنس كيرلس
وان شاء الله المره الى جايه نبقى اكتر ونتناقش فى مواضيع هامة جدا وان شاء الله هيبقى فيه مفاجئة حلوة المرة الى جاية

**Mostafa Hessen** · 17-03-2010 01:33 AM

المشاركة الأصلية كتبت بواسطة khaledazizeg

المقابلة بجد كانت جميلة والاجمل انى اتعرفت شخصيا باهل المنتدى
مصطفى باشا وعمر عبد الفتاح باشا والبرنس كيرلس
وان شاء الله المره الى جايه نبقى اكتر ونتناقش فى مواضيع هامة جدا وان شاء الله هيبقى فيه مفاجئة حلوة المرة الى جاية

ازيك يا خالد وانت الأجمل على ذوقك

وعايزين نعرف بقة المفاجأه ايه علشان نشجع الناس وانا عارف انك بتسعى فى موضوع كبير
وفيه فائده للجميع

بهنيك على الروح دى

وبالتوفيق