الشارك الخليجى

**Ahmed.TV** · 15-03-2010 08:57 PM

حد يعرف اسعار فئات الانسر الشارك الخليجى كلها ومواصفاتها كمان

**Ahmed.TV** · 15-03-2010 11:23 PM

طيب حضرتك بتقول الهاف سبورت زيادة جنوط وabs وكاسيت ب120 الف واللى بعدها بكام وفيها ايه وايه رايك فى سحب العربية وفيها عموما

**Ahmed.TV** · 16-03-2010 02:32 PM

المشاركة الأصلية كتبت بواسطة kikooooo

هو حضرتك لسه بتدورررر يا استاذ احمد :))...ربنا ييسرلك الاحوال وترسى على عربية ان شاء الله..
انا سه شارى شارك من اسبوعين ودى كانت الاسعار وقتها:الخليجى اللى عند ناشونال موتورز كلها اردنى..انا كنت حاسس كدا لما سالته عن البادج بتاع مواصفات الخليجى قالى مش بيبقى موجود ال فى الهاى لاين..بس انا كبرت على اساس الباشمهندس طارق قال مافيش فرق غير فى الكماليات..هو قاللى اماراتى ..سعودى..بس انا اتاكدت من رقم الشاسيه اربع ارقام
وكنت اتصلت بسمير ريان قاللى اردنى وفيها اى بى اس ومافيهاش سى دى بلاير...اتصلت مرة تانية قالى سعودى وفيها اى بى اس و ب 120...اتصلت اخر مرة رد عليا واحد تالت قاللى سعودى ومن غير اى بس اس و ب 120 برضه:)
انا كنت خلاص مش قادر الف تانى وكانت اللى عند ناشونال موتورز عجبانى كاسعر وابشنز فاتكلت على الله وجبتها على طول (وربنا يهدى المعارض والبايعين يارب)

والعربية بقى الحمد الله جميلة جداا من جوه وبره وسحبها معقول جداا..انا لسه بلين وجابت معايا 100 و 120 مرتين تلاتة من غير ما احس وكان الار بى ام لسه فى حدود 2000
وصوته ما بيعلاش الا لما تكبس البنزين وعزلها رائع وما كلتش اى مطبات والاحساس بابعاد العربية جميل جدااا
واحلى من اى عربية كورى كشكل ..واكيد كمضمون برضه

يارب اكون افدتك وربنا يوفقك

انا بتفرج على رنج العربيات الل فى سعر ال115 الى 120 الف بالكتير وبعدين انا قدامى اصلى فرصة عقبال ما ابيع عربيتى ولو اتباعت حنزل على طول على ريان ومش حيون قدامى الا السيراتو وممكن الشارك ولو شارك يكون من عند ريان او ناشينوال لانه متخصص فى بيع الشارك , بس انا لسه مش عارف الشارك اللى 120 الف فيها ايه وربنا يكرم اصلى مكنتش حاطتها فى دماغى ومكنتش شايفها ولا بتفرج عليها , ومن خلال كلامكم وكان كلام المهندس غازى عنها فتح عنيه على العربية الشارك , هى الفلوس اللى حتحكمنى وربنا يكرم
هو السعودى مش بيتكتب على القايم ولا ايه
وبجد شاكر مساعدتك يا فندم وبجد سعيد بمعلوماتك اللى افتدنى بيها ولو امكن تبعتلى ممكن على الخالص رقم حد من المبيعات فى ناشينوال من اللى باعو لحضرتك
بس لو العربية حلوة بجد يبقا هى ملظومة فى قسم متسوبيشى , وبعدين هى اخبار استهلاك بنزينها ايه , والفتيس بتعها كام سرعة

**Ahmed.TV** · 16-03-2010 03:04 PM

على فكرة انا اتصلت بيهم وقالولى الفئة اللى فيها abs اعلى فئة وقالولى ب130 الف ده كتير اوى

**kikooooo** · 16-03-2010 09:22 PM

kikooooo how did you know en national motors kolo ordonyyyyy and what is the difference

انا كنت شاكك من التحوير فى الكلام وان البادج مش موجود

بس لما جبت العربية كنت بقلب فى الموضوعات هنا لقيت رد قديم للباشمهندس طارق..مش فاكر فى انهى موضوع بالظبط

ان مواصفات الخليج لازم يجى معاها طفاية وشنطة اسعافات..وان رقم شاسيها من حوالى 7 ارقام
انما المصرى والاردنى بتبقى كماليات اقل ورقم الشاسيه من 3 او 4 ارقام بس...وانا عربيتى 4 ارقام..ومعايا ورق التخليص الجمركى للدفعة اللى جاية شهر 8 دى كلها من اربع ارقام !
جايز كان عنده قبل كدا مواصفات اردنى ومواصفات سعودى...(كنت قريت ان عنده هاف سبورت ب 123..وتانية ب 125 زايدة اى بى اس واير باج وغطا موتور...جايز التانية دى كانت سعودى ..الكلام دا كان من شهر 9 تقريبا
بس انا لما سألته عن اى عربية فيها اى بى اس ..قاللى خلصو كلهم للاسف...الحاجات دى ما بتقعدش (وانا كنت فاهم اساسا من احد المواضيع هنا ان كل الخليجى بدون اى بى اس..وان ناشيونال موتورز هو اللى بيستورد كل العربيات الشارك الخليجى..فعشان كدا كنت راضى ..وجايز اتسرعت ..بس الحمد العربية كاوبشنز وسعر شايفها مناسبة جدااا..وناس كتير قاللولى ان الاى بى اس مش هيفيدك اووى..خصوصا انى مش بتاع شد ولا غرز...فكبرت دماغى..وبس

**kikooooo** · 16-03-2010 09:48 PM

حاجة اخيرة بقى..هما قاللولى ان كل العربيات الخليجى من عندهم..قلتلو ازاى اذا كان عند سمير ريان نفس السعر !..قاللى ان سمير ريان بياخدوها تجارى ومكسبهم فيها 100 او 200 جنيه مش فارقه معاه !!

وحاجة برضه حسيت من كلامهم ان مكسبهم فى الشارك اقل من العربيات التانية ..كانو بيدللو على السيراتو..والسوزوكى برضه مش عارفين يبيعوها...فا متحولش تخلى اى حد يغير دماغك