ليه الناس كلها تحديدا الشعب المصرى بيحب يفتى

**AboELsoud** · 16-03-2010 07:49 PM

يا جماعه لا انتوا فاهمين غلط هي المشكله ان مفيش حد مبيحيش يساعد .......لازم كله يساعد
طبعا هي بتيجي عليك في الاخر
بس دي حاجه حلوه مش وحشه

**alf2boshra** · 16-03-2010 07:58 PM

يا جماعه إنتوا في مصر ..
أحكيلكم فتوايتين تلاته .. أنا صاحب مكتبة إسمها مكتبة الألفي ومن وسط شغلي كتابه الأبحاث .. جالي واحد (( طبعا عامل ولا العلامة كريستوف كولومبوس )) معاه فلاشة عليها حاجات عاوز يطبعها .. وأنا مالييييييييييييييييييييش مزاج لأنها بجد بتبقى مقرفه تقريبا باعيد اللي عامله من تاني قلتله معلهش الجهاز فيه مشكله ( معلهش باكتبها عربي اسهل ) في السنترال بروسيسنج يونيت .. ( أنا باضحك عليه ) قالي ماله يعني الويندوز ضارب ولا ايه ؟ ( الفتاوي اشتغلت ماهو الراجل علامة بقى ) قلتله مش الويندوز دول السنترال بروسيسنج يونيت التسعه خمسه منهم فاصلين مرة واحده يعني نص باور الجهاز واقف فالجهاز مهنج ومش حاسس بالبرنتر فمش هيشوف الفلاشه بتاعتك .. وعييييييييييييش مشيته طبعا .. وبرضه لو حد جه بشغل على فلاشات باقوله معلهش الجهاز عندي فور إيه تي سكس ( 486 يعني ) [[ وده كان قبل البينتيوم حاجه كدا تشل .. انا باشتغل في المحروق دا من 1994 تقريبا خبره يعني ]] فالزبون يصدق وممكن يقولي ايه ده مواصفاته ورواياته .. وبما إننا في مكان العربيات من إهتماماته اقولكم على حاجه دايما لما احب اتخلص من اي موقف في المكتبة أجيب العيب عند الجير بوكس وباعتبره مسئول عن كل حاجه بدء من تنظيف زجاج الفتارين لغايه ورق لف الهدايا لو متكرمش ومرورا بالدباديب الفرو لو ألوانها بهتت .. ياجماعه الناس بتحب الفتاوي مُـصدرة لها ومُــستوردة أيضاً . ألفي بشرى

**factorialx** · 17-03-2010 01:21 AM

( 486 يعني ) [[ وده كان قبل البينتيوم حاجه كدا تشل .. انا باشتغل في المحروق دا من 1994 تقريبا خبره يعني ]]

فاكره يا مان أياااام جامده
أنا لما جبت كمبيوتر بانتيوم عليه ويندوز 95 كنت هاطير من الفرحه و فاكر الفتي و الفتايين بتوع الكمبيوتر
الويندوز ضارب دا مليان فيروسات إوعى تطفي الكمبيوتر و تشغله على طول الداتا تتحرق
أوعى تدخل على السيف مود لتبوظ الجهاز
الجيمز بتبوظ الكوبيوتر
و ناس كانت بتقول على الويندوز " النوافذ "
ياه الكوبيوتر ده مجال شغال فيه فتايييين بالعبيط قليل لما تلاقي واحد فاهم

**alf2boshra** · 17-03-2010 10:43 AM

المشاركة الأصلية كتبت بواسطة factorialx

فاكره يا مان أياااام جامده
أنا لما جبت كمبيوتر بانتيوم عليه ويندوز 95 كنت هاطير من الفرحه و فاكر الفتي و الفتايين بتوع الكمبيوتر
الويندوز ضارب دا مليان فيروسات إوعى تطفي الكمبيوتر و تشغله على طول الداتا تتحرق
أوعى تدخل على السيف مود لتبوظ الجهاز
الجيمز بتبوظ الكوبيوتر
و ناس كانت بتقول على الويندوز " النوافذ "
ياه الكوبيوتر ده مجال شغال فيه فتايييين بالعبيط قليل لما تلاقي واحد فاهم

أنا لما جبت كمبيوتر بانتيوم عليه ويندوز 95 كنت هاطير من الفرحه
====================
أنا قبل منك .. أول جهاز إشتغلت عليه ما كانش عليه ويبندوز كان إختراع كده إسمه سلسبيل أو فانسي سوفت .. المهم ماكانش ليه هارد ديسك وكان بيعتمدج إعتماد كلي ع الرامات ( وشكلها كانت عُـشر ميجا هههه ) المهم نحط ديسك البرنامج في الدرايف الخمسة وربع ( قديييييييييييييييم ) يروح البرنامج منقول ع الرام نروح مطلعين الديسك ونحط ديسك جديد نكتب ونسيف الكتابه ع الديسك وهلما جره .. من أفظع مغامرات النوع ده معايا إني مرة كنت مألف نص مسرحي وراجعته وقطعت المسودات ورايح بالديسك عند مصطفى عبد التواب صديقي الاكبر مني وهو اول حد علمني يعني إيه حرقة دم - قصدي كمبيوتر - المهم نحط الديسك اللي عليه المسرحيه اللي اتراجعت وبروفات الورق بتاعها اتقطعت نلاقي الديسك شوربه .. أقسم بالله ان الديسك دا لو ادور هالاقيه لدلوقت في دولاب الذكريات الألييييييييييييييمة . طبعا إضطريت أعيد كتابتها معتمدا على الباقي منها في ذاكريت يعني ألفتها من تاني .. واول جهاز جبته كان 486 وفيه هارد 248 ميجا أنا فاكر مرة واحد وقف بحمار قدامي وانا شغال عليه مندهش ( كنت بالعب وولف ) وقالي انت ياللي نعسان على نفسك في التلفزيون الابيض اللي قدامك ده . بصيتله قالي الماتش كام كام عندك !!! (( عندي دلوقت 500 جيجا وبروسيسور دول كور وعاوز أحدث )) وكان عليه ويندوز 3.1 ولما طورته بقي ويندوز 3.11 ثم 95 ثم 98 ثم كل تحف بيل جيتس وميكروسوفت اللي حرقوا دم العالم كله . ياااااااااااااااااااااااا ااااااه أياااااااااااااااااااام . ألفي بشرى