السلام عليكم
عندى مشكلة بسيطة فى فرامل 405 مو 95 1600 cc
وهى انى بحس ان الفرامل خفيفة شوية , والمشكلة انى خايف اروح للميكانيكى لانه مابيسميش على حاجة .. بيغير جديد علطول .. معندوش رحمة
فهل يا ترى العيب فى ايه وفى حدود كام
وشكرا
عرض للطباعة
السلام عليكم
عندى مشكلة بسيطة فى فرامل 405 مو 95 1600 cc
وهى انى بحس ان الفرامل خفيفة شوية , والمشكلة انى خايف اروح للميكانيكى لانه مابيسميش على حاجة .. بيغير جديد علطول .. معندوش رحمة
فهل يا ترى العيب فى ايه وفى حدود كام
وشكرا
مكن تكون دورة الفرامل فيها هواء مش اكتر
او تلاقي ماستر خلفي من الماساتر ضارب
فعلا احتمال اخد هوا
او تغير طقم جلد مساتر ورا وقدام ب 40 ج
او التيل اللى ورا اتاكل وعاوز رجلاش او تغيير او ملى ب 80 ج
شكرا يا رجالة
انا كدة اروح للميكانيكى بقلب جامد
توكل علي الله
توكلت على الله وروحت امبارح للميكانيكى السفاح بس بصراحة ظبطنى
اول ما فك الكاوتش وشال الطنبورة قالى عايزة تغيير التيل و 2 ماستر خلفى والسوست والرجلاش والطنابير ... قولتلو بس كدة قالى اه بس كدة ,,, قولت لة مش عايز كمان تغير فردتين الكاوتش ... قالى لا الكاوتش شغال كويس وانا بقولك على الصح ... المهم الشيطان لعب فى دماغى اغير ماغير اغير ماغيرش .. سالتة الحاجات دى تتكلف كام ؟؟
قالى كلم بتوع قطع الغيار واعرف بنفسك المهم كلمت ناس اعرفها قالولى الاتى :
الرجلاش 100 (القديم كان مكسور وملحوم وعاملين له وصلة بافيز)
2 ماستر خلفى 220 بندكس ( كان جايب زيت حواليه كتير )
2 تيل خلفى 135 بندكس ( بيقولى ان القديم كان معمول عمولة على الايد وجاب البرشام )
طقم سوست 55 ( كانت مصدية وشكلها وحش )
علبة زيت فرامل 12
2 طنبورة 350 بندكس ( كانت محفورة من الداخل عاملة زى القلاووظ )
الميكانيكى قالى الحاجات دى تعبانة جدا ولازم تتغير وفيه اسعار ربع الاسعار دى لكن مش اصلية ومش حتعير معاك ...
المهم فضلت افكر وافكر اغير ولا بيشتغلنى ولا بيستهبل ولا عندة حق
المهم وافقت وقولت امرى لله اغير ولاخلاص لكن جيت عند الطمبورة وعملت ناصح وقولت لاااااااااااااااااا عايزها استيراد (الراجل جاب 2 حالتهم حلوة وناعمين من جوا ب 200 جنيه )
يعنى 100 + 220 + 135 + 55 +12+200 = 722
وهو خد 100 جنيه مصنعيه بس خليته ربط العفشة كويس ورا وقدام ونفخ الموتور هوا وخلا صبى من عندة نضف الكبوت من جوا بفوطة زفرة وشوية حاجات صغيرة كدا ....
وقالى عدى عليا بعد اسبوع اعملك رجلاش تانى
ها ... اللى حصل دا صح ولا غلط ... وهل كان لازم يحصل ولا الراجل اشتغلنى
الحمد لله فى فرق كبير جدا فى الفرامل عن الاول ... اصبحت اقوى بكتير .
بس فيه سوألين
1 - صوت الفرامل هادى جدااااااا او بدون صوت تقريبا .. غير عربيات تانية كتيير الواحد بيسمع صوت الفرامل بتاعتها ... هل الصوت دليل قوة ام لا ؟؟؟؟
2 - حاسس كدة ان العربية متكلبشة او مخشبة انا مش عارف اوضح بالظبط رغم ان
السحب كويس جدا
-الفرامل الجديدة مافيهاش عيب لانى رفعت العربية من ورا ولفيت العجل براحة وكان بيلف معايا مرتاح مش قافش ..
- الزوايا مظبوطة مش بتحدف
صوت الموتور معقول و ال rpm مظبوط مش عالى
بس مش عارف انا مش انا - العربية مش بتفط كدة مع حتة خشونة خفيفة اوى ومكلبشة مش مخنوقة لاحظو الفرق
عاملة جى اللى ماشى وضهرة واجعة