نزلت التوفيقية اجيب شوية حاجات للعربية وبالمرة اشتري سي دي محترم علشان اسعار الاجهزة هنا غالية
المهم رحت عند محل اسمة ارخصهم في التوفيقية وعرض عليا انواع الاجهزة الموجودة
وقالي البيونير احسن حاجة وبيبتدي من 460 جنية الي 1200 جنية
انا بصراحة عجبني جهاز اسمة 4150 بس دة كان غالي شوية
فاشتريت 2150 ب 600 جنية ولما جيت هنا وركبتة طلع جهاز كويس .... واليكم نتائج التجربة:-
1- جهاز سريع جدا سواء في الفلاشة او الاسطوانة ولما تدخل الاسطوانة مش بيكمل ال5 ثواني ويكون قراها
2- فية خاصية اسمها s.retrive ودي بتعالج الاغاني المطغوطة ... يعني مثلا لو الاغنية مساحتها الاصلية 7 ميجا وانت طاغطها الي 3 ميجا اكيد الصوت بيتاثر والخاصية دي بتعالج تاثر الصوت
3- فية مستويين لتضخيم الصوت loud ودي تعتبر ميزة لو السماعات بتستحمل bass عالي
4- فية حاجة اسمها sla بصراحة مش عارف بتاعت اية بس لما بتشغلها بتدي ضعف خرج الصوت اللي طالع
5- مفيهوش (hpf ولا lpf )
6- الشاشة سطر واحد بس
دي نظرة سريعة للجهاز ... وعايز اسالكو علي حاجة انا حاسس انة ضحك عليا في السعر علشان لقيت واحد هنا بيقول انة جايبة ب 550 جنية فياريت تردو عليا في موضوع السعر دة
المفضلات