الموضوع: ((((أسئلة انترفيوهات الخطوبة قواعد و شروط )))))

المشاركة الأصلية كتبت بواسطة نور القمر

واللي مش معاه يجيب شقة تمليك على اقل تقدير 100 الف وشبكة ب 10 الاف مثلا ويفرش ب 30 40 الف بلاش يتجوز !!
واللي يجي لبنتهم عريس معندوش الامكانيات دي يخلوها جنبهم احسن !!
يبقه في الحالة دي السواد الاعظم من شباب وبنات مش هايتجوز
زي ما في نماذج سيئة في نماذج طيبة
احنا في عيلتنا الشبكة الكبيرة والفرش على العريس
صحيح محدش من البنات اتأخر في سن الجواز بالعكس كلهم اتجوزوا على اقصى تقدير بعد التخرج
لكن مش معنى كدة اني اوافق واحدة ترفض العرسان لان امكانياتهم بسيطة
وواحدة قريبتي يتيمة الام من طفولتها وعاشت طفولة مؤلمة بين عذاب زوجة الاب فترة وبين جدتها وجدها لامها فترة طباعهم صعبة وكانت تقريبا شغالة خدامة لخلانها واولادهم
لما جالها عريس ابن حلال لكن امكانياتها بسيطة وهايسكن مع والدته والشبكة خاتم والفرش حجرة نوم فقط لاغير العيلة كلها انتقدت ابوها وانه باعها بالرخيص وبالرغم من كدة كان في محاولات صريحة من زوجة الاب لتطفيش العريس والتشكيك في اخلاقها لولا كياسة الشاب وفهمه لكيد النساء كان صدق
نشوف دلوقت حالها ماشاء الله ربنا يزيدهم ويبارك لهم شقة تمليك ودهب وعربية زيرو والتزام ديني وصل لدرجة النقاب وطفلين ربنا يخليهم
لو كان باباها سمع كلام العيلة كان هايبقه ايه وضعها دلوقت ؟؟؟؟؟؟

نور علي فكره انا ضد المغلاه في المهور و الطلبات

بس انتي الحاله اللي قلتيها لو لا قدر الله كان زوجها طلع انسان وحش و قليل الاصل و بهدلها كان هيبقي ايه موقفها دلوئتي

كانت هتتبهدل هي و اولادها لان مافيش شقه هرتوح للقاضي تقوله ايه كنت ساكنه في اوضه؟

و حتي الشقه اللي فيها الاوضه مش باسمه , يعني دا يعتبر من الاستثناء و تحمد ربنا انه سترها معاه و طلع جوزها ابن ناس

و بعدين ماحدش حدد شقه تمليك بسعر كام مافي شقق في اسكان الشباب و بالتقسيط المريح

و كل واحد او واحده اكيد هيرتبطوا بحد من مستواهم الاجتماعي و المادي يعني هتلاقي اللي هتقبل بشقه اسكان شباب بس اهم شئ انه يكون لها مكان بدل ما تترمي في الشارع هي و واولادها

و علي فكره دا حقها و ماتفرطش فيه لانه مش حقها هي بس دا حقها و حق اولادها اللي هيتبهدلوا معاها

و خير الامور الوسط و كل واحد يخطب واحده من مستواه الاجتماعي و المادي و كل واحده بردوا تتخطب للي من مستوها الاجتماعي و المادي

المشاركة الأصلية كتبت بواسطة نور القمر

عمر الشقة التمليك ولا المؤخر الكبير ولا الشبكة الكبيرة هايضمن لها حياة مستقرة وسعيدة
في الاخر الزوج ده زي البطيخة وكل واحدة ونصيبها
لو عايز امثله ونماذج هولك
واحدة تاني قريبتي اتجوزت في شقه تمليك فخمة وشبكة كبيرة ومؤخر كبير
المشاكل بينهم من اول شهر زواج
بعد شوية باع الشقة التمليك واخد شقة ايجار جديد في اسكان الشباب في الصحراء
العمارة بالكتير فيها 3 سكان
بيتلكك ويسيب البيت بالشهور هي واطفالها من غير مصروف
مكرها في عيشتها ضرب واهانه وتهديد بالطلاق
مفيش في المنطقة الا محل واحد عبارة عن بقاله وفرارجي وخضار
حتى المية لازم تشتريها لان مية الحنفيات غير صاالحة للشرب
شافت في عربيته عقود زواج عرفي فاضية
بيكرها في عيشها بكل الطرق خصوصا بعد وفاة والدها عشان تقول حقي برقبتي ويوم ما يفيض بيها وتطلب الطلاق هايقولها ابريني
قوليلي دلوقت الشقة التمليك اللي باسمه هاتنفعها بأيه ؟؟؟

انتي مافهمتنيش بردوا يا نور

انا قلت ان مافيش مقياس سواء للنموذج الكويس او التموذج الوحش

بس فيه ادني حقوق لازم يتم المحافظه عليها

انا نفسي ليا واحده صاحبتي زوجها مليونير و مطلع عينها و عمل نفس اللي عمله زوج قريبتك

يعني فيه الوحش و فيه الحلو ومادام احنا عارفين كده يبقي من حق البنت انها تضمن اقل الحقوق و هتكون عملت اللي عليها حتي لو قالها ابريني مش هتقول يا ريتني طلبت و طلبت

يعين العمليه مش هتكون بايظه من كل النواحي

سبحان الله يعني الراجل لما يجي يختار عروسه لازم يختارها علي الفرازه تكون حلوه جدا و ستايل و دمها خفيف و من عيله و مستواها الاجتماعي عالي و التعليم لازم يكون عالي و كمان لازم تشارك في الاثاث

قولي كده لحد من لاي عريس فيه عروسه مش عايزه اي حاجه اللي انت تجيبه سواء شقه تمليك و لا ايجار بس هي مش هتشارك في اي شئ هتيجي بشنطة هدومها و شوفي الرد هيكون ايه من اهل العريس قبل العريس نفسه

دا وصل الحد لو فيه عروسه من منطقة متوسطه مثلا زي جسر السويس و العريس من مصر الجديدة يقول لا مش عايز واحده من جسر السويس

يعين لما العريس يدور علي اللي افضل له ما نعبش عليه و لما البنت تدور علي ادني الحقوق نعيب عليها و علي اهلها

و لو بصينا علي الزوجات فيه زوجات الله يعين ازواجهم عليهم بيكونوا مبهدلين الراجل تمام التمام و بتاخد حقها تالت و متلت حتي لو بالظلم

يعين الظلم ممكن يكون من الراجل او الست و ماحدش بيعرف الغيب بس فيه اساسيات لازم تحترم امال ربنا شرع المهر ليه تقدير للمرأه و انه يكون كله لها مش تشارك به في العفش لا و بتضيف عليه كمان