السلام عليكم ورحمه الله و بركاته
مرة رحت اخطب ناس معرفهمش
فكنت بسئل على الاسئلة الاساسية فحسوا انى داخل فيهم شمال:khd:
حبيت اشوف تجاربكم مع حوارات و اسئلة الخطوبة كانت اى و ازاى من خلالها نكتشف كل صفات و تفكير الشخص الاخر
عرض للطباعة
السلام عليكم ورحمه الله و بركاته
مرة رحت اخطب ناس معرفهمش
فكنت بسئل على الاسئلة الاساسية فحسوا انى داخل فيهم شمال:khd:
حبيت اشوف تجاربكم مع حوارات و اسئلة الخطوبة كانت اى و ازاى من خلالها نكتشف كل صفات و تفكير الشخص الاخر
انا يابشا كان جوازي جواز صالونات
في الأول تسأل أسئلة عامة للتعرف على الأب والأم واعضاء العيلة فرداً فرداً
بس والباقي حسب ما ربنا يفتح عليك
ويفضل ان يكون معاك ممثل عنك اكبر منك في السن
هى النصيحة الاحسن
انك ماتفكرش فى الجواز دلوقتى
انا رأيي انك لا حد يروح يخطب و لا يحزنون
خلينا مركزين في اكل العيش احسن و لا ايه ؟
ياراجل ياطيب بقى رسول الله يأمر بالزواج ويقولك من سنتى وربنا يديك عليه ثواب ويوسع لك رزقك وينعم عليك باحساس الرجوله والمسئوليه ونعمة احساس الابوه اللى محدش هايقدر يوصفهولك حتى الابهاتاقتباس:
هى النصيحة الاحسن
انك ماتفكرش فى الجواز دلوقتى
وانت تنهى عن الزواج
عارف انا لحد قريب اوى كنت بقول زيك لحد ماقابلبت راجل كبير بتاع ربنا وماسابنيش الا لما حسسنى فعلا بخطأ كلمة (أنا كده كويس بلا جواز بلا وجع دماغ ) مش كده وبس ده كمان خلانى اردد دعاء اللهم زوجنى اللهم زوجنى اللهم زوجنى
اللهم لا تجعل لى خيارا فى زوجتى وارزقنى ذات الدين والخلق
اقتباس:
انا رأيي انك لا حد يروح يخطب و لا يحزنون
خلينا مركزين في اكل العيش احسن و لا ايه ؟
خليك مركز فى اكل عيشك ومش هتاخد اكتر من اللى ربنا قاسمهولك وربنا قاسملك رزق شخص اللى هو حضرتك انما لما تتجوز هايقسملك برزقك ورزق زوجتك ورزق اولادك
انت مش شايف اللى بيقبض 300 جنيه وفى ناس كماتن مالهاش دخل وعلى الله وعلى الرغم من كده مخلفين عشر عيال وعايشين وبياكلو ويشربوا ويلبسوا وكمان لاقيين حته تسترهم
ماسالتش نفسك قبل كده دى جت ازاى؟؟؟
انا معاك بس الواحد خايف من الجواز اليومين دول
البلد حالها صعب
وانت هتجيب لنفسك هم علي همك
انا نفسي مش قادر اخد قرار في الجواز
مابين عقلي القاصر ومابين امر الله ورسوله
وهو ده اللي تاعبني اني مش قادر اغير امر الله ورسوله وفي نفس الوقت خايف علي الاسره وعلي العيال الصغيره من الدنيا وبلاويها
الواحد محتاااااااااااااااااااااا ااااااااااااااااااااااااا ااااااااااااااااااااااااا ار!!
فعلاااااااااااااااااااااا
انا حاسس ان الجواز مجرد مشكلة كبيره وبس
مشاكل اخري زي عدم القدره علي تحمل المسئوليه "مش عايز اشيل هم حد تاني" وواحد يقولك انا كده كويس بروح و باجي براحتي مش عايز حد يقولي كنت فين و مع مين حاجات من دي كتيييير و ممكن عدم الاهليه اصلا و حاسس انه ليسه صغير علي الارتباط و انه يفتح بيت و كده يعني
لو سمحتوا يا جماعة محدش يحول الموضوع بتاع رفض الجواز ده انه ضد الدين و ضد السنة و العياذ باالله
الرسول لم يقل المهر 30 الف
لم يقل الشبكة 25 الف
لم يقل الشقة 150 متر فى التجمع
لم يقل العربية لازم تكون صالون
لم يقل الست تشتغل على حساب راحة جوزها و تربية عيالها
لم يقل العيال لازم يخشوا مدارس لغات و ياخدوا دروس يعنى وجع قلب بالليل و النهار غير المصاريف
لم يقل ان البنت تسمع كلام أمها على حساب كلامى ( الحالة السائدة)
لم يقل ان الولد فى س ال 10 سنين يبقى وسائل الاعلام و السينما و المجتمع و الثقافة المحيطة بيه مفهماه اكتر من سنه بكتير و مفهماه انه لما يقول لا و خلاص يبقى كدة راجل
لم يقل ان جيل باكمله لم يتعود على تحمل المسئولية ( ذكور و اناث ) المفروض انه يجيب اطفال و يربيهم , اللى بيحصل ان الجيل ده بيرجع لابوه و امه عشان يربوا احفادهم !!
................
أنا ممكن اكتب من هنا لبعد بكرة الصبح لكن المقصود ان معظم المفاهيم الاجتماعية عامة و مفهوم الجواز خاصة تشوهت تشوه مبين , لحد ما بقت مسخ مشروع اجتماعى يسمّى --ظلما و عدوانا على ما امر به الدين -- بالزواج...
هو دا الكلام الصح
فتن و مغيرات الحياة خلت الشعور ان الطرف الاخر حيهتم بينا و يخاف عليا انعدمت
اما لو الانسان فكر فيم امر الله به و رسولة و جهة نظرة للزواج حتتغير خالص
اهم حاجة التدين الصح مش مجرد صلاة
انا اتقدمت لناس قالوا بنختارة على دينه و خلقة و مقدرته
عند التنفيذ لقيت عكس كدة خالص
و تاكدت ان تدينهم سطحى و لو كانوا فعلا يخشوا الله و رسولة كانت الامور مشت من زمان
بصو ياجماعة انا اللي هايقولي عايز اتجوز هاجري وراه في المنتدي كولو ومش هاسيبو
خالوني ساكت احسن :dontudear::dontudear:
بردة محدش حكالنا على اسالة اسالها او اغرب مواقف قابلها مقابلات للخطوبة انا عن نفسى طلبوا منى فى الخطوبة انى اجيب مواسم
حد يعرف مواسم دى يعنى اية ؟؟
وبعدها قالولى الصينى على العريس !
مع ان فى الاول كانوا بيشتروا راجل بس بعد كدة بقت حاجة تانية
خلونى مبقتش فاهم مين علية اية وخلعت وكرهت الخطوبة والجواز وحرمممممممممممممممممممممم ت
الجواز فى مصر عبارة عن حوار كلة بيحور على كلة موضوع (دينة وخلقة ) مش موجود بالمرة
بأختصار اجواز مشرع فاشل انا عايز اخطب اكتشفت ان المطلوب منى كم ماهول من الطلبات فى ظل مرتب الواحد شاكك اذا كان ممكن يكملة لنص الشهر
الجواز برة شركة ما بين الطرفين اما هنا الجواز مشروع البنت كل الى عايزاة تلبس فستان الفرح وتعزم صحابها والدهب والقاعة علشان شكلها ويطلع عين ام الى بيجيب مش مشكلة علشان كدة الجواز عندنا شركة قايمة على طرف واحد
مستنى رد على كلامى الموضوع مفتوح للنقاش
موضوع فاشل لان المديات غرقت عقول الناس
كلامك صح يادكتور عمرو جدا وده مش عشان الموضوع الماديات بس وكمان مش انتوا بس اللى خايفين من الجواز البنات كمان خايفه لسبب ان مبقاش فى حد كويس دلوقتى نادر النادر لما تلاقى الطرف التانى يقدر يتحمل مسئوليه وبيت واولاد الخ الخ الخ
وفى العموم منقدرش خير نقول الحمد لله على نصيب ربنا والمقبل على الجواز يقول يارب يارزاق ارزقنى بالزوج الصالح / الزوجه الصالحه
ويهدى الاهل على موضوع الماديات والشكليات اللى فعلا ملهاش اى لازمة فى زمنا ده
والله ياجدعان انا شايف اه ان الموضوع صعب بس انا شايف ان كل واحد ونيته يعنى اللى بيتجوز عشان يرضى ربنا ويعف نفسة اكيد اكيد ربنا بيعينة ويوفقه
وكما قال النبى علية الصلاة والسلام ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف. رواه الترمذي وقال هذا حديث حسن.
اظن مفيش كلام بعد كده
واللى بيسال على المواسم دى عادات سيئة قديمة يابنى وربنا يرحمنا منها وكل محافظة وليها عاداتها بس هيا غالبا بتبقى عبارة عن هدايا فى مواسم معينه زى رمضان نص شعبان المولد كده يعنى ودى الخاطب بيجيب لخطيبته هدايا معينة فى المواسم دى ولما بيتجوز المفروض اهل العروسة هما اللى بيجيبوا المواسم دى (اوعى تسكت على حقك بعد الجواز)
أنا بس عايزة اعلق على الكلام بتاع طلبات أهل العروسة لأن ده اللي بيتقال في أي موضوع بيتفتح فيه سيرة الجواز في المنتدى.
أولا طبيعى جدا ان أهل العروسة يكون عندهم طلبات, يعني المهر االلي انتوا بتتكلموا عليه ده المفروض انه يكون هدية للعروسة لكن الواقع ان فلوس المهر ابو العروسة بيكمل عليه عشان يجيب الجهاز, رغم انكوا لو رجعتوا للأسلام الزوج هو اللي ملزم بكل حاجة, يعني احنا في الزمن الحالي بقى فيه ظلم كبير واقع على البنت اللي بقت مطالبة هي و أهلها بمصاريف كتير و تجهيزات رغم ان ده مش من الاسلام لكن ماعتقدش ان فيه أهل بيقولوا لعريس بنتهم انت عليك كلحاجة و احنا مالناش دعوة.
ثانيا طبيعي لما يكون واحد رايح يتقدم لواحدة بطريقة جواز الصالونات انه يكون عنده الحد الأدنى من متطلبات الجواز و الا العروسة و أهلها بيحسوا انه بيستهبل أو طمعان. و الصح انه من البداية يوضح لهم امكانياته كويس عشان ميبقاش ده محل خلاف بعد كدة. و برده لو ما قبلهوش مينفعش نتهمهم بالطمع لأن هو بالنسبالهم عريس زيه زي غيره معندهمش سبب للتمسك بيه.
مش معنى كدة ان المعيار الوحيد هو المادة, بالعكس انا اللي شفته مع كل صاحباتي و قرايبي ان الأغلب ان الواحدة بتتخطب للي بتكون هي و أهلها مستريحنله و متوسمين فيه خير حتى لو مكانش الأفضل ماديا بين خطابها انما اللي أقصده انه مينفعش واحد يروح يتجوز جواز صالونات و هو مش محدد ايه اللي حيعملوا في متطلبات الجواز.
ثالثا لازم الشباب يكونوا فاهمين ان البنت لما بتتخطب بتكون مستنية من خطيبها هي و أهلها انه يعمل أقصى ما في وسعه عشان يجيبلها كل اللي نفسها فيه. المسألة مش مسألة فلوس بس, المسألة ليها علاقة بأحساسها بأهميتها عنده و بيديها انطباع انه بعد الجواز حيبقى كويس معاها و لا حيستخسر فيها. طبعا الكلام ده كل واحد حسب امكانياته. يعنى كمثال أنا لما جيت اتجوز جوزي كان لسة متخرج و في بداية حياته و كانت امكانياته على قده, فأنا والدي كان بينصحه انه ميعملش فرح و يوفر الفلوس لحاجة في البيت, انما هو عمل الفرح عشان أنا كنت حموت و نعمله. لما جت أختى الصغيرة تتجوز جوزها مكنش عايز يعمل فرح عشان شايفها مصاريف ملهاش لازمة انما والدي و والدتي هما اللي أصروا على الفرح و قالولوا انهم عايزين يفرحوا بيها. الفرق بين الموقفين انه جوزها امكانياته كانت تسمح انه يعمل فرح و هو اللي مش عايز فهما تمسكوا برأيهم, انما انا عشان جوزي امكانيته كانت ضعيفة كانوا بيحاولوا يوفروا عليه.
انا أسفة ان أنا طولت عليكوا و خرجت بره الموضوع أنا بس عايزة الشباب ميكونش حاطط في دماغه حكاية ان العروسة و أهلها ماديين دي لأن الموضوع حسب الظروف و فيه ناس كتير كويسة و مش هدفها الأول الماده انما ساعات يبان غير كدة.
يابني انت مافيش فايده فييييك يابني انت تعبتني مانت مشترك في المنتدي و في الف موضوع تتكلم فيهم اشمعنا لما النوعيه من المواضيع دي بتتفتح بترد حلاوه يعني يابني ارحم نفسم و ارحم الشعب منك شويه :44:
تصدق ياميكاوي انك متعب جدا و مش هاينفع تقتنع باي حاجه و الحمد لله انت بتفكر في حاجات كتيير و كلها مشاكل و قرف حاول تبص للجانب المشرق من الموضوع و بعدين ياخي مش قولتلك قبل كده لكل قاعده شواذ دا علي اساس انك واخد الكلام اللي انت قولتله دا قاعده عامه لاي علاقه زوجيه و دا في حد ذاته نظره تشاؤميه لمستقبل حاول بقي تبص للموضوع من ناحية عاشره يمكن تلاقي فيه حاجه كويسه لو سمحت
وليد عمّى و عم عيالى , كنت عارف انك هتخش تسكعنى الكلمتين دول :khd:
و الله يابنى مش فكرة تشاؤم و لا كمان فكرة ماديات , الماديات جزء و لكنى لا اريد تسطيح المشكلة على انها فكرة فلوس
ادينى اديتلك قائمة مشاكل غير الفلوس ..... يعنى مثلا انا شحط اهو عندى 24 سنة و بشتغل و مع ذلك لسة عايش مع ابويا و امى زى كل شباب مصر , زمان ايام الناس اللى بجد كان اسامة ابن زيد عنده 18 سنة و قائد جيش المسلمين
بلاش زمان اوى كده , زمان ايام ابويا اللى مجيش ضافر رجله يا رب يديه الصحة و طولة العمر , ابويا اول ما تخرّج من هندسة ده كان مسئول عن اسرة 5 افراد مصاريف و تربية و فى نفس الوقت كان بيحب امى و اتجوزها فى ظروف حالكة , مين دلوقتى يعمل كدة
أيام امى اللى مفيش بنت دلوقتى تيجى ضافر رجلها , كانت معيدة فى الجامعة و سابتها عشان تسافر مع ابويا يشقوا طريقهم فى بلد عربية تانية و فى الاثناء دى خلفت اخويا و اختى فى سنتين ورا بعض علطول و بتربيهم لوحدها فى بلد تانية من غير ما يكون جمبها واحد حتى من أهلها
الناس دى لا كانت معاها عربيات و لا خدّامات و لا موبايلات و لا حاجة , بينحتوا فى الصخر و لسة لحد هذا العمر " الخمسينات " ربنا يديهم الصحة و طولة العمر بينحتوا فى الصخر عشانى انا و اخواتى
السؤال باة اللى الكل بيتهرب منه : انت و انت بتفكر تتجوز , شايف نفسك ممكن تعمل نص اللى هما عملوه و بيعملوه ؟
هتقدر تسعد مراتك فى عز مانت اصلا قرفان من الدنيا ياللى فيها ؟
هتقدرى تسيبى شغلك و كيانك عشان سعادة جوزك و عيالك ؟
هتقدر فى عز تعب الدنيا و قرفها انك تفرغ وقت ثابت ليك و لاسرتك و لعيالك وتربيتهم اللى بقت اصعب من ترويض الاسود , على الاقل الاسود بتخاف من النار
مش هتخلى الملل يسيطر على حياتك الزوجية بعد 5 سنين مثلا من نفس الروتين القاتل , و تزهق من مراتك و هيا تزهق منك ؟
هتكتمى سر جوزك مهما كان و مش هتطلعيه برة ؟
هتفضل تربى ابنك لحد ما يبقى عنده 30 سنة و لما يتجوز و يخلف تقعد تربى فى عياله ؟
هتستحمل سخافات أهل مراتك و واجبتهم الاجتماعية التى لا تنتهى و التى سوف تلتهم اى وقت فراغ قد يتبقى لك ؟ ( عيد ميلاد بنت اخت اللى جابوا اخو عمة امها !!!! و الكلام اللى بالشكل ده )
.......
فكّر و تأنّى
يا شباب .....
اوعو تقولو مش ح اتجوز علشان مش قادر على تكاليف الزواج ......
انوي خير .... وخد بالاسباب ...... وخلي عندك يقين في الله ورسوله ..... ح تلاقي ربنا ميسر لك الامور
لكن اليأس من رحمة الله من الكبائر
قال رسول الله http://www.alminbar.net/images/salla-icon.gif: ((ثلاثة حقّ على الله عزّ وجل عونهم: المكاتَب الذي يريد الأداء، والناكح الذي يريد العفاف، والمجاهد في سبيل الله)) أخرجه الترمذي والنسائي وابن ماجه
...
ده كلام سيد الخلق الذي لا ينطق عن الهوى
عليه الصلاة والسلام
..
..
الجواز فعلا دلوقتى بقى موضوع يخليك تفكر فيه كتير قبل ما تاخد قرار تتقدم لواحده مش زى زمان لما اهالينا كانت بتحكيلنا على البساطه الى كانوا بيتقدموا ويتجوزوا بيها
وفعلا البنات بصراحه بتتكلم فى ماديات كتير بدون زعل دا غير التلفزيون والمسلسلات الى لاحسه عقول بنات كتير-مش الكل طبعا- وعقول اغلب البنات موطن خصب لفيروسات الرومانسيه الزائفه من كل وسائل الاعلام واغلب قصص الجواز الى حواليا اليومين دول دايما بلاقى فيها حاجتين الراجل الغنى نادر لما يترفض والعروسه عايزه من العريس شيك على بياض تجيب الى هى عايزاه
انا واحده قريبتى مره بتقولى انا اتخطبت قولتلها الف مبروك هو مين العريس ومنين؟ قالتلى معرفوش دا مسافر وعمرى ما شوفته استغربت قوى وقولتلها ليه قالتلى انا كل همى بس اتجوز واعمل فرح واعزم اصحابى عشان كلهم مخطوبين وفرحانه اوى بالدبله وكمان متعلمه تعليم عالى يعنى محدش يقول دا مستوى فكرى محدود
المقصود بكلامى مش انى ضد الزاوج ولا انى اقول كل البنات كدا لا فى بنات كتير بتحكم عقلها ومستعده تضحى هى وزوجها فى المستقبل لكن الفئه دى قليله
بعد مناقشات كتييييييييييييييير في المواضيع دي
فاحسن حاجه
تسيبوها علي الله
كل واحد حياخد نصيبه
والزوجه اللي ربنا اختارهاله في الوقت المحدد له
===================
وعموما من اسباب فشل الخطوبه هو تغيير الاتفاقات بعد الخطوبه
وكل ما تسال واحده فسختي خطوبتك ليه
تقولك
اصله طلع ابن امه
زي ما يكون لازم تكون يتيم علشان تروح تخطب ست الحسن والجمال
انتوا بكلامكوا ده عقدتونى والحمد لله
خلتونى كرهت الجواز والبنات والناس وكل حاجة
والله ده السبب اللي فكيت علشانه
المهم العروسه كانت قريبتي وبقولها انتي مابتتكلميش مع والدتي وتحسسيها انك زي بنتها ليه
تقولي انا كده باخد علي الناس براحه ؟؟؟؟
مش فاهم يعني
هو احنا اغراب عن بعض
والله وعندي استعداد افشكل الف مره مقابل اني الاقي واحده تحترم امي قبلي
انها ساعتها هتكون بتحترمني وتقدرني
من اسئلة الخطوبة المهمة بعد التاكد من التدين و الاخلاق مطلوب تشوف نظرتها لاحتياج البيت اى هل هية فعلا فكرت حترتب امورها ازاى ولا وخداها فهلوة
السؤال هو ميزانية البيت حتتنظم ازاى؟
بنات كتير قوى بينسوا ان ميزانية البيت داخل فيها استهلاك المياة و الكهرباء و خلافة
و المواصلات
و لبس العيد
و الكحك و خروف العيد
فلو لقتها بتقولك ما تعرف و مش واقته تعرف انها عقلها فى التراوة
اما لو لقتها فعلا عارف مصروف البيت مفروض يتنظم اازى ممكن تطمئن بنسبة 5 % انها فعلا ممكن تفتح بيت و تنظمة
موضوع اخر فى غاية الاهمية
اى المرجع الرئيسى لحل اى خلاف؟
طبعا الشرع و القرآن الكريم و هدى و سنه حبيبنا المصطفى صلى الله علية وسلم
لو لقتها مش راضية بكدة
يبقى اخلع بسرعة علشان ظاهرها غير باطنها