لقى قريب معه سيارة اسبيرانزا ولما مشى على سرعه 40 لقيت الابواب كلها اقفلت اوتوماتك.
هل يوجد جهاز زيه فى السوق يقفل الابواب كلها على سرعه 40اوتوماتك .
بيبقى عند مين وسعرة كام تقريبا
لقى قريب معه سيارة اسبيرانزا ولما مشى على سرعه 40 لقيت الابواب كلها اقفلت اوتوماتك.
هل يوجد جهاز زيه فى السوق يقفل الابواب كلها على سرعه 40اوتوماتك .
بيبقى عند مين وسعرة كام تقريبا
معلوماتي ان الولف كده وسعرة في حدود 250 ج
انا معايا ولف وكنت جايبه ب180 من حوالي سنتين ومفيهوش كده .. انا سألت واحد بتاع حجات من دي في المنصوره مشهور اوي قاللي ان مفيش من ده ... ده بيبقى استاندرد في العربيه بس لكن اللي بيتركب مبيقفلش لوحده
كل السنتر فيهم الموضوع ده
بس ده بيعتمد على الكهربائي اللى بيركبهولك عشان يوصل فرعه منو على عداد السرعه و عند سرعه معينه في سنسور بيقوم بعمل كما لو انك دوست على السنتر
انا لسه مركب انزار وولف ب200 جنيه
وبعد سرعه 20ك بيقفل السنتر ولو فتحت الباب
بيرجع يقفل تانى
نفس الكلام عندى بس بشكل تانى وهو ان السنتر بيقفل لوحده بعد ما العربية بتدور بثوانى معدوده.وفى طريقة ممكن تجربها .اادخل جوه العربيه ودورها وبعدين افضل دايس على زرار الغلق اللى فى مفتاح السنتر وذلك لمدة 4 ثوانى مثلا وده ممكن يبرمج السنتر بانه يغلق لوحده بعد تشغيل السياره...جرب كده وقولى
الولف مع اول ضغطه على الفرامل السنتر بيقفل الابواب وميرجع يفتح لما تفصل الكونتاكت
الغلق بيكون حسب طريقة التركيب وحسب ما بتتفق مع الكهربائي
ياعني فيه بيظبطه ان مع اول دوسة للبنزين وده موش مستحب
وفيه بيظبطه بعد ما الواحد بيدور العربية ياعني مع الكونتكت وده كمان موش مستحب
وفيه إلي بيظبطه مع دواسة الفرامل بأعتبار ان الواحد موش هيدوس فرامل غير لما العربية تتحرك
وفيه إلي بيظبطه بعد مرور مدة معينة من تشغيل العربية
المهم علي الإجمال الخوف من التظبيطه ان الواحد يدور العربية وينزل وهو بينضفها تلاقي السنتر قفل او ان حد من الأولاد الصغيريين وهو جوه العربية يدوس علي دواسة البنزين وايضاً وانت بره العربية يقوم السنتر يقفل
لذلك فأختيار اوبشن الغلق مهم جداً وافضل حالة فيهم من وجهة نظري هي الغلق مع الفرامل او لما الواحد يوصل سرعة معينة بإعتبار ان في هذه الحالة اكيد انت جوه العربية وسايقها